| Basler-Bräute |
|
|
1 2 3 4 5 6 .. 12 .. 17
|
stephansbride  am 16.02.2012
Re: Basler-Bräute
Ah ok. Mir zahle fürs Ässe elei au öbe 6'000.- denn chunnt halt no dr Apéro drzue.
Mir wärde au grilliere aber nid amerikanisch 
Aber sEventcatering isch jo wie uf euch zuegschnitte mit euchem Motto... 
***verliebt 10.12.2005 - verlobt 09.07.2011 - heiraten 17./18.08.2012***
|
|
|
angiyves  am 16.02.2012
Re: Basler-Bräute
stephansbride:
Ah ok. Mir zahle fürs Ässe elei au öbe 6'000.- denn chunnt halt no dr Apéro drzue.
Mir wärde au grilliere aber nid amerikanisch
Aber sEventcatering isch jo wie uf euch zuegschnitte mit euchem Motto...
***verliebt 10.12.2005 - verlobt 09.07.2011 - heiraten 17./18.08.2012***
Mir zahle das für 25 Persone... isch scho chli tür aber es passt eifach am Beste! Mir hänn jo öper gsuecht wo so Ami-Bier het, so kleini Burger, Hotdog... und aber s Dessert im Summermotto und au grad no mit Cocktails und die hänn eifach grad alles!
ABER sie sinn bis jetzt mega unfründlich gsi bim Gspröch, überheblich und unzueverlässig!
Liebe Grüsse
Angi <3 Yves , am 14.8.2012 ist es endlich soweit!
|
stephansbride am 16.02.2012
Re: Basler-Bräute
Ah ok jo für dHälfti Persone isch natürlich scho vil aber wenn sie genau das händ was ihr suechet isch jo prima.
Also mir händ bis jetzt eis Gspröch gha und de isch recht fründlich gsi. Händ zwar chli lang uf dOfferte müesse warte aber es isch denn grad no Messe gsi zBasel denn händ si chli vil ztue gha. Säge si 
Das isch schad, dass ihr nid toll behandlet werde und suscht e schlechte Idruck vo ihne händ. Hoff für euch dass denn wenigschtens sPersonal fründlich isch...
***verliebt 10.12.2005 - verlobt 09.07.2011 - heiraten 17./18.08.2012***
|
angiyves am 16.02.2012
Re: Basler-Bräute
stephansbride:
Ah ok jo für dHälfti Persone isch natürlich scho vil aber wenn sie genau das händ was ihr suechet isch jo prima.
Also mir händ bis jetzt eis Gspröch gha und de isch recht fründlich gsi. Händ zwar chli lang uf dOfferte müesse warte aber es isch denn grad no Messe gsi zBasel denn händ si chli vil ztue gha. Säge si
Das isch schad, dass ihr nid toll behandlet werde und suscht e schlechte Idruck vo ihne händ. Hoff für euch dass denn wenigschtens sPersonal fründlich isch...
***verliebt 10.12.2005 - verlobt 09.07.2011 - heiraten 17./18.08.2012***
Jo d Gspröch macht jo immer de glich und dä isch grad vo Afang anit sonderlich fründlich gsi und het dumm do, will mir d Torte nit vo ihne wänn... het au no gseit: sowas möge mir nit... Mir sinn würkli fascht ufgstande und gange. Isch denn aber chli besser worde. Är het denn gseit, si kömme erscht 1.5h vorem Alass und ich ha denn gseit, das würi nit länge wäge de Tischdeko... denn het är eifach gseit: Doch, das längt! D Offärte isch ewig lang nit cho und d Helfti isch nit so gsi wie mir besproche hänn! An dr Hochzitsmäss het är uns nit mol begrüesst. Aber mir hänn uns denn gseit, mir mienn ihn jo nit möge!
Liebe Grüsse
Angi <3 Yves , am 14.8.2012 ist es endlich soweit!
|
stephansbride am 16.02.2012
Re: Basler-Bräute
Das goht jo gar nid. So behandlet me eifach keini Kunde. Cha dir verstoh dass chli sauer bisch.
