Hallo Auguscht- Brüt

Ich wird au am Auguscht hürote au am 15.08.15 s Zivile und am 22.08.15 dye kirchlichi Hochzyt (ursprünglich hän mr alles am 15.08 welle mache, aber es het nid so sölle sie mit d Location und drum hän mrs jetzt so, im nochhinein find ichs so au besser ).

Bis jetzt isch folgendes Organisiert:
- Termin Kirche & Standesamt fix
- Apéro & Feschtlocation
- DJ
- Fotograf
- Coiffeur + Make up

Am Auto sind mr no dra aber do sind mr uns nonid ganz sicher will unseri Location wäri zfuess nur 10-15min vo d Location wäg, und das wär halt au gält wo mr uns guet spare könne, aber irgendwye weiss i au nid rächt wäge dört hi laufe mit d ganze Gäscht und je nach Wätter...
wye mached Ihr das??

Was mr au gli mol plane wänn isch d Flitterwuche aber do hän mr zwar einigi Idee, aber sind nonid so schlüssig (Sind beidi leideschaftlichi Tauche und wänn das au in unsere Flitterwuche mache).

Kleid und Ring wärde mr erscht nächscht Joor im März mache. Aber freu mi jetzt scho druf

Mir hän jetzt mol d STD gmacht und sind dye am verteile (für d Gäscht wo bi allem debi sind) und Iladig wärde mr erscht nächscht Joor im Frühlig verschicke.
Mir wärde es au so mache das sich alli (au d Apéro-Gäscht) amälde söde.
Über d Amälde frischt han mr no kei Gedanke gmacht aber i dänk spötischtens ändi Mai, wenn nid frühner.

Blueme han mr no gar kei gedanke gmacht, wird do sicher au mol in es Bluemegschäft go und mich schlau mache. Han letschtinsan ere Hochzyt Sunneblueme gse.

• Zitieren

Was für Locations und Fotografe händ ihr so?

Mir händ bis etz:
Zivilstandesamt
Location Trauuig, Apéro und Abigesse/Fest alles a eim Ort :) inkl. Isch Au no e Hochziitsturte
Fotograf
Visagistin und Coiffeuse
Duo für Trauuig und am Abig

Nächst Jahr kümmered mir euis um Kleidig und Ring =)

Da mir Apéro und Fest am gliche Ort händ, chan ich leider kei Tipps zum Transport-Problem geh.. Fändis etz aber als Gast nöd so schlimm 15 Minute z'laufe au wenns regne würd ;)

Mir händ scho Save the Dates usegeh, söttet aber glich gnueg früeh die definitive Ameldige ha, falls öpper Grad im Hotel übernachte wott zum Zimmer reserviere.

Blueme han ich mir au scho Gedanke gmacht, wür gern i de Farbe gelb, orange, pink/rosa ha, ha aber kei Ahnig was denn aktuell isch :S

Gönd ihr direkt nach en grosse Tag id Flitterwuche und wüssed ihr scho wo ane? Mir händ im Moment Mauritius im Sinn..

Liebi Grüessli

• Zitieren

Guete Morge mitenand

@snin: Willkommä i eusem jetzt no sehr übersichtlichem Chreis :)
Also mir würs als Gast au nüt usmache zum die paar Minute zu dä Location laufe und die wo nöd guet z Fuess sind chönntet ja immerno abholt werde vo anderne, wo scho vorus gloffe sind und s Auto gholt händ. Bi eus isch d Chile am Stadtrand und d Abiglocation i dä Stadtmitti. Mir sind au no unschlüssig ob mir eifach dä ÖV nähmed oder en Bus oder es Tram organisieret :)

Eusi Abiglocation isch s Zunfthuus zur Saffran. Apéro mached mir bi schönem Wetter direkt vor dä Chile, fallses sött rägne laufed mer ca. 5 min zum Saal vo dä grössere Chile.

D Céline Mastel isch eusi Fotografin Mir händ vor 2 Wuche s Verlobigsshooting bi ihre gmacht und ich bin begeisteret!

Id Flitterwuche gömmer vorussichtlich 2-3 Wuche nachem Hochziit uf Kalifornie

Wo mached ihr s Fäscht?

• Zitieren

Hallo mitenand

Au mir hüratet im August, 13.8.15 zivil und am 15.8.15 kirchlich und den det s grosse Fäscht.

Mir hend bis jetzt:
Chile
Aperolocation
Location für am Abig
Ring
Chleid han vorere Wuche gfunde
Transport für Gladni- Gäscht
Transport Bruutpaar
Coiffeur & Make up - macht d Schwöschter vo minere TZ
Fotograf

Momentan simer chli a de Tisch-Deko dra und a de Flitterwuche

• Zitieren

@fabienne: ja, das chasch reserviere, je nachdem wievill Persone dassd bisch, gits s passende Tram. Ich het gern es alts gha, aber die händ nöd sovill Platz wie die neuerä. Drum simmer jetzt am überlege ob mer glich eis nähmed oder doch en Bus.

Was händ ihr füren Gästetransport, shira?

Euses Farbmotto isch violett und beige

• Zitieren

Mir hend bi Oldie Tours Zürisee zwei Oldtimerbüss gmiätet, hend verschiedeni Offerte gha aber de isch mit 1950.- de günstigst gsi nöd gad es schnäppli aber glaub völlig oke, mir hend no mit Bluemeschmuck bueched das isch au je 150.- wo mer eigentli chönti spare aber es würkt eifach bizli fäschtlicher, mal güggsle wenn den s Budget knapp wird chamer das au no abbueche den hemer wieder 300.- für öpis anders

• Zitieren