Linally
Ja isch e laaangi Gschicht mit em Chleid :)
Ich bin scho insgesamt i 5 Brutchleidergschäfter gsi.. Ich suech halt eher chli es schlichters, une nöd zbreit und schulterfrei. Und das isch no recht schwierig zum finde.
Zersch bini im Mery’s gsi und det hät mer eigendli au es Chleid gfalle, aber es isch vill zbreit une gsi und vill zglitzrig.. Den bini im Liluca gsi, det hani eigendli es super Chleid gfunde, bin mer abr nonig so sicher gsi.. (es hät ebe so en grosse dicke graue Gürtel. Mer cha ja de scho ustusche, abr ich han eigendli immer es komplet wiises Chleid wölle). Den bini is Chez Janine, det hät mer au eis gfalle. Den bini eigendli immer zwüsche dene zwei Favorite am überlege gsi.. Und ich han dänkt, ich wet nomol inen Lade gah zum luege öbs würkli eis vo dene zwei isch. Drum bini den no in Zoro, dete hani aber gar nix gfunde. Ich han den eifach doch no s’Gfühl gha, ich müsst noimets hi und den bini no uf Beromünster. Und dete hät mer ja den au eis mega guet gfalle. Das Chleid und das Chleid vom Liluca sind au mega ähndlich.. Und die beide sind au mini neue zwei Favorite worde. Nachdem ich nomol drüber gschlafe han, han ich mich fürs s'Chleid vom Liluca entschiede, dass vo Beromünster isch mer den doch chli z'langwilig gsi.
Und hüt am 1 bini no im Liluca gsi und han definitiv mis Chleid kauft. Es sind no vier Lüt mit mier mitcho . Mis Mami isch extra nomol cho id Stadt cho, zwei Kollegine und d'Arbetskollegin hät au umbedingt wölle mitcho. Voll härzig. Und jez hani äändli mis Chleid gunde Es isch das mit em Gürtel, aber da müemer den eifach no e anderi Farb sueche..
Ich chan der susch de Name vo de Beraterin in Beromünster ageh wennd wötsch.. Den chasch ja fräge, öb sie chöntisch ha..
Wege de Homepage, gahn mal uf zankyou go luege.. Han dete mal e Homepage zämäbastlet :)

Aiyana
Hihi ja de 14.02.14 isch scho chli kitschig, aber isch doch es kuuhls Datum .
Das findi abr voll kuhl, dass iher gad d'Iladige mit em Föteli schicked vo de Zivlitrauuig. :)
Ja das mit em Chleid glaubi . Abr vill bringe duets ja au nöd, wenn jeze scho gasch..
Das mit de Jukebox findi au no ganz e kuuhli Idee =)

• Zitieren

lil.lian
Jo säg mer doch mol wie dini Beroterin gheisse het, denn chan ech mol nochefroge öb sie mech chönti bediene... Oh schön das du jetzt dies Chleid gfonde hesch Du hesch zemli alli Läde ufglistet, won ech sösch no gang go luege, falls ech nüt em Wicky fende...was ech ned hoffe

Wäg de Website...han jetzt no es paar meh ahgluegt. Ech wet äbe eini won ech so vell wie möglich chan mache. Do min Frönd Engländer esch & mer vell Gäst us England bechömet, esch es so eifach am eifachste emmer alli uf de neusti Stand zbrenge. Äbe au met Hotels etc.
Hesch du gseh, dass be zankyou du 2.85% vom gschenke Betrag muesch a die zahle? Ond wenns den en Transaktion geht, zahlsch no CHF 0.85 druf. Fend das eigentlich scho no rächt vell.

Aiyana
Chan doch total verstoh met em Kleid. Mini Kollegin, het voremene Johr ghürote ond het so zemli die glich Situation gha wie du. Sie het den es "Omstands-Brutkleid" kauf (sie het das äbe au bem Zivile ahgleit) ond mer hets super chöne omändere loh förd kirchlichi Trauig. Aber wenn natürli ned es Hochzytschleid zom Zivile wetsch, denn macht das wahrschinlich wenig sen.

• Zitieren

Linally
Ouu han din Post gar nüm gseh gha.. Ja ich schick der e PN mit ihrem Name.
Ja wege de Homepage häsch recht, mier möched ebe d'Gschänkliste nöd dete drüber, den müemer au de Betrag nöd abdrucke. Mier mached eifach no d'Privatsphäre-Istellig mit em Passwort, den zahlsch halt au no was..

Sue87
Mier händ sie nönig gmacht.. Mier dänked im März den. Bi eus gads aber au nöd früehner, will mier no es Shooting händ und d'Föteli hämer dur das gar nonig..
Händ nöd iher sie nöd scho verschickt?
Ja es sind bi mier hüt no genaaaau 7 Mönät

• Zitieren

was isch bi öich ize so dra??

bi üs ebe d Iladige fertig mache und Couverts aschribe und denn die verteile.
ner bini gad so chli am sueche für Frisur / Make up - wieviel zahlet dir da öppe??

• Zitieren

Snicki
wo chasch du das de so günschtig mache lah?? Haar und Make up??

• Zitieren

hoi zämme!

hoff s lauft bi euch allne!
sue hesch rächt.. s issch au scho länger bis zum august gange

bi uns sin die nägste pöste:
-iladige, wo mir ändi februar vrschicke wän
-homepage fertig mache
-ring ändlig mol go uswähle
-deko konzäpt

ich zahl für s makeupund frisur inkl. probe für beides 390.-

@snicki: isch dini e normali coiffeuse imene salon? dörfti ächt wüsse wär? den könnti vilicht no wächsle

• Zitieren