| Wie teile ich die Verlobung der Schwiegermutter mit? |
|
|
1 2 3 4
|
|
Lus nicht registriert am 16.04.2012
Wie teile ich die Verlobung der Schwiegermutter mit?
Hallo zäme :-) Mi würd mau interessiere, wie dir uf das würded reagiere  :
An 28. Dezember 2011 hani vo mim Schatz e wunderschöne Hüratsatrag becho. Mir si im August 10 Jahr zäme (är 33gi, ig 27gi) u drum hani mi über dä Schritt meeega gfröit :-)
Natürlech wettmers am liebschte grad aune verzeue, doch hani folgendes Problem:
Ar Wiehnachte simer zäme mit mim Schwager und sire Frou bir Schwigermueter iglade gsi. Si isch nid grad e eifache Mönsch und drum mues mer immer chli uf aues gfasst si. Irgenwie simer emu ufs Thema hürate cho (und mi Schatz het denn ja dr Atrag scho aues planet gha) und mini Schwigermueter seit nume so zu mim Fründ: Du wärsch ja schön blöd ga z hürate bevor dir Chind heit, zausch ja nume meh Stüre"! Das het ihn sehr möge - verständlecherwis. Bis hüt weiss si nid das mir nöchscht Jahr wärde hürate, hei eifach angscht vor dr Reaktion!
Im März i däm jahr heimer ändlech ds Hus womer dinne wohne (am Fründ sis Euterehus) vor Schwigermueter chönne abchoufe, nach 5 Jahr sehr aständende Verhandlige. Ou i dere Zyt woni ihre mini ängscht güsseret ha, wies de söu ga wemer mau chind heige wägem Finanzielle (si het denn e überrissnig höche Kaufpris wöue) isch d antwort cho: de gits bi öich haut de keni Chind, i ha gnue Grosskinder (derbi het zu däm zypunkt nume ihre Läbenspartner grosskinder gha). Das si so üsserige wo eim wahnsinnig träffe.
Kennet dir so Problem mit dr Schwigermueter ou? Ha immer gmeint "die bösi Schwigermueter" sig nume es Klischee, doch hani je lenger je meh z gfüeu, es sig würkelch e hufe wahrs dranne!   
I
|
|
|
jasi86  am 16.04.2012
Re: Wie teile ich die Verlobung der Schwiegermutter mit?
Oh Lus, da tuät mer so leid für dech.... I has Glück ä hammer Schwiegermuätter zha. Wiä wehrs wenn ehrs ihre eifach säged und denn je nach ihrere Reaktion entweder Sie wieter a eure Vorbereitige teilzneh loh oder Sie eifah am Schluss vor vollendeti Tatsache stelle.
...oooOOO 25. Mai 2013 OOOooo...
|
Muus am 16.04.2012
Re: Wie teile ich die Verlobung der Schwiegermutter mit?
Hoi Lus (hehe, tönt ja fasch wie Muus :))
Ganz spontan: i ha z Gfüeu, dass si sich doch wird freue. So sache wie "Du wärsch ja schön blöd ga z hürate bevor dir Chind heit, zausch ja nume meh Stüre" seit me no schnäu, aber wenns de würklech so isch, freut si sich doch sicher trotzdäm!
Es chunnt mer grad nümm i Sinn, was das gsi isch, aber mir hei ou mau e Situation gha wo öpper zimlech abschätzig oder negativ vo öppisem gredt hett, wo mir eigentlech scho planet hei gha... aber wo's du konkret isch worde, het me sech glich gfröit!
U wenn nid: mini SchwiMu isch ou nid e eifachi Person. Ig gah ihre eifach us Wäg wo's geit und steue uf Durzug wenn si öppis verzeut....
LG Muus
|
stephansbride  am 16.04.2012
Re: Wie teile ich die Verlobung der Schwiegermutter mit?
Oh je Lus, das duet mer leid für Euch. Ich ha zwar nid dTraumschwiegermuetter aber ich verstand mich ganz guet mit ihre und si het super happy uf eusi Verlobig reagiert.
Also wenni euch wer würdis ihre inere ruehige Minute säge (chömet jo glich nid drum ume  ). Und denn lueget ihr mol wie si reagiert. Vilicht reagiert sie jo ganz anderscht als erwartet...
