| Basler-Bräute |
|
|
1 2 3 4 5 .. 11 .. 17
|
Leanda  am 15.02.2012
Re: Basler-Bräute
Hi An
Mir mache unseri Torte bi dr LilliMoo. Sie macht au änglischi Tortene und ebe wie d Vikunija scho seit, findet me die nit überall. Ha eini in St. Galle ka aber das isch mr hlt scho zwyt gsi und bi so froh hets an dr MariNatal d LilliMoo ka. D Sympathie isch grad do gsi do sie vo Manchester kunnt :) Und au mega fein isches gsi was mr probiert hän :) Mir warte jez uf die 2. Offärte. Bi gpannt :)
Glg
*** 30.06.2012 ***
|
|
|
stephansbride am 15.02.2012
Re: Basler-Bräute
Hallo zämme
Ich bi au vo dr Region Basel.
Mir händ au sEventcatering gnoh bzw. wärde die neh (sind no in dr Offert-Phase). Sie händ uns sehr überzügt und dr Pris isch au in eusem Budget.
Eus wird dr Apero für ca. 70 Lüüt um die Fr. 3'000.- koschte inkl. Personal, Getränke, Ufbau etc. und sObeässe wird für ca. 30 Lüt uf öbe Fr. 6'000.- cho au alles inkl.
Bi Blueme und Torte bini leider nonig aglangt.. aber ich lis mit grossem Interesse euri Tipps 
***verliebt 10.12.2005 - verlobt 09.07.2011 - heiraten 17./18.08.2012***
|
Leanda am 15.02.2012
Re: Basler-Bräute
Wow stephansbride, wie händ ihr das gschafft mit 3'000 Franke bi 70 Persone? I ha au für soviel agfrogt und bi bi 4'000 gsi ohni Getränk....  Was für es Apéro händ denn ihr gno bim Eventcatering? Mir wärde jetzt vrmuetlich unser Apéro sälber mache, kunnt öppe uf 1'000 alles in allem
*** 30.06.2012 ***
|
stephansbride am 15.02.2012
Re: Basler-Bräute
@ Leande: mir sind uns nonig ganz sicher was mir genau für e Apéro wärde neh obs eifach schlicht versch. Canapés wird geh oder doch chli spezieller mit chli ussergwöhliche Sache (denn wirds bitzli tüürer). Ich ha mich au gwunderet, dass mer mit dem Budget durechömet aber vilicht heit mer gueti Prise becho will ei Caterer alles dörf mache 
***verliebt 10.12.2005 - verlobt 09.07.2011 - heiraten 17./18.08.2012***
|
Leanda am 15.02.2012
Re: Basler-Bräute
Jo das ka natürlich scho si Aber isch doch super...
Kollege vo uns händ au s Eventcatering an dr Hochzyt ka und s isch wirklich super gsi. Sind dr ganzi Tag drbi gsi und die Fruchtspiessli sind eifach dr Hammer wo sie händ
*** 30.06.2012 ***
|
An1982  am 15.02.2012
Re: Basler-Bräute
Ich glaub ich muess alles übere huffe wärfe und neu afo plane.........well 80 Persone zum ässe chunnt glaub eifach z'tür....
Mir händs eigentlich eso wölle mache:
Mr mache ebbe drum kei Kirchlichi Hochziit. Mir händ s Brasilea in Basel gmietet und händ dörte am spötere nomitag wölle sone art Zeremonie uf dr Dachterasse mache. Ahschliessend e kleins Apero mit Wyswyy und Chips und Nüssli. Nochhär würde mr abe goh in Saal und dörte e ässe mache a la Grillparty, Summerparty. Und denn Party mit eme DJ.........Und mr händ alli Gäscht für alles wölle ihlaade.......
Mr chönne jo schlächt eifach e paar erscht zur Party ihlaade, das find ich irgendwie komisch.........und nachem Apéro (denn wärs natürlich e chli e grössers) e Paar heime schicke, isch au komisch oder nit?
