@Taeboyana: Aso beidi Dialekte i eim Kärtli?

@Fringilla: Das mit am Büechli isch aber ou sehr härzig!

@lil: tönt doch guet mit dr Idee vo Züridütsch u Englisch.
I ha ou Poketfolds gmacht, wäge?

@munggi: Wow, chique! I gloub denne hani dNärve nit, sowas no säuber zmache.

• Zitieren

@Iladige: Ig wett oh Pocketfold mache, wenni de mau drzuechume. Bzw weiss nid, ob igs wied Lula wage, se vo Grund uf sälber zmache, do bini äue zwenig geduldig und vor allem oh zwenig exakt Aber d "roh-charte" chame ja oh chaufe und de isches immer no so halb sälber gmacht... Mir wärde ebe wahrschinlich kei Homepage ha, ig wett eigentlich lieber oh "nur" e Wunschlischte und evtl nachm Hochzit es Fotoalbum, und de isches uh praktisch alli Infos id Pocketsfolds chönne ztue. Wäge dr Sproch, mir wärde Hochdütsch schriebe. Finge zwar Bärndütsch machts chli persönlicher, aber bi so vil Text isch üs Hochdütsch glich lieber.

• Zitieren

@Lula: üsi Chärtli müesse öpe im Januar parat si, wett se chli meh als es halbs Johr vorus chönne verschicke und Afangs Johr hei d Lüt ihri Ferie hoffentlich nonig grad buechet. Ha dänkt ig verbringe de die lange Herbscht-Öbe mit baschtle, de wirdi wohl fertig (uf GGs zwoi linki Häng chani äue nid so zöue)
GG het eh nid gärn langi Texte uf Bärndütsch und mir ischs lieber, wil mir hei oh Gäscht wo nume Hochdütsch choi und bi dene zwoi Sproche fingis ebe de chli überflüssig, wenn me e "Übersetzig" macht.

• Zitieren

Eigentlich heimr kei StD Charte wöue mache, aber jo angerersits wenn me zT im Dezämber scho muess dFerie igä, wärs vilich glich nid s dümmschte. Ja mau luege u nomau mit GG drüber rede. De wär vilich Dezämber-StD und März-Iladige no optimal. Aber ebe, gobti de halt nomau vil ztüe...

• Zitieren