IKEA-Gleser: da wäri äuä o no e Kandidatin drfür... vor paar Täg hani doch bim Bad putze d Abdeckig vor Lampe abegschmisse u die isch natürlech gad i 2 Stück zerbroche GG het nume dr Chopf gschüttlet...

Ja i bi würklech überglücklech, dass mir so e tolli u priiswärti Fotografin hei gfunge. Wieder e Poschte, wome genau cha budgetiere.

Mir gö d Chile in Sigriswil ga aluege und evtl. no Apérolocations ir Nechi. U für ds Ässe ds Hotel Beatus in Merligen. Isch mega schön gläge und dr 1. Idruck vom Kontakt (mir hei abgmacht fürne Besichtigung vo de Rümlechkeite) isch super, aber i ha z'Gfüu dasses vielech z'tür isch. Guet, mir hei o gwüssi Asprüch az Ässe, mi Fründ isch Choch und sini ganzi Familie Gastronome I bi gspannt!

• Zitieren

@Taeboyana: wow, ds Agebot vor Fotografin isch ja würklech mega cool!!! Fröit mi für öich dases so guet isch gloffä. I findä das äbä ou immer chli heikel wemä gueti Kollegä um so öpis bittet. Isch när doof wenn me sich nid einig wird, das cha ganz komischi Situatione gäh.
D Chillä in Sigriswil isch mega schön so viu i weis. Mini Elterä hei det ghürate...
Ds Beatus wär sicher meeeega schön zum fiirä! Was heit dir de so fürnes Budget fürd Abälocation? Mir hei ou lang öpis umä Thunersee gsuecht, villecht chani dir no ä Tip gäh...

@Sue: Ja, ds Milano isch üsi Büro-Stamm-Bar... Finges super det.

@Lula:

• Zitieren

@Taeboyana, wow so cool, ds beatus isch würkli sehr schön...de emu U VIEL vergnüege bim go aluege!!
bi de gspannt wasder entscheidet

@malinchen, i würdi ou säge das brucht de e zünftigi Mietreduktion...?

Was louft bi öich das Weekend süsch no so Hochzitstechnisch?
I wirde am Sunntig mau wider endlich nüt los ha und ha scho vor chli z sortiere und bastle und der Wedding-Planer nacheztrage etc....ds Wetter passt ja für das

Kirche
Mir hei Gestern Zuesag vom Pfarrer becho womer schriftlich agfragt hei und wo e Fründ vo mim Vater isch gsi....merci nomal vielmal für di super Idee megem e früenere Kolleg vo mim vater afrage....i liebe das Forum und bi froh gits öich
ig ha ize d Kirche chönne definitiv reserviere, muess aber no ageh, wenn dasmer Trouig vor Zit her wette....wüsset dir das scho??!!

• Zitieren

Aber isch das nid echli knapp? Getränk si jo aube fasch nomau so tüür wies Menu und wenns meh als 3 Gäng söue si, mit chli speziellere Vorspiese etc, wird evtl knapp, emu wenn dr eher 70 als 60 Lüt heit und wenn no angers derzue chunnt ussert ässe (Ruum-Mieti, Gabel-Gäld bir Turte, Nachtzueschlag, Stuehlhusse etc)

• Zitieren

i has o meh as Mindestbetrag dänkt... aber isch würklech no u schwierig z'säge, wemer no nid genau wüsse wieviu Lüt und was no aues zuesätzlech chunnt.

• Zitieren

Genau, das wei mir mache, de chöimer üs o chli e gnaueri Vorstellig mache. Ds Parkhotel Oberhofe si mir no ga aluege und het üs guet gfaue. Hei dert scho e provisorischi Reservation Süsch heimer aber no nüt konkret agluegt. Was kennsch de du no für Locations? No paar zuesätzlechi Tipps si immer guet!

• Zitieren