Heyyyy, wüsseder was.... Imänä halbä Jahr simer scho all verhüratet

Isch irgendwie scho no ganz ä spezielli Vorstellig... Ich freu mi scho megamässig.

Verzelled mal... Sinder au no oder scho voll am Planä, oder isch s Gröbschtä scho gmacht?

Also mir sind im Momänt voll dra. Dä März isch adä Weekends voll mit irgendwelchä Terminä. Besprächigä, Besichtigungä etc, etc... ;-)

S git irgendwie scho no rächt öppis z planä.
Tüänd Ihr alles sälber organisierä, oder tüänder än grossä Tei dä Trauzügä/Tätschmeister abgä?

Mir mached eigentlich alles sälber. Bis uf diä Zitä während äm Fäscht zwüschet dä Verschidnä Gäng. Det chömed oisi Tätschmeisterinnä än grobä Zitplan über wänn was serviert wird und zwüschädurä chönd sie sich dänn Sachä überlegä.

Verzelled doch mal chli, was bi oi grad so lauft und gaht, finds immer interessant zum vo anderä Frauä läsä ;-)

• Zitieren

Hallo zäme
E mäude me ou weder einisch hie.
Wau snicki du hesch es wunderbars Chleid usgsuecht.
Snicki und lamariee so schön göt der uf Australien. Freue me für euch.

• Zitieren

Duen mich da au wieder mal melde :)

Moneypenny
Gratuliere zum Termin :) Händer dämfall eue Wunschtermin becho?

Snicki
Daanke villmal für dini PN :) Isch würkli ganz es tolls Chleid!!

Crazy-in-love
Joah das hani au scho dänkt, ime halbe Jahr simer verhüratet. Würkli en spezielle Gedanke :)
Mier müend scho au no einiges organisiere. Mier möched eigendli au alles sälber.
Mier händ mis Chleid, Ring, Flitterwuche sind eigendli fascht fertig plant und bueched, Standesamt, Location, Band am Abig. Mier müssted eus mal um de Apero no kümmere und um Deko. Das macht mer no am meiste Sorge .
Und ja d'Iladige müsstemer au no mache. Das isch eigendli snächste und sdringendste..

Schittli
Danke für dini PN. Gratuliere dier zum Chleid!! :)

• Zitieren

@Snicki: das säge äbe auii zCampe gfaut üs sicher :-) iz chöimrs so guet mau usteschte :-)
Hesch diä Homepage agluegt? Mi dünkt si hei no rächt gueti Agebot :-)

@CrazyinLove: iiiiiihhhh wow imne halbe Jahr simr verhürater :-D
Mir mache eigch zmeiste säuber, de heimrs ou genau so wimr wei ;-)
Aber mir wei eifach dassmr am Hochzyt säuber nüt müesse mache...
Hüt heimr gad Bestätigung übercho für dApérolocation :-)
Iz müessemr de mau zRestaurant reserviere für zZivile u när mau gneuer wägdr Deko luege :-)

• Zitieren

Hallo zäme
E mache jetzt mou chli en Ego post. Mer gots im Momänt ned so gut. (Ha geschter scho verseucht chli öppis schribe, isch aber ned gange) mer hei die wuche i üsem Gschäft en todesfau gha. Wo me enorm beschäftigt. Für mech hets i däm zämehang relativ viu froge ufgworfe. Mer hei viu gschpröch gfüert die wuche. Abgseh, dass en 100% fäut (sie fäut ou aus Person), muess s.' Normale Tagesgschäft glich loufe.

E ha im Momänt 2 grossi gfüu i mir, einerseits truur, und angersits ou Freud uf üses hochzit.

I söt no relativ viu für üses hochzit mache (z.b. S'ringchüssi nähie, Thermin Met em Fotograf, Stola fertig lisme.....) ha eifach ke luscht derzue.

E be erregend wie froh, hani üsi iladigschartene vor 3 wuche uf dr Arbeit vertöut (tönt ergendwie dof und egoistisch, aber jetzt no dr rächt zytpunkt z'finge umse z'verteile tünckt me relativ schwär.)

Ä chli öppis positiv gits be üs ou no. A üsne iladigschartene, wohni säuber gemacht ha, hei mer beidi fescht Freud. Mer überchöme vo de gäscht ou vili positivi mäldige derzue.

Es git süsch no viu z'verzöue, aber e mag eifach im Momänt ned. E neme a , dass es Ire wuche weder angersch usgset und e euch weder me mag verzöue.

En liebe Gruess schittli

• Zitieren

Hallo Snicki
Danke für din Bitrag. Du hesch föllig rächt, weder s'lisme no s'nähie loufe mer derfo. Jetzt werd das ganze Ereignis zerscht mou chli abschlosse und de gömer weder Met vorüber Elan derhinger.

Darf e dis hochzitschleid a der ou gse? Bitteeeeee

An alli
Mer händ nöchschti wuche dr ehevorbereitigskurs. Weiss scho erngendöpper wies dert so louft? Ha ergend wie chli Bammel, do e ned weiss was uf üs zue chunt.

Trotz dere traurige Situation hei mer geschter ou no öppis luschtigs erläbt: mer hei am ex-Arbeitskollege vo mim fründ wo in Dresden deheim isch ou en iladigscharte för d'chile und apero geschickt. Sini Antwort über's Mail isch ungefähr so gsi: danke für die Einladung, Ulrike wird sich mit Schittli in Verbindung setzten für den Drescode am Abend! Und könnt ihr uns bitte ein günstiges Hotel in der nähe reservieren. Wir sind jetzt 3 Wochen in Indien im Urlaub.

O.k i weiss jo zwar, dass es in deutschland üblich isch, dass es ke apero, so wie bi üs git. (Het mer ömü d' Kollegin vo dütschland so gseit). Im Prinzip hani jo nüt degäge,aber mer hei am obe e scho chli es platzproblem. Und no 2 meh, de werd's eifach sehr äng. Was würdit er mache?

Glg Schittli

• Zitieren