Hallöchen Zäme

@Moneypenny: u de hesch dFoto vo euem Shooting übercho?

@Snicki: schön heit dir euii Ringe gfunge das hei mir de no vor üs... de heit dir euch schnäu chöne einigä?

@Schnittli: dann hast du ja einiges zu tun... was macht ihr den für Einladungskarten?
an unsere Wunschliste sollte ich auch noch ein wenig weiter machen...

MEIN Kleid:
Auso i ha dene wo äs Foto wei ä PN gmacht.. weni öper ha vergässe, de mäudet näch doch

• Zitieren

WoooooW LaMariee, uuuuh schön gsehsch du us!!! Würklich, gratuliere zu däm tolle Chleid!
Ja, ich bi sälber ganz erstunt gsi, wie schnell das gange isch. Mier sind 45 Minute dete ghöcklet, und hend üs scho entschiede gha s'einzige wo ich jetzt nonig weiss, ich mit den Brillante, wie ich die sell platziere. Aber das het sie gseit, sig am beschte zum entscheide, wenn de Roh-Ring fertig isch, denn gseht mer dä mol vor sich Chas chum abwarte

Ich bin hüt ide Massage gsi. Ich gohne jo regelmässig, so 1x im Monet. Und hüt isches toootal verhocket gsi, wie no nie. Am Rücke uf de linke Siite. Sie het das aber chönne löse, und het nochher gfrogt, öb mer öpis in Sache Liebi ufem Härze lieht. Ich, öpis isch guet, es ganzes Hochzit lieht mer ufem Härze im Moment Sie het denn gseit, das merkt mer sofort bi chli erstuhnt gsi, anschiened löst so "Liebes-Stress" au Verspannige us. Es sig halt so, dass sache wo mitem Herz z'tue hend (Liebi, Fründe, Familie etc.) meh Verspannige uf de linke Siite uslösig, wärend die rächt siite (eher zueständig für männl. Problem wie Chef, Lehrer, Männer ) zueständig isch.
Ich glaube eigentlich ned a so Züg, aber hüt het sie's voll breicht

Also goht mer die ganz Organisation wohl meh as Gmüet, als was ich zuegibe und gmeint han.

• Zitieren

LaMariee: Mier hend no nie en Ring zäme usgsuecht, vo däm her simmer ganz "neutral" det hi. Es het mi no erstunt, wie schnell mi Schatz gwüsst het, was er wet, und was ned. Si erscht Favorit het mer überhaupt ned gfalle, aber wo denn de ander zeigt worde isch, hemmers beidi gwüsst

Eigentlich nüt speziells. Evtl sinds d'Ring gsi, das hemmer jetzt. S'Chleid isch au no chli ufem Mage (Rucke) aber das isch jo au gli noche. S'einzige wo ich jetzt würklich würklich no wet mache isch, is Resti go womer z'Nacht händ. Mier sind scho ganz viel mol dete gsi, aber nie im Saal, sondern nur im Resti. Mier hend also das buechet, ohni das mer de Saal überhaupt gseh hend Aber isch für üs immer klar gsi, das mer det hi wänd.
Mier gohts jetzt eifach no um d'Tisch, sind die rund, eckig oder wie chammers stelle etc. Wenn ich das wüssti, chönt ich mier laaaaangsam afoh Gedanke mache wäge Deko. Vorhär hets ja eh kei Wärt. Das isch im Moment würklich s'einzige, wo no wenig ufem Mage lieht. Aber sooo schlimm isches jetzt au ned

• Zitieren

Taeboyana
Ja klar weme STD gmacht het chamers eh gmüetlicher neh mitde Iladige;O) dis Kleid isch ou uuuuu schön findi….bi mir isches so dasi mini Oberarme nid so gern ha und Neckholder würdi das gad betone…aber bi ja gspannt vilicht hani de glich plötzlich es Neckholder – bi offe;O);O)

Snicki
Mir gfallt ou s erschte ganz klar am Beschte! Bi de gspannt wasd für eis hesch;O)ou schön heiter nech gad so schneu chönne einige megde Ringe! Öpis meh abhacke;O)

LaMariee
Du hesch würkli ganz es schön Kleid gfunde!! Strahlsch mega und gsesch wunderschön us!!

Schittli
Hesch es föteli vode Einladungskarte wott am bastle bisch?

Moneypenny
Ou döfti dis Chleid o uno gseh??;O)

Momentan mini Kleider-Favoriten im Ahang;O)

Zuletzt bearbeitet am 04.02.14 08:34

• Zitieren

Guete Morge Zäme

@Snicki: mir hei äbe scho mau agluegt ringe.. aber hei üs no nid so chöne einige aber chunt de scho guet eine heimr ja wo üs beidne gfaut
Villech sis haut eifach viu chlini Sache wo im momänt gad am loufe si.. u nid eis grosses.. viu Sächeli wome muess dra dänke.. wenn götdr de dr Saal ga luege?

@Sue: mir gfaut zwöitletzte Chleid am beste fröii di uf zprobiere, isch mega toll

@linally: ou schön wägem Chleid darfme es biudli luege?
dünkt mi iz ou mega tüür für eifach sone schlichtä Ring hoffe dir finget no öpis günstigers wo euch gfaut..

me: merci viiiuviu mau euch aune für diä liebe Kommentär zu mim Chleid

• Zitieren

linally: Bevor no is Dütsche gohsch, het der no en Tipp. Tönt Luzärnerisch bi dier Mier sind am Samschtig in Buttisholz gsi. Wär das öpe ide nöchi? Ich chönt der dete üsi Goldschmiedin würklich wärmschtens empfehle!! Mier zahlid jetzt knapp CHF 3000.- für Palladiumring. Sind aber 8.5 und 9 mm Breit, inkl. 5 Brillante. Also wärs vermueltich au im Priis, meinsch ned? Cha der en PN schicke bi Interesse.

Mier hend au no welle a d'Mess. Aber wenn ich das so lese, bini froh simmer doch ned gange
FÖTELI ZEIGE VUM CHLEID!!!!


LaMariee: Achso, schomol glueget ja dänn ...
Ich han eigentlich hüt schnell welle go de Saal aluege. Mues luege öb ich do im Gschäft schnell chan abdampfe am Nomittag. Es lieht mer eifach irgendwie uf ...

Sue: Ui das sind ja spezielli Chleider!!! Sehr schöni, für mich wärs jedoch too much. Aber zum Glück sind d'Gschmäker verschide!!

• Zitieren