Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Bräute 2014
Bräute 2014
 1 .. 62 .. 122 123 124 125 126 .. 562 .. 997
malinchen  am 27.02.2013

Re: Bräute 2014

@Nisliker: woooow, isch ja mega cool!!! Gratulierä... Dä Blog isch mir bis jetz entgange gsi, aber gseht ja mega toll us. Chunnt ou gad zu minä Favoritä.

@lilmonkeyme: die Ringe si leider ou nid so mi Gschmack... Aber isch uf jedä Fall öpis speziells und einzigartigs! Wenns öich gfallt wär das sicher ä cooli Idee!!!

@Chartä: Auso weni d Zyt zum ds Muster zeichnä abzieh brüchti äuä ca. 3 min. für ds Zueschniidä und Faltä und äuä scho so ca. 10min. für ds Band achläbä und ds Hägli anäihä... Also guet grächnet 15 min. pro Chartä. Bim Stand vo üserä momentane Gästelistä müessti 20 Chärli machä. Wär scho ä ziemlechä Ufwand. Aber i ha ja no ä mega tolli TZ und ä bastuwüetigi Mam wo sicher würdä mithälfä... I würds scho no gärn sälber machä. Es isch halt när ou viel persönlecher.
Dr Boga hani mitemnä "Papagei" zeichnet. Es git so spezielli "Lineäl" wo so gmacht si, dasmä jedi beliebigi Bogäform cha zeichnä. I bruches süsch v.a. zum Schnittmuster zeichnä. Sowit i weis gits die i grossä Papeterie oder Bastelzenträ zum choufä, (oder hie: http://www.conrad.ch/ce/de/product/77735...LE-3-FORMEN-A-C)



nisliker  am 28.02.2013

Re: Bräute 2014

@sue87 mini bluememeitli hend es wises tüllröckli und es pinks jäggli dezue mini tante het das aber uf www.vertbaudet.ch bstellt. finds uuu süess..

Zuletzt bearbeitet am 28.02.13 08:14



malinchen  am 28.02.2013

Re: Bräute 2014

@sue: wägä de chleider vo dä Bridesmaid fingi dases chli druf a chunnt wie viel du ihnä vorschribsch. I findes doof wemä ihnä vorschribt was fürnes chleid und i weler farb dases mues si und sies när aber sälber müessä zahlä ou wenns ihnä sälber gar nid gfallt und sies nie meh wärdä trägä nachem HZ.
Wenn sie aber sälber dörfä wählä und sie ds chleid ou später no chöi trägä findis ok wenn sies zahlä. Ig wirdä d Chleider sälber machä und sie dörfä d Farb mitbestimmä. Mini zwöi si so unterschiedlech das es eh unmöglich wär, es Chleid ds fingä wo beidnä steit... Mir wärdes drum eher uf die beide Bestman vo mim GG abstimmä. I machde de wahrschinlech Flöigä für die zwe mitem glichä Stoff oder so.



Sue87  am 28.02.2013

Re: Bräute 2014

Kutsche
www. kutschen - frei .ch
die si ou ar Marinatal Bern gad am Igang rechts gsi und er isch sehr sympathisch...!

Nisliker, jööh isch würkli härzig...wieviel bluememeitschi hesch??



Sue87  am 28.02.2013

Re: Bräute 2014

malinchen
wow bisch du schniiderin oder eifach hobby-mässig e gueti näherin??
fägt ja mega wenn du das selber chasch mache....
i wirdes ihne zahle weiss aber no nid wivil ig im budget söu irechne...;O)



nisliker  am 28.02.2013

Re: Bräute 2014

@sue87 ich ha 2 blueme meitli. sind mini cousine. 6 und 8ti sinds.



malinchen  am 28.02.2013

Re: Bräute 2014

@sue: i ha ä Designschuel z Züri gmacht. Ha mi aber när fürnes anders Studium entschiedä wöui nid ids Usland ha wöuä ga läbä. Als Designerin findet me idr CH praktisch kei Jobs, ussert me isch sälbständig und da hät definitiv ds Kapital drzue gfählt... Jetz machis eifach als hobby und isch jetz ou ok so, bi mega zfriedä mit mim studium.

Wägem Budget chunnts äuä no chli druf a, ob dus irgendwo im internet wosch bstellä oder obs wosch ga choufä... im Internet findet me sehr günstigi Chleider für Bridesmaid, ha scho serig für unter 100.- gseh. Imnä Gschäft drnah chasch äuä fasch glich viel drfür usgäh wie fürnes Brutchleid... Aber findsch sicher ou günstigeri.



novia_mayo  am 28.02.2013

Re: Bräute 2014

bin grad chli go google für blueme mäitli chleider... da gitts ja meeega vill herzigi sache! bi mier ischs mis gotte meitli wo das wird mache, sie dörf eus dänn au d ring bringe :)
ich glaub ich gah mit ihre mal chli im internet go surfe und denn darf sie sich es chleid ussueche :)

Zuletzt bearbeitet am 28.02.13 10:05



steffi2013  am 28.02.2013

Re: Bräute 2014

...heit dir i dämfau aui Bridesmaids?? i ha bis itz eigentläch dänkt, dassi das lah la sy. hmm, aber irgendwie wär's villäch scho no cool?! bi mer eifach über dene ihri Ufgab no nid so im Klare, bzw. wie u wo involviert me die de? wie heit dir das dänkt? eifach ir Chiuche vore häre stah u schön usgseh?

aus Bluememeitli hani d Zwillinge vo mire Fründin im Visier. die zwöi sie dr Hammer u eifach super-süess. Wahrschiinläch wärde sie mir de sogar d Show stähle....



malinchen  am 28.02.2013

Re: Bräute 2014

@Bridesmaids: auso mir hei sowieso chlinä komplizierti Situation : Mir hei üs nid chönnä entscheidä ob mir jewils üsi besti Kollegin oder üsä Brüetsch wöi näh aus TZ. Drum hei mir beschlossä, das mi GG si und mi Brüetsch aus Bestman nimmt, und ig mini und sini besti Kollegin als Bridesmaids. Wär de bim zivilä unterschriibt chöi sie unter sich usmachä... Drum übernähmä die 4 bi üs am HZ när ou d Rollä vodä TZ und Tätschmeister im traditionellä Sinn, hälfä mit bir Organisation usw.



  1 .. 62 .. 122 123 124 125 126 .. 562 .. 997

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz