hmmm geits öich mängisch ou so das ir anscht heit das ihr z'vil fo öiem grosse Tag erwartet? Also mir geits zur Zyt so. We i a mini Hochzyt denke söts sehr romantisch u z'fride si mit chli glitzer u so (bi halt äs richtigs meitli ;-). Eifach alles sötti stimme, Trouuig söt eim berüehre, z'apero stimmig u fein, u z'fescht am Abe eifach dr hammer mit Tanze u Lache........

Weni mr aber d'realität so aluege fallts mr u schwär dra z'gloube dases so wird..... s'fat scho bir uswahl fo de Trouzüge a ä beschti Fründin hani nid würkli oder besser gseit sisch halt alles chli i hindergrund grückt wo d'chind si uf d'Wält cho.
Romantik isch i mire Familie me oder weniger äs Fremdwort, Träne for rüerig oder mal ä liebi umarmig kenne mr so gar nid obwohl mrs u guet hei ir Familie.
U när isch da ja no d'Familie fo mim Partner, d'Eltere si gschide u chöi chum i eim Ruum zäme si u überhoubt si alli mitenand verstritte :-((

Tanze wird sowiso niemer, trinke wärde si zfill u dr eint odr ander wir mr d'stimmig sicher vermiise ......

Mi Schatz würdi sogar ä Tanzkurs bsueche (das heist de scho öpis, är het öpe söfel rytmusgfüehl wine stei ;) aber är machts wil är weis dases mir viil bedütet) um mi glücklech z'mache :-)

Geits öich mängisch o so? Oder schrubi eifach d'erwartige z'höch? lieber chlini Brötli bache um nid entüscht dsi oder besser glich probiere mini/üsi Tröim z'verwürkliche?

Mi Schatz steit halt ou nid so gärn im Mittelpunkt (hets halt nid so gärn wene alli aluege) u i eigentlech ou nid, aber hürate tuet me doch hoffentlech nume einisch.....

merci für z'zueloseläse :-)

Bluemefee

• Zitieren

Ach ja woni mire Muetter gseit ha das mr so i zwöi jahr wei hürate isch iri wort gsi:

hmm siter sicher isch doch viiil z'tür u sone scheidig choschtet o fiil ;-((

Wi gseit i ha eigentlech äs u guets verhältnis zu mire Mueter si isch aber eifach chli ''Chalt'' i so sache. U mi Partner chunt u guet mit mire Familie us chönt sogar säge sehr guet u mir hei ou scho zwöi Chind...........

Nume so daser wüsst wasi meine

• Zitieren

Liebi Bluemefee

z'erscht wotti Dir säge, dass ich's schön finde, dass Du so offe schriibsch. ich chan all Dini Gedanke sehr guet nachevollzieh. isch mir sehr oft gliich gange vorem Hochzig.

Ich has z.B. nöd so guet mit minere Familie und han recht Respekt gha devor, wie's denn goht. bi mim Maa isches au nöd so eifach gsi betreffend de Familie. mir händ au gladni Gäst gha, wo mit anderne gladne Gäst gar nöd guet uuscho sind. gell, ide Vorstellige isches jo meistens uu schön oder recht struub.

Mir händ versuecht oisi Troim z'verwürkliche am Hochzig. wichtig han ich no gfunde, dass mir versuecht händ, d'Situation realistisch iizschätze. also au emol es Szenario uusdänkt, wie's wär, wenn "worst case" passiert, was mir denn wänd mache. das isch no recht guet gsi. mir händ au oisi Trauzüüge instruiert, was oisi Ängst sind und wie sie ois chöned helfe die z'vermindere.

Mir händ ois au immer gseit, dass oises Hochzig en wunderschön Tag söll werde; aber nöd perfekt. Es git eifach nöd es perfekts Fescht. wäme de Aaspruch hät, dases perfekt wird, chunnt mer ja mega in Stress. aber es git so vill Sache, wo nöd beiiflussbar sind. Weisch mir händs so nachem Motto gmacht: es söll en unvergesslich schöne Tag wärde, OBWOHL nöd alles perfekt isch.

Was ganz wichtig isch (find ich): lueged was oi gfallt, was oi Spass macht. nöd, was echt de anderne chönti passe, oder wie's die chönted finde. Es isch oie Tag und es wird immer irgend öpper geh, wo öppis nöd guet findt. drum, lueged eifach uf oi.

Oises Hochzig isch sehr schön worde. Es het au Sache geh, wo schwierig gsi sind und truurig gmacht händ, aber im gsamte isches en sehr schöne und unvergessliche Tag gsi.

Ich hoffe Du verstosch echli, was ich gmeint han mit mine Ziile und wünsche Dir, dass ihr usefindet, wie dases für oi stimmt.

glg Yasi

Sit em August 2009 glücklichi und stolzi Ehefrau!