Ob jetzt ihr Torte vo ihne näme oder vo öber anderem muess de doch nid interessiere. Cha froh si wenn er e Uftrag vo euch überchunnt. Also so öbis gits jo gar nid.
Ich cha mi bis jetzt nid beklage aber mol abwarte. Mir sind z.B. au no am überlege ob mir Torte vo noime anders neme. Vilicht fönd si denn au plötzlich afo dumm due.
***verliebt 10.12.2005 - verlobt 09.07.2011 - heiraten 17./18.08.2012***
|
nicole87  am 16.02.2012
Re: Basler-Bräute
mir wärde vorussichtlich in dr Safran Zunft ässe und feste und Torte wärde mir vo Lilimoo ha ... bi richtig gspannt druf! 
Zuletzt bearbeitet am 16.02.12 13:20
|
|
Steph nicht registriert am 20.02.2012
Re: Basler-Bräute
Hallo Lady`s
I bi so z`sage au e Basler Brut
I ka soviel sage, dass mir Glück händ mitem Caterer für an Apéro - Mir händ öpper wo das Privat macht - Sie macht das sehr gärn und mit Leidenschaft. Sie macht alles sälber und bringt au Personal mit, mir miend nur s`ässe zahle. Sie het super, feini Sache, hmmmmmm. Alles eige Rezept.
Ich ka aber dMetzgerei Schaad in Flüeh oder Aesch sehr empfähle, die händ au super Sache und es sind mega fründlich. Mir würde CHF 15.- pro Person zahle, mit 5 verschiedene Sache, exkl. Getränk.
Getränk bsorge mir sälber für an Apéro.
Mir hürote in Rodersdorf und s`ässe hämmer im Gasthof zum Goldige Sternen z`Basel.
Mir sind vor 2 Wuche dört go ässe und es isch super gsi. Zahlsch halt au kli mehr!
Blueme ha ich mim Schatz sini Stiefgrossmueter, sie isch Floristin und sie macht immer super schöni Sache und sie weiss genau was ich will und was uns gfallt.
Hochzeitstorte wärde mir nid ha, mir händ es Dessert Buffet und den eifach Symbolisch zum aschniede 1 Torte. Will i bi gar kei siessi 
Jo Iladigskarte hämmer au scho - verschicke mir den im März. Tischdeko ha ich keini Mandle sondern so Klick Klack Dösli mit Däfeli drin verpackt im Säckli, git grad e Spickeli drzue wo dr Name vom Gast druf stoht.
Gästeanhänger ha ich Härzli mitere Fädere und e kömme no Dübli druf und das ganze mit Magnet, dass es keini Löcher in Kleider git.
Sängerin für in Kirche hämmer au, sowie es Duo für zoobe. I hoff er isch guet, will i ha nid dr türsti gnoh Ha Offerte beko, ab 2500.-, findi überisse!
So jetzt ha i au wieder mol öppis bitreit 
* 30.08.2012 & 01.09.2012 *
|
angiyves am 20.02.2012
Re: Basler-Bräute
Wow! Sind Ihr scho flisig gsi!
Liebe Grüsse
Angi <3 Yves , am 14.8.2012 ist es endlich soweit!
|
stephansbride am 20.02.2012
Re: Basler-Bräute
Wow Steph ihr händ jo scho vil plant. Super. So wit sind mir nonig
***verliebt 10.12.2005 - verlobt 09.07.2011 - heiraten 17./18.08.2012***
|
|
Steph nicht registriert am 20.02.2012
Re: Basler-Bräute
Jo es isch wohr, mir händ scho einiges. Aber am allermeischte freu ich mi uf dr Samschtig, den gang ich mis Hochzitkleid go ussueche I hoff i find eins vo ladybird, ha nämlich scho es Favoritekleid. Aber soviel ich weiss, verträte die wo ich gang go luege, die Marke nid
Wie seht`s eigendligg mol so mit eme Basler Brut träff statt? bestoht do Interesse?
* 30.08.2012 & 01.09.2012 *
|
|
|
1 2 3 4 5 6 .. 12 .. 17
|
Anmelden
