Hallo zeme. Bi grad sit vori neu da

Wer hürotet wenn? Gits au no epper wo am 16.8 hürotet?

• Zitieren

Huhu MBolat08 u härzlech wiukomme!

Jaaaa, ig hürate am 16.8.14!! U chirchlech am 16.5. Wo hüratisch du? Wottsch chli öpis vo dir/euch vrzeue?

• Zitieren

Ja gäu isch doch es super Datum! Mir hürate zivil in Murte und chirchläch in Sigriswil (oberhaub vom Thunersee). I würd säge mir si nid schlächt dinne… si aber o sit letscht März verlobt und sitem Mai/Juni am plane. Mir hei aui Locations buechet plus ZSA, ig ha mis Chleid, Coiffeur- und Makeuptermin, Pfarrer, TZ-Team, Forografin und e Bluemeofferte (womer zuesäge). Itz simer ade Iladige plane u Afang Jahr weimer üs de mitem Thema Musig beschäftige u langsam wägem Azug für GG ga luege. Und Outfit fürs zivile bruchi no… wie sit dir dranne? Mir hei ja glich no rächt viu Zit.

• Zitieren

Hey ihr liebä

ich chume endli au widermol dezue zum do ine schriibe!!

hoffe eu gohts allne guet?

bi üs lauft im Moment einiges bzw. ich bin fliessig am Offertene ihole und diverses reserviere.
hend etz üsi Chile, dä Pfarrer und d'Apérolocation g'fixt! isch so ä tolls gfühl wenn es paar Sache mol definitiv sind :-).

betreffend fotograf isch glaub hüt morge grad au no d'entscheidig gfalle. han mehreri offertene igholt und hüt morge no mitere fotografin telefoniert woni scho vo hochziite vo fründe her kenne. sie isch us dä Region und wür sicher au di schöne örtli zum föttele kenne. zuedem het sie üs grad au vom priis her sbeschte agebot gmacht. müend etz nomol über büecher..aber denke da isch sicher ä gueti entscheidig wenn mir sie nehmet.

wäg em esse am obig simer üs no sehr unschlüssig. hend einersiits es super resti wo mir prov. reserviert hend. anderersiits simer no en uh geniale Saal go aluege inere alte burg. isch sone keller-gewölbe und es isch ä so ä tolli athmosphäre det drin. ich bin mir eifach nöd sicher ob ich dä typ bi wo denn mitem partyservice usw. und halt au no vieles selber organisiere. weiss nöd, ob ich mir denn nöd en zgrosse druck mache. im resti wär alles scho parat und wür au sicher alles klappe... hmm naja.. müend üs da nomol überlegge und denke ziel isch zum so schnell wie möglich entscheide.

was lauft bi eu so? hender alles scho erledigt?

grüessli usem verschneitä toggeburg

• Zitieren

Hellouu Taeboyana

Ohh de sit dir witter als mir. Locatin, esse, standesamt isch fix.
Fotograf und dj miesse mer no uswähle zwische es paar. Ade iladige simmer grad dranne und uf der suechi nach gästgschenk und
die bekannte bonbonieri. Isch bi üs italiener ein muss

Mis chleid fohni de im neue jahr afo sueche. Aber weiss scho genau wie es sött usgse.
D Arbeitskollegin vo Bollige het ihres vo Merys Brautmode.
Kennsch du das? :)

Liebs Grüessli

• Zitieren

sue: nei no kei ahnig! i ha dänkt i schrieb de allne ob si mir föteli könne maile und de mache mr e steckbrief und wie meh die person kenneglernt hän bzw. wie mir zunene stöhn.. ha mir noni soo viil gedanke drzue gmacht und ihr?

• Zitieren