@Taeboyana
Genau das hed GG gester zu mier gseit. Ebe, das ich alles soooo fescht plane und denn mega enttüscht bi, wenn es Minimüü ned so isch wie ich das i minere Vorstellig ha. Und ich bin halt leider en Mensch wo das sehr schnell sehr persönlich nimmt und denn au alles andere in Frag stellt. es isch total blöd!

@Pfingstrose
Vielleicht sötti min Avatar wider wechsle

Zuletzt bearbeitet am 24.10.13 09:39

• Zitieren

Janedoe Ich chan dich so verstah! Und ich finds guet wotsch du au sie verstah. Will ich muss säge mir gahts super guet siit mir de Striit gha händ. Ich bin mim Schatz au irgendwie dankbar hät er mich mal obe abe gholt will mer chund würklich chli inen Wahn was eim ja selber mengisch au nöd so guet tuet. Und min GG het au öpis gseit woni eifach gad gschockt gsi bin... Vo wege, er würd lieber säge wie cools sini zuekünftigi Frau gno hät und dass es die schönti Hochziit worde isch und nöd wie e dummi Brautzilla ich gsi bin und am Schluss wüssi er nöd mal meh ob es nach de Hochziit besser wird. Was ich guet verstah chan und mich den imfall würklich selber gad nüme kännt han. Isch mer fast peindlich gsi. Siit dete bini wie usgwächsled. Hani mir eifach mal denkt wotti überhaupt so sie - nei! Den hani mir überleit was isch mir s alllller wichtigst, min GG - mis Chleid, d Fotografin und d Lokation. De Rest wird eh guet cho... Und die andere Pünkt hämmer scho abghagged... Also was chan no schieff gah!!! Es chund alles guet und s Lache im Gsicht isch eh s wichtigst a dem Tag!!! Mer merkt ja denn, dass au wenn mer nüme so Brautzilla isch dass es ja immer no fürschi gaht. Und eigentlich isches dänn au viel ringer will mer sich nüme so über chlini Sach wo nöd gad klapped ufregt. Den seit mer sich eifach guet wird wohl e anderi besseri Lösig geh, abghagged und wiiter.

• Zitieren

nicht registriert

Guuätä Moorge mitenand

Janedoe: Ojeeh Fühl diich fest umarmt! Das isch gar keii schöns Gfühl... I glaub mir kennets all ä chlii, vo dä Lüüt komisch agluägt z'werde, will mir scho Details planet, Kleiider dehaii hend und uns eiifach irrsinnig wild uf dä Tag froiiet! I verstand dii völlig und drum machts mii gad no chlii meh betroffe. I hoff du und dii GG chönt eu hüt Abiig usspreche und chönt eh gmeinsami Lösig finde! Mengmol han ii s'Gfühl für Männer bruchts ä Kiirche, d'Bruut und Bier und s'Hochziit wär guät... Dass au dini TZ so eher kalt reagiert, find ii au meega truurig Sii het ja das Amt übernoh zum dii unterstütze. Au ii dem Bereiich wünsch ii diir eh guäti Ussparch!
Es chönt jo nöd all immer Hochziitsbegeisteret sii. Hesch ii diiner Umgebig Lüüt wo gern nafraget und zuäloset? Denn heb diich fest aah dene und ihrer Vorfreud! Und sus natürli texte uns zuä, mir sind alli im Hochziitsfieber!!

Daenu: Au diich umarmich fest! d'Situation mit diim Papi isch wohl schwierig. Eui Bilder sind so wunderschön und zeiiget so viel vo euch und eure Liäbi! Cha guät verstoh, dass dii da mitgnoh het und ii so Moment diis Mami diir fehlt! Luägs nomol guät aah und loh dii in Arm näh vo diim GG. Du wiirsch merke, dass uf eune Bilder en wunderschöne Zauber liit!

Nala: Schön hend iihr öpis wo ihr uf eure To-Do-Lischte so erfolgriich chönt abhacke und hend iihr so eh passendi Zeremonieleiterin gfunde!
Dii eint TZ findet, ii chönt sowieso nöd dä ganz Tag laufe in dene und diä ander isch generell gege pink aah dä Bruut. Aber uf da los ii nöd, wenn ii pink will, denn giits pink (solangs miim GG nöd z'viil wird, isch jo au siis Hochziit )
Mersii für diä guäte Wünsch für mini BA. I bi so froh, dass ii es suuper spannends Thema gwählt han. Nu scho das isch so unheimlich motivierend!!

Taeboyana: No zwaii Tag, denn hesch eh groosse Stressfaktor hinder diir und en noiie spannende Teiil vo diim Lebe chan afange! Klar, dass jetzt grad chlii viil um d'Ohre hesch und diir dä Abschiid vo diine liäbä Lüüt schwer fallt! Hoff du chasch dii am Wuchenend chlii entspanne und denn mit Freud aah s'Noiie goh!

Pfingstrose: Endlich hend ihr d'Fotis!!! So schön chas vorwärts gooh. O mamma mia. I stell mir gad vor wiä iich diä überchum ii wird wohl durch d'Wohnig hopse vor Freud und denn muän ii mii jo no gedulde, will ii wotts jo mit miim GG aluägä und ned iich allai
Unseri Eltere kennet sich bis jetzt nur vom Gseh Da isch für mii nöd so eiifach gsii, will ii ha jo miterlebt wiä siin ältere Brüäder sini Fründin gfunde het, sii zämächo sind und sich verlobt hend. Nach dä Verlobig hets denn mit ihrne Eltere es treffe geh. Und mii het da recht mitgnoh, werum treffet sii sich nöd mit mine? Am GG siini Eltere hend selber schlechti Erfahrige gmacht. Ihri Eltere hend isch recht guät kennt, so immer über s'Paar sich ustuscht und driigfunkt. Das wönds vermeiide. Derum hets bis zur Verlobig keii Treffe geh. Und jetzt tuän ii wiä chlii us Trotz keii Treffe organisiere Aber vor hends mir eiigentli mol gha... Ojeeh, so gnau het diich das viellicht denn glich nöd interessiert Aber irgendwiä het mii das grad dra erinneret, dass mir da mol machä söttet. Du bisch genial, ii ha grad en Ifall gha

Lula: Mersii für dä Link. I gang gad mol husch go gugge!


