Ach Bluemefee - vo gwüssne Sache muess mer sich würkli eifach distanziere, au wämmers eigentlich gern anders hetti und s eim vilicht gliich echli weh tuet - aber wänn Hopfe und Malz verlore isch (und das tönt da eso), dänn muess mer das halt irgendwie akzeptiere... Tönt jetzt vilicht doof, aber ich dänke immer, wämme i gwüssne Sache so es Rieseglück hätt, muess sich das vilicht i anderne echli usgliiche - und mit Dim Schatz und Dine Chind häsch Du es Rieseglück, dänn isches das halt au wert, wänn Du Dir das "Rucksäckli" Schwiegermueter halt muesch umschnalle... Aber Du schaffsch das ! Und suscht mäldsch Dich wieder, dänn machemer Dir wieder Muet !

Ja, ich werd dänn au a Dich dänke !

LG,

Tiffany-Girl

Wir beginnen unsere schönste Reise am 16. / 17. September 2011

• Zitieren

hoi Bluemefee*

JO!!!, die digitali Nummeraazeig vom Telefon isch GOLD wärt !!!!!!!

ig finge di Spruch vo wäge e eigete Tisch für dini Schwigermuetter parat z mache jo der HAMMER, es reizt eim aube, settigne Lüt e extrem grosse Spiegu vorz'hebe oder? Das isch bi mir ömu so; und weisch, bi jeder grosse Gsellschaft findsch Lüt, wo irgendwie nit ganz dripasse und ou nit wei dripasse, us welne Gründ ou immer. Amne Hochzit söll me s gmeinsame Glück fiire, und es wird ou bi öich vili Lüt ha, wo das vo ganzem Härze wärde mache, nur das zellt. De andere isch nit z hälfe. die Angscht, öperem nid "grächt" z'wärde, die isch mönschlech und genau die macht di zu sore tolle Frou.

schmatz*

• Zitieren

Hi planlos, Superschön gschribe, triffts genau ufde punkt mit treffend gwählte wörter.

jo blumefee, i han bi dir würkli nöd so angst, dass es nöd so wird wieds der du gfühlsmässig vorstellsch. du häsch di mit sonere higab de vorbereitige higeh, alles däno usgsuecht wies zu eu passt und di nöd vo allne mögliche agebot loh überschnörre und bisch mit soviel herz und seel bide sach, dass i nöd so bedenke het. du häsch vorbereitet was sich vorbereite loh hät, de rest lit denn ide hend vo allne helferlis wo a dem tag werdet aktiv si. freu di eifach uf di unerwartete moment, wod nöd mit grächnet häsch, wo di denn positiv werdet überrasche.

derwartig dass jetzt lüt plötzlich i achterbahngfühl usbrechet wo sus eher zrugghaltend sind, das werd wohl schwierig. aber uf ihri art und wiis wirsch gseh werdet euri gäst ihri freud zeige und das isch wunderschön. und hey, wenns ums ganze materielle gstalte gange isch bisher, denn häsch du au eure individuell wäg gsuecht ;-) villicht isch das thema aber au scho für di erledigt und du studiersch nümm dra ume. han drum es thema schwiegermutter nöd ganz mitverfolgt.

und wo i hüt din vorschlag mit de wunderschöne rosegsteck gseh han fürd tischdecko, hetti am liebste gad wieder selber afange bastle ;-) drum, gnüss jede moment vode vorbereitige, das häsch nochher nümm. i han mer zviel negativi gedanke teils vorher gmacht, mi zviel gstresst, me sött jede moment uskoste vode verlobigszit und sich denn eifach nur no ufs hochzit freue und däno vom schöne feelinge zerre;-)

grüesslis carmile

• Zitieren