Was meine dir?
*** 25. Mai 2013 ***
|
stephansbride am 15.02.2012
Re: Basler-Bräute
@Leanda: Fruchtspiessli hani uf em Agebot au gseh und uf die wäri scho sehr gspannt. Wenn du seisch die sind fein, müesse mer die fascht neh 
@An: Also me muess sich natürlich scho bewusst si, dass für 80 Lüüt es Ässe sehr tüür chan cho. Händ ihr denn scho an verschiedene Orte Offerte igholt? Meischtens isch jo sGetränk sehr tüür. Mir händ au überleit gha ob mir z.B. e Kühlahänger miete und sGetränk imene Getränkehandel nehme. Isch halt vil umständlicher mit organisiere, ufbaue und so witer aber es chunnt denn natürlich scho günschtiger.
Also bi eus werde nid alli ans Obeässe cho wo am Apéro sind aber da mir e "traditionelli Hochzit" hei isch das nüt unüblichs.
Ich cha verstoh, dass nid gwüssi denn wotsch heischicke...Isch irgendwie au blöd 
So spontan chunnt mer kei Idee was du chöntisch mache user ebe an verschiedene Orte Offerte hole und hoffe das noime öbis günschtigs isch oder halt nur es Apéro und denn mit de ängschte Verwandte/Fründe go ässe...
***verliebt 10.12.2005 - verlobt 09.07.2011 - heiraten 17./18.08.2012***
|
Leanda am 15.02.2012
Re: Basler-Bräute
@stephansbride, alo ich ha se super gfunde, aber isch dängi sicher au Gschmacksach Aber mir wärde au Fruchtspiessli ha am kleinere Apéro vor em Ässe. Aber nit die vom Eventcatering 
@An, hmm das isch no schwierig. I däng das wenn de alli 80 zum Apéro und Ässe möchtsch drbi ha muesch sicher mit eme eher höhere Betrag rächne für s Catering. Aber wie d stephansbride seit, duesch am beschte mol no me Offärte ihole. Migros het emfall au es Catering, hesch die scho agfrogt? Gäscht heischicke isch halt i somene Fall eher schwieriger/blöder, vorallem do du se jo an dr Party drbi möchtsch ha. Du seisch Grillparty, hesch scho mol e Metzgerei agfrogt? z.B. Jenzer oder Bell? Die biete das au a und isch denn sicher günstiger als e Catering.
Glg
*** 30.06.2012 ***
|
stephansbride am 15.02.2012
Re: Basler-Bräute
Genau e Metzgerei wär au no e Möglichkeit. vilicht kennsch jo öber wo in einere schafft oder du hesch e Stammmetzgerei wo sie dir e guete Pris mache
Ich bi z.B. scho anere Hochzit gsi wo sBrutpaar nur sÄsse organisiert het und Koleginne vo dr Brut (vom Turnverein) händ sich "gopferet" und dr Service gmacht und dLüt bedient. So chasch au chli öbis spare will sPersonal choschtet jo ame au no e schöne Batze...
***verliebt 10.12.2005 - verlobt 09.07.2011 - heiraten 17./18.08.2012***
|
An1982 am 15.02.2012
Re: Basler-Bräute
Jo ich ha ebbe überhaupt nit gwüsst wieviel sone Catering koschtet und bi denn grad uf d Wält cho . Ich muess jetzt halt nomole über d Biecher und alli Optione ahluege......das mit de Metzgereie isch e gueti Idee, dueni au mol ahfrooge.
Ich ha wohl grad chli zu fescht träumt und die Träum passe nit so ins Budget......jetzt miend mr s Budget entweder erhöhe oder alles chli am Budget ahpasse.
Danke vielmol für die viele Idee.
Ich ha jetzt mol dere LilliMoo gschribe wäg dr Hochziitstorte und gfrogt ob ich mol cha go probiere
*** 25. Mai 2013 ***
|
|
|
1 2 3 4 5 .. 11 .. 17
|
Anmelden