• Zitieren

Liebe Blumenfee

Genau gleiche Gedanken sind mir auch durch den Kopf vor unserer Hochzeit. Ich hab sehr viel Zeit in die Planung gesteckt und mir erträumt wie ich mir alles vorstelle.
Im nachhinein muss ich ehrlicherweise sagen, dass unser Fest nicht ganz so geworden ist, wie ich mir das gewünscht hatte. Da bin ich aber teilweise auch ein bisschen selber Schuld. Die Leute können halt keine Gedanken lesen...
Auf der anderen Seite war ich sehr gerührt, wie viel Mühe sich alle gegeben haben. Unsere eigentliche Hochzeit im kleinen Familienkreis war wunderschön und sogar mein Vater, der sonst nie gross Gefühle zeigt, musste ein paar Tränen verdrücken.
Im grossen und ganzen überwiegen die positiven Sachen. Ich habe gemerkt, wie viel wir unseren Familien und Freunden bedeuten und umgekehrt.

Also mein Rat an dich: Sprich über deine Wünsche, Träume und Vorstellungen! Alles wird sich wohl nicht erfüllen, aber sicher ein Teil davon.
Versuche dich nicht in perfektionistische Vorstellungen hineinzusteigern. Du kannst und sollst nicht alles planen und es wird ganz sicher nicht 100% perfekt. Freue dich einfach auf den Tag und geniesse am Hochzeit jeden Augenblick, es geht alles so wahnsinnig schnell vorbei.
Ich hatte auch Angst, dass ich mich über Dinge aufrege. Aber an dem Tag selber waren mir solche Sachen irgendwie egal. Ich wollte mir einfach den Moment nicht verderben lassen.
Und ich bin mir ziemlich sicher, dass du dich noch über deine Familie wundern wirst... ist der Moment nämlich da, reagieren viele ganz anders als man es erwartet hätte!

Also versuch dich nicht wahnsinnig zu machen!
Liebe Grüsse
Piglet

Ach ja: Nimm das Angebot deines Mannes für den Tanzkurs an! Auch wenn er es "nur" wegen dir macht. Es ist doch ein toller Liebesbeweis und du wünschst es dir doch, oder?

• Zitieren

äs interessants Thema.....u i cha das sehr guet nachevollzie. wobi i ha das eigetlich nie so extrem gha, i ha mine Trouzüge vou vertrout u ha selber o nid würklich viu organisiert.
äs isch haut scho so, dä Tag isch nume einisch im Läbe u da söts so si wi mir üs das ewigs gwünscht hei. Mir hei ä wunderschöne Tag gha u äs isch würklich super gsi u itze bi i ober happy das i ghürate bi u gniesses vou und obwohl a üsem Fescht nid aues perfekt isch gsi, wet ig nid no mau hürate, äs isch itze super so wis isch. Ok bi üs hets natürlich nachem Hochzyt ä grossi umstellig gä, mir si ersch den zämezoge u das isch itze herrlich!
I wot drmit eifach säge, gniesset dä Tag i volle züg, suget jedi Minute uf u löht öich la verwöhne! aber das isch ersch dr Afang vor Ehe äs wird no viu interessanter u äs chunt no viu uf üs zue wo mir nid chöi plane!
ok itze no rückblickend uf üses Hochzyt! Partyservice bim Apero isch nid guet gsi, mir hei zweni gha i würd nieme äs service näh, wo ig nid scho mau live gseh ha.... u z angere isch, i würd ä angere Fotograph näh, föteli hetme äs läbelang, das isch würklich chli schad, aber äbe!
Auso gniesset di zyt u z hochzyt u löt öich o chli la überrasche! Das isch das wo mir extrem positiv i erinnerig isch blibe!
z.B. vor dr kirche het ä Aebi gwartet miteme Bänkli drufe wo üs i z dorf het gfahre, när nachem apero si mir vore Rössligutsche abgholt worde, när hei mir ä rosespalier gha, aui hei blättli uf üs gworfe, u no süsch ganz viu überraschige, u zum abschluss si aui ine Kreis gstande hei kerzli i de händ gha u hei "Ewigi Liebi" gsunge! eifach ä trou u mir hei ir mitti tanzet! we i gwüsst hät, wases aus git, wärs nid haub so ergriffend gsi! u aprops tanze mi Maa cha o nid tanze u mir si o i kei Kurs, aber dr abschlusstanz isch wunderbar gsi! mir hei anang umarmet u eifach slou tanzet! We i da no kompliziert a schritte hät müesse dänke...... ou nei hilfe, das wär ganz gstabig gsi!

• Zitieren

nicht registriert

@blumenfee

mi schatz hett ou nie en tanzkors welle mache, ech wär scho lang einisch gange... etzt hett är das johr vo sech us säuber gseit mer chöige eine mache ond siehe da: es macht im huere spass... är häts gar ned dänkt... mer hend etzt mou en grondkors gmacht ond wärde de no wiiteri körs mache...

gruss tink

• Zitieren