| Bräute 2014 |
|
|
1 .. 58 .. 114 115 116 117 118 .. 558 .. 997
|
Lula  am 21.02.2013
Re: Bräute 2014
lilmonkeyme:
@lula: so de hammer :D merci viel mal!
Gäu!  Bitte.
Bstelle de öbe ou derte, wenn i se nit säuber mache.
|
|
|
Cristina89  am 22.02.2013
Re: Bräute 2014
hallo zeme
jo aarau wöri au helfe organisiere..
kolegin hetmer emfall no e link zonere coole homepage gscheckt:
www hochzeitswahn de
kenneder die scho? det hets echt cooli idee;)
schöne tag no!
ps: la prinicpessa: fowo besch denne du?
|
FringillaVigo am 22.02.2013
Re: Bräute 2014
Ou jo hochzeitswahn fingi super! Und verrückt-nach-hochzeit.de isch oh no cool. Chönnt Stunde uf so Sitene verbringe... Kennetrs Projectwedding? Isch oh no guet für Inspiratione.
@Lula: hesch de scho usprobiert, wie guet as es geit zum dr Umschlag sälber zmache?
@Sue: cooli HP, merci fürs zeige!
@Brutträff: ig hoffe natürlich es isch i minere Region Aber chäm, wes mir zitlich gieng oh Richtig Aarau/Olte etc Hoffe es chunnt zstang!
|
steffi2013 am 22.02.2013
Re: Bräute 2014
hej mädels
dir syt ja würkläch immer flissig am schribe... bi i de letschte Tage nid so drzuecho zum läse und mi aktiv z beteilige. ha eifach no wöue säge - i bi wägem Brutträff auso o flexibel was dr Ort aabelangt.
|
malinchen  am 22.02.2013
Re: Bräute 2014
@hochzeitswahn: ja, det bini ou regumässig am umestöberä. Aber die amerikanische blogs si ou super! U drnäbä chani no gad chli ds englisch trainierä... 
@me: Mi GG chunnt hüt vo sire Mäss in Dütschland hei u mir machä ä Zwöisamkeitsabä. I hoffä mir chöi mau no paar Locations besprächä... Si ja mit üserä Suechi no nid würklech witer cho. =S Wahrschiinlech wärdä mir irgendwo müessä ä Kompromiss igah: entweder genau det übernachtä wo mir ds ässä hei oder viu chönnä säuber bestimmä, so lang u lut fiirä wie mir wöi.  Drbi wotti doch ging ds 5i u ds Weggli ha...
@Pocketfolds: Mau sone Sälbstversuech z machä steit ou uf mirä Pendänzeliste... Bi de gspannt uf dini Erfahrige Lula!
|
Lula am 22.02.2013
Re: Bräute 2014
Hoi zämä
@Fringilla: Nee, has no nit probiert. Starte wenn i dNärve ha morn mau e Versuech.
@Malinchen: Ig ou... 
|
FringillaVigo am 23.02.2013
Re: Bräute 2014
Hey Fraue!
Ha grad gseh, as Afangs März Tchibo mau widr Baschtelzügs im Sortimänt het, vilich hets jo öpis passends für öperem sini HZ-Basteleie.
Morn göi mir üsi Aperolocation go besichtige, wo mr provisorisch reserviert hei. Freue mi jo scho!
Süsch lauft grad nid so vil HZ-technisch, ha ebe oh nid so Zit. U bi euch?
|
malinchen am 23.02.2013
Re: Bräute 2014
Hey zämä!
Merci fürä Tipp FringillaVigo! Gange de sicher ga luegä, cha immer wieder öpis bruuchä, ou wes nid fürs HZ isch... 
@me: bi üs louft ou nid viu im Moment. GG het gad rächt viu umd Ohrä u bi mir hei jetz d Vorläsige ou wieder agfangä... Aber langsam machts mi chli nervös wöu mir no ke Abä-Location hei und im Moment ou fasch ke Zyt da isch für no paar Sachä ga azluegä. Ire Wuchä isch scho März u i möcht eifach de nid, dass mir plötzlech öpis cools würdä fingä u när isches scho usbuechet.  I chönnt ds ganze chli ruhiger agah wenn das aues fix wär. 
|
Lula am 23.02.2013
Re: Bräute 2014
@Fringilla: Woher weisch de Du das jtzte scho??
@malinchen: Geit mir gad änhnlich wie Dir; Bastelsache cha me fasch immer bruche.
Was suechsch Du nöime für ne Obelocation? U i welere Umgebig? Aber verstah Di das de ruhiger wärisch, gingi mir mit am DJ genau so...
@me: Ha vori afe gad mini Bastelkiste abegno für ggf e Karteprototyp zbastle... 
|
FringillaVigo am 23.02.2013
Re: Bräute 2014
Ha öpis im Tchibo kauft und Prospäktli für die nächschte Wuchene becho. S Baschtelzügs chunnt abem 5te März. Het so Stanzer, vil verschidnigs Papier, Schnidwärchzügs (Kreisschnider, Präzisionsschnider, Verschidni Muschter-Schärine etc) und no so einiges anders drbi. Mau luege obs öpis isch.
Mini "normali" Baschtel-Trueh platzt ebe scho fasch, drum hani mir e extra HZ-Baschtelchischte zueche do, woni scho mau paar Pfauefädere für diversi Prototype und so Zügs drin ha Isch no chlei läär, aber s fült sich de sicher schnäller als me dänkt!
Viel Spass bim Charte-baschtle, bi scho uf dis Ergäbnis gspannt!
|
|
|
1 .. 58 .. 114 115 116 117 118 .. 558 .. 997
|
Anmelden
