@Lula: Hui, de si ja üsi mit 3500.- richtig priiswärt!!

• Zitieren

also eusi chostet au 6800.-. aber das isch öpis womer immer ahet...

• Zitieren

@Lula: Was hesch de für Materialie gwäut? Hesch viu Diamäntli? Guet üse Priis isch natürlech unter Vorbehaut z'gniesse, wüu mir no e 20% Guetschiin hei gha. Süsch wäri si um die 4400.- gsi. Aber üsi si wiss-und rotgold und mitere ufwändige Polierig u bi mir mit 3 Diamäntli, da chame gloub nüt säge. I ha o scho vo viu günstigere Ringe ghört, aber de sis meistens o viu günstigeri Materialie (Edelstahl z.B.) u das hei mir nid wöue. Aber 6000.- oder meh hätt definitiv üses Budget gsprängt.

• Zitieren

THEMA KLEID:

ja si het das ärnscht gmeint. meischtens passieries ja eh unabsichtlech bim tanzä, das gg oder i säuber drufstah oder so. süsch steit mr de sicher öber druf dases chli risst.
mi erscht gedankä isch gsi, i sägä eifach äs sigi gmietet, de dörfe si das nid.
muess mau no mit ihrä redä.

i ha bezüglech dr hz mit gg zämä ä no-go lischtä gmacht. so viu steit dert nid druf...
-kei brutentfüerig
-keiner störigä/ufgabä gad während em 1 tanz und am turtä aschnidä (vorhär u nachhär am abä gärn, aber gad genau den wei mir das gniessä)
-kei zouberer

da het si o gad gmeint, das chssch vrgässä, dass wird de süsch längwilig am abä, äs isch so typisch dass ds bruutpaar bim 1. tanz z.b. ä schirm muess häbä oder so. das wei mir nid, u das findet si doof.

äs isch üsi hz u we mir das nid wei, wei mir das nid. äs isch üsä grossä tag. ig findä o, dasi nid grossi ischränkigä mit denä no gos machä, isch ja würklech nid ds viu vrlangt.

bi gad chli hässig, sorry dasimi da abreagierä... aber äs duet gad guet chli fruscht abds la.

location: choschtet 500.- pro tag für üs (steit so uf dr hp, hei aber no nüd besprochä drum isches no nid ganz definitiv). das zahlä aber ggs euterä. si zahlä ds ganzä apero inkl. aperolocation und organisierä das o.

• Zitieren

@Morelia: Ja, dir sit ja würklech offä für fasch alles. Mir hei gar kei no-go liste müessä mache wöu bi üs ALLES no go isch. Mir wei überhoupt keini spieli, keini piindlechä videos/fotos vo üs, kei Art vo Entfüehrig (i würd de villecht i däm Fall no druf näh, dass es ou ke GG-Entfüehrig söll gäh - hani ou scho erläbt anerä HZ) und ou süsch wei mir über alles informiert si was planet isch. Also da cha sich dini Schwimu ja no glücklech schätze! V.a. vo wägä das wärdi de Gäst längwilig, das gloubi ersch rächt nid. D Zyt geit ja immer mega schnäll verbi a denä Fescht, die wüsse sich de scho z unterhalte... U süsch cha ja sie irgendwelchi piindlechä Sache zur allgemeine Beluschtigung vorfüehrä.

Wägem Chleid würdi mi ou drfür ha z sägä dases gmietet isch. Und wenn sies kaputt machä sölle sies zahle.

Verstah auso guet, dass du da hässig bisch wordä...

• Zitieren

@doofi Darbietige: I weis ehrlechgseit ou nid, was alli immer a denä doofä Spieli finde... I ha mi a deunä HZ ou scho fasch müessä frömdschäme. Es git ja würklech Sache wo luschtig oder schön si, aber mängisch geits eifach würklech numä drum, ds Brutpaar ds blamierä oders ihne müglechscht piindlech ds mache. Chürzlech isch ä Kollegin amnä HZ gsi u het när verzellt, dass es so Sketch het gäh wo d Familie vom Brütigam würklech übelst dürä Dräck zogä wordä isch und's würklech nümme alli luschtig gfunde hei - so Sache müessä doch ächt nid si! Das chame vo mir us gseh amnä Polterabe oder so mache...

Und uf dr anderä Site chöi ou Spieli längwilig si...

Was ig mega cool würd finde:
- Himmelslaternä lah stige oder so Schwümmcherzli-Bluemä ufem See lah schwümme
- Irgend es spieli fürd Gäst ufd Tanzflächi z locke
- Fotobooth, Polaroidkameras (gits übrigens jetz wieder in nöier Form!) oder sone old-school-Fotoautomat ufstellä
- E Wunschboum wo d Gäst chöi so Zetteli mit ihrne Wünsch druffe dra hänke oder ä Globus wo sie chöi druf schribä


Was mir vo mir us ou guet chöi mache isch eifach üsi Fotoalbe us dr Chindheit u vo gmeinsame Feriä ufstellä, das luegä d Lüt ja ou immer gärn a und würd se "beschäftige" und sicher teilwiis ou beluschtige...

• Zitieren