Am Danke gschlüss ii miich aah. Tipps, Ratschläg und Mitfreue isch so wertvoll! Genau au bii dä Schueh bin ii uf wenig begeisterig gstosse und ihr hend mii eiifach wiider ii diä Froiid zruggholt! Bi froh, über dä Ustusch wo do stattfindet und über das gegesiitige Träge!

• Zitieren

Familie Also eusi hend sich eigentlich nur mal bim Zügle gseh und eimal so chli bim verbielaufe in Züri. Mir hend hald au no chli e Sach mit de Sprachbariere... Aber das würdi no gah. Ich finds eifach no schwierig wie mer das macht. Aber jetzt wo ihr alli schriebe dass es bi eu eigentlich no ähndlich isch oder au nöd mega viel Kontakt zwüsched ihne bini gad wieder erliechtere. Han mich fast gschämmt will ich als Chind immer däntk han das ghört doch dezue.

Littlefoot Wunderschöni Turte!!! Eui Hochziitsturte wird scher au de Wahnsinn!!! Tut mer leid wege dim Papi und den schwierige Konstellation. Gits hald doch überall chli.

• Zitieren

@jane: oh nei, das duet mir so Leid!!! Drücke di ganz fest vo hie us!!! I verstahs ou dass ussestehendi und gad Lüt wo no nid sälber hei ghürate üsi Euphorik nid so chöi nachevollzieh, aber gad sägä du sigsch es Monster worde geit ja gar nid... Und dass din GG när no i die glich Kerbe hout isch ou chli doof gsi. Aber das si halt Männer, wie du scho gseit hesch! I hoffe, dass dini TZ de ou no chli is Hochzytsfieber chunnt! Bi minerä hets ja ou chli duuret...

@littlefoot: hihi, würklech witzig... Bi üs ischs öpe glich, nur si mir beidi ca. 10cm chliner als ihr! I ha süsch no gärn höchi Schueh anne, so im Alltag ischs mir glich weni grösser bi als er. Aber am HZ we mir so viel näbänand stöh fallts de scho z fest uf.
Mir hei üs äbä no nid entschiede wägä de Floriste... Ha eifach mal chli googlet und Homepages agluegt wo Läde wo i üserä Nöchi si oder mir süsch kennä. Die meiste hei e Galerie mit Bilder vo Ufträg wo sie gha hei... Aber i weis no nid so rächt, choschtet so viel die Blueme! Ha ou scho gsuecht, für die irgendwo sälber im Grosshandel z bstellä, wöu mir wei keini Gsteck sondern eifach strüssli i verschiedene Gleser wo mir scho fliissig am Sammle si.

Wägem Hochzytswahn, das isch bi mir würklech ou so. Aber i versueche das Thema nur no azspreche, wenn mi Kolleginne drnah frage oder so. I bi gester dr ganz Abe bi mim Brüetsch wo mi TZ isch gsi und has gschafft keis Wort übers Hochzyt ds Verlüre, ussert dass er bitte no söll ds Doodle für ds nächste Träffe usfülle. I gloub mit chli Training schaffsch das ou irgendwenn...

Mir wünsche üs Gäld fürne VW oder eifach süscht Camping-Bus.

Und ds Chleid hani scho, es isch es pronovias pelicano...

@Taeboyana: oh nei, gueti Besserig!!! Hoffe du hesch de chli Rueh sobald die Wuche hinter dir hesch und im nöie Job startisch...

@Pfingstrose: Üsi Elterä hei sich scho so vom Gseh här kennt, bevor mir si zämä gsi wöu mir ja i Nachbardörfer si ufgwachse. Wo mir si zämäzoge hei mir sie när mal beidi zu üs iglade u sithär hei sie ou scho unter sich abgmacht wöu sies guet hei zämä. Isch natürlech ideal gsi bi üs, aber mues ja nid so si u isch sicher nid dr Normalfall. Aber i würd scho mal es Träffe mache wenn sie sich no nid so kennä...

@me: So, jetz chani nümme meh schribä, mues no hurti öpis g ässe und när am 12.15 scho wieder ir Vorläsig höckle... Häbet ä schönä Namitag!

• Zitieren

@malinchen
Danke vielmal für dini Wort!! GG und ich hend jetzt am Mittag churz chli gSMSlet. Hanem gseit ich will mich chli zruggneh und er hed de gfunde, das er au nümm sin ganze Frust immer mit heineh will vom schaffe. Ez gömmer am Abig zeme go esse und tüend in Rueh nomal rede.

@lil.lian
Ahhh das mit de Herzli tönt mega härzig! Chani mer super vorstelle. Ich hett eifach kei schöni Schrift zums beschrifte.
Ui ume Schriiner Fründ wäri gad au mega froh, han ja gester mini absoluti Traumdeko gfunde und dett brüchti ez e Huufe Holz...
http://www.hochzeitswahn.de/selbstgemach...ummer-aus-holz/

• Zitieren