Wie scho erwähnt hend am obig vorhär min MAA ond ech no e pizza bstellt, chli wii tronke… chli felm gluegt… ond hends üs eifach no chli lo guet go loh… d’nervosität esch vorallem bi mer ned z’öberspele gsi… han mi ufgfüehrt wie es chlises chend… völlig uftreit… ond hey… er hed mi glich no welle hüürote ;-)
Nochdäm ech bim felm luege es paar mol chli wägdööset ben, ha mi entschede is bett z’goh… ond han den am 12i au tatsächlech chönne pfuuse bes am halb 2… ben den weder ufgstande (min maa esch emmer no uf gsi ond d’nervosität het sech bi ehm au eidüütig afoh bemerkbar mache)… so hend mer zäme eifach no de felm wiiter gluegt… ond send am 3 zäme is bett… er hed grad chönne ischlofe ond ech ben den no es ziitli wach gläge (ech glaub bes so om die halb 5i) bes i den ha chönne ischlofe…
Ond denn de morge… ech hans sooooo ned realisiert… hans ganz gmüetlech gnoh, ben am 8i ugstande, chli im züüg omeghüeneret, e duschi gnoh… weiss gar ned wörkli wie d’ziit verbi gange esch… bes am halbi 11i, wo ech den zo mim coiffeurtermin gange be… am halb 12i ben i weder dehai gsi, han mi gschmenkt… mini frisur no chli „perfektioniert“ ond mim schatz sini frisur gmacht… er esch den i azog gschlöpft ond mis mami (au mini trauzüügin) esch üs zo ehre hei cho hole… wo er den met mim stiefdady chli im ondere stock omegfödlet esch, währed dem ech im obere stock s’chleid agleid ha… ech säg euch… en TRAUM… met de frisur, de schmenki… em hoorband wo mer mini schwöster kauft hed… es hed eifach sooo schön usgseh… ond den han i au s’erschte mol min bruutstruss z’gseh becho… (mis mami hed en gholt ka)… ech säg nor WOW! Hans also wörkli ned bereut, dass i mi omenetschede ha ond rose gwählt han… es hed soooo super passet!
Den esch för mech eine vo de aller emotionalschte teil vom tag cho… ech ben I de stobe bi mim mami gstande…. Met em chleid, em bruutstruss… ond han uf min maa gwartet… er esch z’laufe cho, hed mi agluegt ond hed brüelet… ond ech han gmerkt, wies ehm wörkli, wörkli gfallt… er hed gseid er cha ned ufhöre mech aluege, mech omarme, mech kösse, mech hebe… er esch soooo begeisteret gsi… ond au ech ben de träne wörkli extreme nöch gsi… för mech enorm en beidrockende augebleck voller wahnsenns gfühl ond emotione…!
Am eis send mer den losdüüset zom schloss wyher in ettiswil om 1h es paar schöni föteli vo üs als paar z’mache (mer hend üs bewusst nor för die stond för e profsessionelli fotografin entschede, do min stiefvater super cha fötele, ond de räscht vom fäscht öbernoh hed…) es esch spannend gsi, ond gar ned so schwerig z’stelle… well das verliebte aluege gar ned gstellt gsi esch ;-) mer hend eifach ned chönne ufhöre üs z’kösse ond z’omarme… total happy!
Diräkt noch em fotitermin eschs wiiter ufs standesamt… wo mer den au all üsi lüüt troffe hend… för mech eine vo de schwerigste teil… us em auto usstiige, ond alli gsähnd eim im chleid… ond den besch wörkli total im mettelponkt (was ech bekanntlech ned garn be)… ech ha chli müeh ka, han doch allne welle hoi sage… ond den esch weder öpper cho sage, hey, chom doch no chli met de grosseltere cho rede, ond lueg doch det… ond das… aber tüüf döreschnuufe helft… schliesslech send mer den is trauuigslokal wo wörkli WONDERSCHÖN esch… gar ned kahl, karg oder söscht öppis… sondern de ruum hed wörkli enorm charme… fascht öppis cherchlechs…
üse standesbeamti hed das ganze wörkli super gmeisteret, ond au üsi gwählte lieder send perfekt gsi… aber… ech ha noch wie vor ke träne vergosse… währed dem min maa näbedra sech soo zämegresse hed ond ganz füechti auge ka hed… es esch e tolli trauuig gsi…! Ond genau bim jo-wort hend d’sonnestrahle afoh dörs fenschter schiine… idröcklech! S’onderschriibe esch mer no chli schwär gfalle, well ech so onglaublech fescht zetteret han… ond mini broscht esch fascht explodiert, well mis härz so pöpperlet hed…
Noch de trauuig send mer den wiiter in ruum wo mer gmietet ka hend… met ere riiiise, wonderschöne öberraschig… mini schwöster hed die ganz dekoration öbernoh… passend zo de farb vo mim chleid ond sogar uf min bruutstruss abgstemmt! Sooooooo onglaublech schön, dass mer bed fascht weder hend afoh brüele… han mi rechtig wohl gfühlt… ond au üsi teschornig esch wörkli guet gsi (mer hend üs zerscht no chli sorge gmacht ka…)
im grüene osse hend mer den no es paar groppeföteli gmacht, met grosseltere, met gäscht… ond so wiiter… wo ech den det so i de arme vo mim maa gsi ben, ond id kamera gluegt ha esch min bleck chorz öber de bode gschweift… und siehe da… es hed mechi de wiise enne es 4-blättrigs chleeblatt agluegt… för mech ganz, ganz en schöne momänt… ond ergendwo döre au es zeiche… ha mi riisig dröber gfreut…!
ond den hets chli afoh lockerer wärde… apéro, chips, snacks… d’lüüt hend chli metenand gredt… ergendwenn esch de grill agschmesse worde… tronke, glacht… es esch eifach perfekt gsi! Ond mer hend veeeeeeell z’vell getränk ond fleisch kauft… ond somet üses budget för d’flitterwoche nomol chli höcher fallt :-)

