| gute Helfer... |
|
|
1
|
Snow_Floks  am 08.10.2013
gute Helfer...
Oisi Hochzig isch ez au scho en Monät här und ich würd nüt anders mache.
Es paar missgschik sind trotzdem passiert
-Wär nöd so sportlich isch und glich wet de Brutstruss rüärä, söt vilicht zerscht üäbä dä überd Schultere zrüärä... Ich han mich bim erschte ahlauf fascht sälber abgschosse...defüt hät en nachher genau di richtig gfange 
-Ich würd au sofort wider es Fotoshooting vor de Chile mache. Leider hät min rote Bluämästruus en chliine Fläck uf mim Chleid hinderla. Ich hans gwüsst, aber mer häts nöd xee... und trotzdem hani i de Chile immer dänkt, dases alli xend.
Also achtung bi chli füächtä bluämä
-Umbedingt di richtige Trauzüüge und Tätschmeister ihsetze...
Mir häd chli Problem gha mitem Service im Restaurant und oise Tätschmeister hät das eifach grandios gmeischteret. Ich denke mir händ nödemal d'helfti mitübercho was alles schieff gloffe isch...
Si händ ois au uuu mega härzig d'Wonig dekoriert, mit Zmorge, Pizza und Champagner. Aber erscht womer vo de Flittis heicho sind.
|
|
|
Lula  am 11.10.2013
Re: gute Helfer...
Hoi Snow_Floks
Das mit am Brutstruss wärfe tönt härzig... Hoffe Du hesch Dir nit zfescht wehgmacht! U wenns di richtigi gfange het, isch ja das genial!
Was hesch de Du für Blueme gha, dass die hei möge abfärbe?
Wie lang heit Dir am Morge gfötelet? Mir Fötele ebe ou vorher, u i bi mir nit sicher wie lang mir söue irächne. Heit Dir nume zwöit oder mit TZ u Eltere?
Das gloubi, dass di richtige TZ gold wärt si, ha das am Dienstag bi mire TZ dänkt, si isch so ne Goldschatz...
|
Snow_Floks am 11.10.2013
Re: gute Helfer...
hi Lula,
Ne ich hami ned verletzt, ischmer im erschte moment eifach grad peinlich xi aber han den drüber glachet und nomal en ahlauf gno.
Ich han roti nägeli gha. So en chugelistruus. uh schöön, aber si händ über nacht chli füächt becho und drum händs chli abgfärbt. Aber nöd schlimm, isch nur so en gufenadlechopf grosse fläck xi.
Mir händ 2 Stund ihgrächnet, äso dasmer no e Stund ziit gha händ zwüschet em Shooting und de Chile. Bi ois sind no TZ debi xi. Es isch genial xi. Wen ihr es speziels Auto händ (oldtimer, Limo,...) müänder das au umbedingt mitnä, das git no supper Föteli. TZ sind den chli früäner gange und mir händ no ganz älei gfötelet.
|
Lula am 11.10.2013
Re: gute Helfer...
Ah so, aber das es Dir im erschte Moment isch piinlech gsi, gloubi 
Gar nit gwüsst dass Blueme ou chöi abfärbe.  Aber Din Struss gseht sehr schön us! Was isch das wisse wo drüber isch?
Aso quasi 1 Stund fötele u 1 Stund Puffer? Mir wei e Range Rover, hoffe es klappet.
Mir heis jtzt mau so dänkt, aber mini TZ het ebe zGfüehl, ds Fötele z'zwöit segi chli knapp (ha zersch 3/4 Stund zwöit dinne gha, u jtzt uf 1 Stund erhöht) Aber was mache TZ i dere Zyt??
10.45-11.45 Paarfotos, teils mit TZ
11.45-12.15 Fotos mit Eltern & TZ
12.15-13.15 Pause
12.50-13.30 GG mit TZ, u de Partner bir Kirche am Gäst begrüesse u Namenstäfeli verteile
13.30-14.30 Trouuig, wüsse aber no nit, ob si de genau 1 Stund geit
|
Snow_Floks am 11.10.2013
Re: gute Helfer...
Danke, das sind perle ame neilonfade xi.
bi ois häts so usxe:
11.00 Fötele mit TZ
12.15 sind TZ id Chile gange
13.00 sind mir id Chile gfahre (händ no Sandwitch gässä wo mini TZ gmacht hät)
14.00-15.00 isch Gottesdienscht xi
15.00-17.00 Gratulatione und Gruppeföteli
17.00 wiiterfahrt
das hät eigentli ganz guet klappet.
Und ich bin froh xi hämer am Morge nöd früäner abgmacht!
Han so scho am 7.30 bim Cuaför müäsä si
|
Lula am 11.10.2013
Re: gute Helfer...
ah, cooli Idee!
De hei mir ja gar nit so ne Unterschiedleche Plan  Bi no froh, wüu de chas so fautsch nit si.
Was heit de Dir 1 Stund ir Kirche gmacht? No dekoriert? U de TZ ir Zyt wo dir no am Fötele sit gsi?
I ha bi mir im Zytplan, dass i vo 08.00-09.00 u 09.15-10.00/15 bi Coiffeur u Kosmetik bi, weiss eifach no nit i welere Reihefolg?! Närne hei u alege u ga Fötele
|
Snow_Floks am 11.10.2013
Re: gute Helfer...
mir händ no ca. 1/2 Stund Autofahrt zur Chilä gha, mir händ es Oldsmobile (Cabrio) gha und da hämer natürli nöd so schnäll chöne fahre
I därä Halb Stund womer dän no gha händ, hämer öpis gässä, ois Frisch gmacht und gwartet, ich han vo mim "Verstek" us ganz guet di ahkommende gäscht chöne beobachte das isch no cool wend ä grossi gsellschaft häsch. Ich han a däm Tag kein Finger me grüärt, sondern nuno gnossä
Oisi TZ sind go luege ob alles richtig klappet, deko, Chileihrichtig, Apero ufbau und händ den scho bald gescht begrüäst, diä sind zum teil scho früä da xi, wils en lange ahfahrtswäg gha händ.
Ich bin zerscht bim Cuaför xi und nachhär bir Kosmetikerin. Ahlegge isch au no es züg xi, mini TZ hät drü ahloif prucht bis si mis chleid richtig gschnürrt hät
|
Lula am 11.10.2013
Re: gute Helfer...
Ah so, muess das mau mit mim GG agugge, aber dä isch momentan nit so uf Hochzyt... 
Mir hätte näbe dr Kirche nos Gmeindshuus, aber das Wucheändi wo mir hürote het ebe e Dorfverein no Uftritt mit Theater, u i nimme ah, die si düre Tag ou scho derte... Daher warti äuä eifach deheime
GG wird mit sim TZ u de Partner ou ca 40 Minute früecher bir Kirche si
Wieso hesch Du di de für di Reihefolg entschiede? Wüu mini Coiffeuse het mirs umgekehrt empfohle, mini Kosmetikere het nit viu gmeint. ds Schnüerre entfallt bi mir, ha "nur" Riisverschluss
|
|
|
1
|
Anmelden
