also jetzt sind mer glaub ofem weg noch use wo d chirche tür uf gange isch, wow so viel lüt wo spalier gstande sind eifache es hammer gfühl. es isch so schön das so viel lüt chömet zum eim glückwünsche.
sie hend gseit es heg ca 250 persone gha am apero, mer sind halt es paarne vereine den zählt sich das scho.
bi dä gratulatione heti am liebscht brüelet vor freüd, es het mi so öberwätiget die trauuig und die menscheschar wo extra weg ös cho sind. es isch so schö!!
am apero hets scho die erscht spili geh aber erscht nochdem wir fascht e stund gratulatione entgege gno hend und noämol es stund gfötelet hend mit dä familie und dä vereine.
mer hend den au mol chli ziit gha zum chli rede mit ösne gäscht und chli öbis esse und trinke.
und den isches aber scho witer gange mit dä wisse kutsche mit 2 wisse ross!! min meitlirtraum het mer min allerliebscht erfüllt uf öses Hochziit ha scho immer mol wölle wie e prinzessin öbers land fahre und dä lüüt zue winke
die stund pause zum verdaue und enand chli gnüsse sich super gsi. das wühri jedem empfehle. obwohl die einte hends chli komisch gfunde das brutpaar eifach so 1h weg isch und trauzüge nüd mit nihmt. aber mer hend gseit das isch öse tag und mer bestimmet was mer wönd ( Die diskussione sind den nüd am Hochziitstag entstande vorher scho)
plötzlich haltet dä kutscher a und mer hend dörfe usstige und gsellschaft het üs in empfang gno det hend mer es grosse herz mitenad dörfe us schniede mer hend ös so konzentriert of ösi arbet hend gärnüd gse was was die lüütlis i dä hand gha hend. und wo mer den fertig gsie sind und dur das herzloch glaufe sind do hends ös öebrrascht mit ballons wos stiege loh hend mit charte dra. es sind scho 12 zrugg cho. das isch mega schöni öberraschig gsi.
also a derä stell wöti mol säge das mer super meg a hammer trauzüge gha hend wo eifach alles geh hend. danke viel mol.

• Zitieren

vo det sind mer den witer mit dä autos is festlokal.
det hend sie sich den au nüd hang loh die wirtslüüt hend doch tatsächlich dä roti teppich usgrollt für ös
da sääl het eifch u mega achön us gse. bi chli stolz gsi of min dekoration wo mer floristin fertig gmacht het. so fertig dekoriert hets eifach guet usgse.
am obet isches den witer gange mit guetem esse und feinem wii.
luschtigi spieli und tolli uberraschige und schöni gschenkli. isch scho krass was do so zeme chunt , sganaue usmass hend mer den erscht am sonntig/ mentig erfasst
da hochziitstanz isch u mega schön gsi mer ganz elei und alli lueget eim zu wie mer öses tanzbei schwinget. mer hend so en coole schirm öber cho wo mer zum tanze hend müesse hebe, de het mer chli tüfer chöne hebe und den het mer also no guet chli chöne schmüsele chli privat
vo dä gsellschaft hend mer es rezeptbuech öber cho, jedä het en bitrag drin. das isch no e schöni erinnerig für spöter.
mer hend gfeschtet bis am morge am halbi 5. aber wo mer den immer zimmer acho sind sind mer also schono recht müed gsi. total erschöft ischs richtige wort däfür.
ha nüd emol frisur ufgmacht (dä schleier het mer dschwe scho nochem hochziitstanz use gno)
dusche und den chli hochziits morge fiire
so jetz hani echli verzehlt vo ösem mega super hammer schöne tägli. mer wöhret genau alles wieder e so mache wie mers gha hend. es isch so schad isch dä bsundrig tag so schnell vorbi. cha no empfehle gnüssets gnüssets so guets goht.
so i hoffes es langet süs eifach fröge

• Zitieren

hey sidney.. i wünsch dir alles alles gueti zu dinere hochzit.. so wiäs usgseht hämer jo jetzt immer dä glich hochzitstag.. so schön.. danke viel mol für dä bricht.. muess jetz tno dä 1. teil go sueche..

--- ich bin sitem 12. Juni 2010 e glücklichi Ehefrau ---

• Zitieren

danke nicarina

hesch du au en bricht dine?? wöhr mi au interssiere wie er eües fescht erlebt hend.

• Zitieren

Hallo Sidney

Vile Dank für de 2te Teil vom Bricht. Schön, dass ihr so en tolle Tag erlebt händ! Ich freu mi sehr, dass es am Samstig für üs losgoht!

Ganz es liäbs Grüässli und nomol alles Gueti,
cosmologia

##Zivil am 10 Juni 2010 -- Trauung am 10 Juli 2010##

• Zitieren

danke nzwedding. an so einem tag fällt einem das strahlen ja nicht so schwer

• Zitieren