• Zitieren

speli hets den au 2 gäh, eis eifach för d’gäscht… ond eis för mech ond min maa… ond obwohl ech ned gärn im mettelponkt ben, eschs super loschtig gsi! Mer hend e trennwand zwösche üs ka, es barby-pony i de einte hand (för mech) ond en esel i de andere (för ehn)… den send üs froge gstellt worde wie: wer esch ordentlecher? Wer hed de erscht schrett gmacht? Ond so wiiter… ond mer hend den s’jewiilige tierli ufeghebt för die rechtig antwort ond hend üs so 1 fränkler wo vo de gäscht metbrocht worde send verdient (insgesamt 550.-, wow!)… spannend esch gsi, dass mer fascht emmer de glich meinig gsi send, ossert bim erschte schrett ond em erschte koss ;-) mer send bed de meinig gsi dass mer de erscht schrett gmacht hend…
Jo de obig esch den langsam usklonge… ond ech ben tooootal kabott gsi… mer hend üs aber de ganz obig bewusst emmer weder ziit nor för üs zwöi gnoh, zom üs omarme ond eifach zom zäme si…
dehai hend mer üs grad is bett lo keie…
Dass mol e chorzi zämefassig… ond im ahang scho mol es paar vereinzelti belder als idrock…
die räschtleche gsähnd mer leider erscht i 2 woche, wells morn ab id flittis god… ond för üs somet s’nöchschte abentüür afohd…! :-)
Ganz liebi grüess,
seeletänzli

• Zitieren

liebs seeletänzli,

do chan ech nor säge WOW! du besch en wonderschöni bruut gseh ond du hesch das ganze es schön gschrebe, mer esch es grad chalt de rogge abgloffe woni das gläse han. eifach nor wahnsenn!
han geschter ganz ganz mängisch a dech dänkt, ond han riesig freud gha, das d'sonne au no schnell esch cho luege. händ ehr wörklech super preicht.

ech wönsche üch zwöi alles liebi ond gueti, ond gnüssed die täg als maa ond frau! natürlech wönsch üch üch au no atemberaubendi fletterwoche.

ond muess es nomol säge, d'föteli send eifach wonderschön.



verliebt 23.04.2006/verlobt 14.02.2009/verheiratet 10.07.2010

• Zitieren

Härzlechi Gratulation zur Hochziit! Tönt toll din Bricht ond schöni Föteli!
Was send das för Ring, aso Material? Gsänd toll us.
Daf i frogä wohi dases id Flitterwoche goht?

• Zitieren

Hammer! Vielen Dank für diesen wunderschönen Bericht. Es klingt wirklich so als währe alles einfach so gewesen wir ihr euch das gewünscht habt.
Ich wünsche euch einen tollen Honeymoon und alles Liebe und Gute für eure gemeinsame Zuknft

Grüsse sommerbrise
*** *** ** Wir heiraten am 25.06.2010** *** ***

• Zitieren

nicht registriert

Sooo schön....
Ich wünsche euch beiden ganz tolle Flitterwochen, geniesst es so wie eurer grosser Tag.
Super schöne Fotos und dein Strauss gefällt mir unheimlich gut!
Danke, ich find es so schön wenn man die Geschichten der Braut lesen darf, Fotos sehen kann, so fiebert man so sehr mit, toll
Es liebs Grüessli Franziska
26. Juni 2010

• Zitieren