i säg nu wow.. mega schön gschribe und mer merkt au richtig use wiä glücklich das du bisch.. i freu mi mega für eu das ihr sonen wunderschöne tag gha hend.. und süess ische snatürli das din gg het müesse brüele.. i wünsch eu alles alles gueti für eui gmeinsami zuekunft und blibed so glücklich.. sind ganz schöni föteli worde.. gratulier eu..

grüessli

• Zitieren

nicht registriert

uj seeletanzli... danke vielmol für dä bricht.. hört sich super guet ah.. hehe das mit em fleisch etc bstelle isch schwer zum ischätze gell :) ich freu mich mit eu , dass ihr en unvergesslichä tag erlebt hend, ich wünsch eu ganz schöni gmeinsami ehejoohr ;) und gnüssäd euri flitterwuchä.. soooooooo schön... hetts den keis plätzli meh frei ka für mich ;) ;)

du bisch e wunderschöni brut gsi, find dini frisur schlicht und doch speziell... dis chleid isch dir au super gstande ( hesch evtl no meh fotene? ;) ) und dring, wow usergwöhnlich schön. und vom struss bini gad au no begeisteräd!! dörfi di gad frogä, wo du dä hoorreif her hesch?

also du gnüssäd euri 2samkeit smaledive. lg

• Zitieren

hallo zäme

danke för die velle liebe antworte ond d'komplimänt...
mer hend suuuuper flitterwoche döffe verbrenge... bes zom legschte tag...
es send so vell sache passiert... wo au symbolisch en grosse wärt ka hend... zom biispel hend mer d'bunginommere 21 becho (ond mer hend jo am 21ischte ghüürote)...

en riise dämpfer ond en riise fruscht am legschte tag: min ehereng esch abhande cho...

es hed mi emotional total metgnoh ond au min maa het das ganze enorm belaschtet... ond zor ziit kämpfed mer emmer no chli met de folge... klar, es esch "nor" en reng... finanziell aber för üs ned möglech eifach en neue lo z'mache... ond es hanged halt au sehr vell gfühl dra...

@hoorband: esch vo de migros... 10.- ;-)
@fotene: mer send au super z'frede ond hend etz no alli räschtleche föteli gseh... eifach wow... ond för 150 so wonderschöni fötelli (1h fotografiere) hend mer enorm wenig zahlt... sie esch super sympathisch... ond mer hend üs total wohl gfühlt. uf licht-blicke.ch fended ehr söscht no meh infos.

liebi grüess a euch alli

-- ~ mer verTRAUED üs ~ -- ~ 21.05.2010 ~ --

• Zitieren

oje, au nei. däbi hend er so spezielli ring lo afertige.aber jo, wie isch das passiert? häsch en abzoge für an strand? das verstohni, das macht natürli sehr truurig. min schatz hät mol sin fründschaftsring verlore. das isch natürli lang nöd so wichtig wie de ehering, aber es isch üs au nöd usem kopf. mer hend denn irgendwenn en neue kauft (und wenn me 15 isch, denn kostet en silberring es vermöge :-)), klar isch nümm ganz sglich, aber irgendwenn denksch denn au nümm so oft dra. und denn? lütets 2 johr spöter ar türe, en kolleg vo ihm hät de ring gfunde, er isch bi ihm dihei im sofa id rille grutscht.

kopf hoch, au wenn jetzt grad sehr enttüscht bisch. fast wichtiger isch doch, dass ihr superschöni flitterwoche gha hend. und irgendwenn, chönd er din ring nomol loh mache und denn häsch umso me freud dra.

• Zitieren