| Bräute 2014 |
|
|
1 .. 220 .. 438 439 440 441 442 .. 720 .. 997
|
malinchen  am 21.10.2013
Re: Bräute 2014
@Pfingstrose: wow, mega cooli Föteli!!! Dir sit würklech es mega härzigs Paar!  Das beruhigt mi gad, dass dir ou bi Rägäwätter so schöni Föteli heit gmacht det...  De muesi mir um das keini Sorge meh mache.
@Azug GG: I wirde si Azug äuä nid gseh vorhär. Ussert er wott ne mir zeige...  Grau würd ihm gloub scho ou gfalle. Er het mir ömu eis mal gad öpis i die Richtig gseit wo mir The Mentalist hei gluegt, däm si Stil findi eh hammer... We GG so öpis aleit bini meh als zfriede. 
@Littlefoot: gäll, i ha när äbä ou plötzlech gfunde i möcht glich chli öpis "meh" als die ganz schlichte Chleider. Das isch jetz ä cooli zwüschelösig. Sones Chleid chamä halt würklech nur einisch alegä...
@Taeboyana: Hihi, isch würklech witzig gsi di in echt z gseh! Het mi also ou sehr gfröit.
@me: I ha gester no chli Floriste-Homepages agluegt mit GG. Dir heit mi gad agsteckt... Aber wo mir so chli dür die Site düreklickt hei, hei mir plötzlech ou gfunde, das isch eifach alles mega tüür! V.a. wöu mir ja eifach so Wiese-Blueme wettä, nix speziells... das cha doch nid so tüür si! Mini Gotte isch Gärtnerin aber schafft inzwüsche imnä Heim - süsch würde mir ja eh über sie gah. Aber villecht het sie üs no ä Tipp. Ha sogar scho überleit die Blueme sälber azpflanze... 
|
|
|
Pfingstrose am 21.10.2013
Re: Bräute 2014
Alli: Danke für die liebe Kompliment… Das stellt eim richtig uf. Bin au froh, hämmer quasi gad probed obs au gueti Fotis git mit Räge… Und es gaht also. Wünsche mir aber glich schöns Wetter für d Hochziit… Jetzt hämmer ja d Fotis im Rägewetter scho abghaged.
Malinchen: Total lustig händer eu live gseh! Isch ja irgendwie no speziell… Hm, ich find au dass Wiiseblueme wo mer quasi „nur“ istelle muss so viel chosted. Also nöd dass es billig isch sondern, dass de Ufwand doch völlig anders tisch wie wenn mer es Gschteck oder so macht. Hoffe dini Gotte chan eu da no wiiterhelfe… Suscht wers ja no e Idee uf dene Felder vo de Buure selber go schniide gah. Gits bi eu i de Region doch sicher au.
|
Lula  am 21.10.2013
Re: Bräute 2014
Hoi zämä
@sasileu: Tönt sehr speziell, u GG u ig wäre aso bim 3te Punkt gschiteret... Si beidi reformiert.
Finde aber dr Punkt vo glichgschlächtleche Paar, so wie dr Punkt mit de Kind no heavy!
Für üs ghört dKirch ou drzue, trotz dem das mir reformiert si u nit dmega dKirchegänger.
@jane: Drück dr Düme, dass es glich no usefindisch! U we de vox direkt aschribsch?
Nee, mir Fötele ja am Vormittag u gseh üs denne zerschte mau, wette das aber glich chli speziell mache, iwie umne Egge oder so
Schöni Torte! Finde aber 13.50 ou ziemli happig!
@Pfingstrose: Juhui, super! Merci viu mau füre Link; wunderschöni Fotis!!
@Torte: Ha mir ja eigentli eini gwünscht fürs zivile, aber di isch de am Priis gschiteret... GG het fasch dr Schlag troffe, jänu, jtzt muess i haut säuber drhinder. U am kirchleche hei mir de eifach es Dessertbuffet.
@nala: Schrib doch mau bi beidne Locations sPro u Contra uf, viellech hiuft ja das ou chli.
Jep, er het sälber Cordonbleu gmacht...  Si drfür närne wie schwangeri Bergentene uf am Sofa gläge...
Das muess gloubs so si, ha ja ou scho agfange mit dr Sitzordnig...
@Taeboyana: Mir ou. Würdi aber ou am liebschte mitgah, aber das wird, soferns kei Zuefallsfund isch, nit dr Fall si.
