| Bedütig 06.06. |
|
|
1
|
|
Manuela24 nicht registriert am 26.02.2008
Bedütig 06.06.
Hoi zämme
Ich bombadier das Forum grad chli. Aber sit dem ich mich mit em Gedanke Hürate usenand setz, chömet mir all paar Minute neui Gedanke. Chan gar nümme schaffe. 
Mir wänd als ersts mal s'Datum festlege. Fürs Standesamt hetet mer gern dä 29.05.2009 (Fritig, min Geburi). Vo mir us chöntet mer grad dä Tag druf id Kirche gah, min Fründ stellt sich das aber stressig vor. Drum händ mer denkt, dass mer 1 Wuche & 1 Tag abstand lönd und am 06.06.2009 kirchlich hüratet.
Ich bin nöd abergläubisch oder glaube an Tüfel, aber glich mal ä Frag. Mer seit ja immer, dass 6i ä Tüfelszahl seg. Gilt das nur, wenn die Zahl 3 mal vorchunt, also wänn mer am 06.06.06 ghüratet hät oder gilt das generell?
Da ich ja an das nöd glaube, chans mir ja egal sie. Aber wenn ich denn so in enem halbe Jahr d'Iladige verschicke und mich jede druf ah spricht, ob ich mir sicher bin, an so enem Datum z'hürate, wärs au blöd.
Was haltet ihr dävo? Ich weiss, ich mache mir sicher z'viel Gedanke. Aber mer hüratet ja normalerwies nur eimal und ich wet, dass es super schön wird. 
Liebi Grüess
Manuela
|
|
|
nordliecht  am 26.02.2008
Re: Bedütig 06.06.
also das han ich mier jetzt doch nu niä uberleit. mier hiratit am 6.6. standesamtlich. aber dass das teyfelszahle sind, isch mier so nid bewusst gsi. sigs wiäs sell, aberglaibisch bin ich tatsächlich nid. bi eys het sich das eifach grad so ergäh, well das datum vor de em isch 
miär freyid eys uif de 6. septämber 2008 :-)
|
Sibylle  am 26.02.2008
Re: Bedütig 06.06.
hallo manuela!
wie du gsehsch hürate mir das jahr a "denä" täg, 30.5. zivil und 7.6. kirchlich! mim zuekünftige maa sini idee isches ou gsy am nächste tag z kirchleche zha!
finde aber ou dass das viel z stressig isch und ou schad wiumäs e so besser cha gniesse isch ja ou für d trouzüge u familie e stress, und i dänke e tag vorem hochzyt (kirche) gits de sicher no dieses oder jenes z erledige fürs grosse fescht:-)
ah ja, und 6.6.09 isch doch es schöns datum zum aluege, i würd dje märli ou eifach la märli sy.
daniel & sibylle 19.01.01= 30.05.2008 / 07.06.2008
Editiert 26.02.08
|
|
Mara nicht registriert am 26.02.2008
Re: Bedütig 06.06.
Aso eg be eigentlech der Meinig gsi es isch nur en tüfelszahl wenns 666 heist und zwar nur so und ohni nulli drinne wie bi 06.06.06 oder so... cha mi au tüüsche, be nämli au nid abergläubisch oder legge wärt uf so sache. Aber ich verschto di, falls öpper di drufafrogt wett me nid mit abgschnittne Bei do schtoh ;-)
Tamara & Simeon ~01.06.07~09.08.08~
|
Angie13 am 03.03.2008
Re: Bedütig 06.06.
I han schnell im Internet naa glueget. Luut dem gschiide Teil isch'd tüfelszahl 666.
Also i freu mi uf dä 06.06.08 trotz allem. Würd mi aber wunder nee ob viel a däm Tag hüratet. I finds echt e schöns Datum. Mir hät zwar dä 13.06.08 au gfalle. hät au passt willi amene fritig dä 13. Gebore bin. Das hät mi maa dänn ned welle. joo also i freu mi so oder so smile.
Mir hüratet am 06.06.2008 juhuiiiiiiii.
|
NaRu am 03.03.2008
Re: Bedütig 06.06.
Auso i mache mir da ou keni Gedanke... Am 06.06 het mi Grospapi Geburtstag und i hätt a däm Tag no nie irgendwelchi komeschi Erläbnis gha oder ä negativi Stimmig verspürt. Aber wenns di när die ganzi Zyt beschäftigt, de würdi mer haut scho vilech überlege ob de nid gschider äs angers Datum wettsch uswähle - schliesslech sött me a däm Tag ja rundum chönne gniesse!
Mir troue üs am 06.06.2009
|
|
Pluto nicht registriert am 03.03.2008
Re: Bedütig 06.06.
Mer hürote am 6.6.08 zivil, das Datum stört mech ned. Esch ou Zuefall, die andere Freitage drumrum send bem Zivilstandsamt scho ausgebucht gsi. Mech hätt de eher de 08.08.08 gstört. Das send för mech Schnapszahle, ned well ech abergläubisch be oder so. Wett ou ned aneme Tag hürote, wo die halb Wält dod....
Weiss gar ned worom vell Lüüt so besunderi Datum wünsche för ehres Hochzig. Dass de Ma de Tag ned vergisst? Dä vergässes ou söscht, osserdem stoht's jo ofem Ring ond das hilft de Männer ou nüd ;-)
Ech för mech dänke, das bringt ned meh Glück oder Pech als anderi Täg. Ech ha vo Pärli ghört wo a soneme runde Tag ghürote hend ond scho nömm zäme sind... aber genauso chas ou med andere Täg go, also eifach ned zu vell studiere ond geniessen.
Grüess
Pluto
|
|
Manuela24 nicht registriert am 03.03.2008
Re: Bedütig 06.06.
Hoi zämme
Viele Dank für eui Antworte. 
Ich find dä 06.06. au es schöns Datum - egal in wellem Jahr. Ha nur denkt, ich fräg vorher mal, nöd dass denn im Nachhinein komischi Frage chömet. Falls üsi Wunschchille an dem Datum no frei isch, werdet mer am 06.06.09 hürate. Freue mich scho mega!
Ganz liebi Grüess
Manuela
p.s. ha niemert welle verwirre oder verunsichere mit minere Frag... 
|
Yasi  am 10.03.2008
Re: Bedütig 06.06.
Hoi Manuela
Also mir hät me das au immer gseit, dass 666 Zahl vom Tüüfel isch. aber so vill ich weiss, isch das würkli nume, wänn die drü 6i nachenand stöhnd, ohni null oder komma oder so. Aber wäge dem Datum würdi mir jetzt überhaupt kei Sorge mache. min Fründ und ich sind am 06.01.06 zämecho und ich han mir nie überleit, ob das jetzt öppis negativs hät. ich glaube die Sache tüend sich nume negativ entwickle, wäme so negativ a das dänkt.
Wei gseit, ich würd mir do überhaupt kei Gedanke mache. jedi Zahl hät doch anschiinend irgend e Bedütig, wo aber je nach Kultur wieder variert.
Vill Spass bi de Vorbereitige.
lg Yasi
|
|
|
1
|
Anmelden