Nochher würdis wied jasi gschribe het, eifach so mache dass ihr si nüm an euchere Planig lönd lo teil ha wenn sie blöd reagiert.
Ich druck euch ganz fescht Duume, dass si gelasse reagiert und euch ihre Segen git...
***verliebt 10.12.2005 - verlobt 09.07.2011 - heiraten 17./18.08.2012***
Zuletzt bearbeitet am 16.04.12 14:41
|
|
Lus nicht registriert am 16.04.2012
Re: Wie teile ich die Verlobung der Schwiegermutter mit?
Da si relativ wit wäg vo üs wohnt gseh mer üs nid vieu und via Telefon oder so wettemers ou nid säge. U dr Momänt mues eifach passe finde ig :-) I ha bi ihre fasch Angscht z säge wüu i eifach Horror vor dr Antwort ha! Trurig aber wahr. Aber i gloube, mittlerwile bini so witt dasi de ou mau würdi zrügggäh :-) Si söu doch froh si, dass ihre Sohn glücklech und z fride isch :-)
Dass si üs bide Vorbereitige würdi häufe wetti eh nid, dass wetti mit mim "Ma" und de Trouzüge mache. Da wotti über diversi Ideene und Wünsch chönne rede, ohni dasi mues z gfüeu ha, es chöm itze de grad wider irgend e spruch!
|
|
Lus nicht registriert am 16.04.2012
Re: Wie teile ich die Verlobung der Schwiegermutter mit?
@Muus :-)  
I ha eifach ide letschte 10 jahr sooo vieu mit ihre erläbt, dasi mer äbe sehr guet cha vorsteue, dass si ihri ussage würklech ärnscht meint  aber äbe, drum ume ihre das z säge chömemer würklech nid. I bi nume froh, heimer das mit em huschouf no chönne under dach und fach bringe, de simer wäge dem emu nid so uf si "agwise" 
|
Muus am 16.04.2012
Re: Wie teile ich die Verlobung der Schwiegermutter mit?
@Lus: Weisch wie mini SchwiMu reagiert hett? Isch zwar theatralisch gsi, aber gliich: si hett es Chüssi gno, sechs vors Gsicht ghäbt und lut grüeft "nei, nid är ou no!".... ^^
Löht nech nid la drirede u vor auem nid la drusbringe! Es isch ja zum Glück hüt ir Schwiz meischtens nümm so, dass när d Brut bir Schwiegerfamilie izieht...! ;)
|
stephansbride am 16.04.2012
Re: Wie teile ich die Verlobung der Schwiegermutter mit?
@Muus: Boah, de Spruch isch au nid schlecht. Cha mers grad bildlich vorstelle
@Lus: leider chasch dr halt dFamilie vo dim Schatz nid ussueche, dorum muesch sBeschte drus mache. Wie gseht denn din GG das ganze? Regt er sich au ab ihre uf oder blibt er do neutral?
***verliebt 10.12.2005 - verlobt 09.07.2011 - heiraten 17./18.08.2012***
|
|
Lus nicht registriert am 16.04.2012
Re: Wie teile ich die Verlobung der Schwiegermutter mit?
@Muus
Hihi d Reaktion vo dire SchwiMU isch ja super 
Nei i gloube, wesi blöd wird reagiere de wärde mer se eifach mide bis zur Hochzyt. Das si nid dörft dra teilnäh, das würd si üs gloub nid verzeihe und irgenwie wärs ja doch chli schad und äbe wie du seisch, i mues zum Glück nid mit ihre zämewohne! Phuuuuu
|
jusi  am 16.04.2012
Re: Wie teile ich die Verlobung der Schwiegermutter mit?
oh je lus. leider cha ig dir nit us eigener erfahrig brichtä. has mit mim schwima super und au mi gg verstoht sich mit minä eltärä tip top! aber i glaub i würd äifach so locker wiä möglich blibä. im notfall wirklich ignorierä, resp. so guät wiä möglich us em wäg goh... äifach gsäit as gmacht, ig weiss...
was ig in so situationä amigs no wichtig find isch, dass dr partner au ä klari meinig het und dir öich einig sit... toi toi toi uf jedä fall
|
|
|
1 2 3 4
|
Anmelden