Meinsch nit, mit am ne Gilet, am ne Plastron u am ne Pochetli (sorry, weis gad nit wie me das schribt) gseht er ou im ne Azug wo ner umi cha alege wie ne Brütigam us? Aber Brun gieng sicher zu öichene Farbe, dünkt mi no bau besser wie grau oder blau.
Heit drs guet gha ar Wiimäss?
@littlefoot: Nee, wird eifach Standesamt, ga Schiesse u Grille deheime si. U ou gad nume mit sim Mami, mim Papi u Stiefmuetter, TZ mit Partner u evtl miner Groseltere, aso 9 oder 11 Lüüt.
Gäu...
|
malinchen am 21.10.2013
Re: Bräute 2014
@Pfingstrose: Hei das isch ä mega gueti Idee!!! Merci für dä Tipp... De chönnti eifach ä Brutstruss, Astecker und Armbänder für Bridesmaids mache lah und dr Räst am Tag vorhär sälber ga schniide. Die sötte ja scho ei Tag hebe we mirs istellä...
|
Sue87  am 21.10.2013
Re: Bräute 2014
Pfingstrose
ooooh i wett ou gern d Föteli gseh
malinchen
ou danke viumau füre Link vom Bluemegschäft - gah de gad go luege
und de wender d Blueme vomne Blumenschneide-Feld würdet neh?? Mir hei das bim zivile gmacht und het super klappet und isch natürlich enorm günschtig cho...
daenu
wow du bisch flissig am Häckle magsch mau es Föteli zeige wasder scho ghäcklet heit??
janedoe
ui das findi e mega priis...weiss zwar no nid wie tüür die Armbänder so sind aber 130.- fingi mega viu??
de Priis für Turte isch sicher viu aber für die Deko dänki ischs grechtfertigt. übrigens e mega schöni Turte...
sasileu
hihi bi ou scho amne Adventskalender dra was hesch de fürnes Extra für Familie wo baschtlisch?
me
has u härzig gfunde...ha mim GG am letschte Fritig de link vo dene Namenstäfeli-Orchidee gschickt und er het gfunde er wöui mau öpis selber kreiere. Woner isch heicho heter ner eis scho usgschnitte gha und übernes Weinglas ghänkt zum demonstriere wies würdi usgseh mir gfallts mega und findes ou cool wemer se chöi selber drucke und mache - im ahnag isch d Vorlage.
morn gömer de bimne Cateringservice verbi und am Samschtig bim Pfarrer
|
Sue87 am 21.10.2013
Re: Bräute 2014
ah iz hani gad gseh dass Pfingstrose das ou gad gschribe het megde schnittblueme
|
Lula am 21.10.2013
Re: Bräute 2014
@Sue: I gloub Du hesch dr Ahang vergässe
@me: Üses erschte Gschänk isch uf dr Wunschliste wäg cho... Juhui...
|
Sue87 am 21.10.2013
Re: Bräute 2014
Lula
ou ja merci - hie no der Ahang
Flitterwochen
Mir hei das Weekend gad ganz e luschtigi Idee gha so wies usgseht werde mir mit üsne TZ wo ou üsi beschte Fründe si nachem Hochzit 3 Wuche uf Bangkok und ner Bali id Ferie gah sozäge als Flitterwuche ize simer am flüg sueche wenn öper no e Tip het womer günschtig chönte luege bitte melden
|
Pfingstrose am 21.10.2013
Re: Bräute 2014
Sue: Gad die glich Idee mit de Schnittblueme gha! Aber ich dänke das isch ächt e gueti Option. S einzige Down Side isch wenns die Täg vor em Hochziit rägnet und vieles platt druckt isch. Den ischs eifach recht schwer schnell öpis chöne azschaffe. Hm... Schwer, schwer!
Littlefoot: Ich han eui Lokation in Luzern aglueged. Isch eifach wunderschön das Huus! Ächt mega! Werdet ihr den kein Fotograf ha?
|
Sue87 am 21.10.2013
Re: Bräute 2014
Pfingstrose
merci vielmal füre Link! wunderschöni Föteli vomne wunderschöne Päärli
bi dene Föteli chöme bi mir gad heimatgfühl ufe - ha 12 Jahr in Schönbühl gwohnt
|
|
|
1 .. 220 .. 438 439 440 441 442 .. 720 .. 997
|
Anmelden
