Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Bräute 2014
Bräute 2014
 1 .. 3 4 5 6 7 .. 502 .. 997
Lula  am 08.11.2012

Re: Bräute 2014

@nisliker: Das mit dr Überforderig isch bi mim GG ou gad chli so, mine isch ou nitgäng so überzügt wenn i mit nöiie Ideene chume... Aber ebe, wird de gloub für üs beidi eifacher wenns üsi Familiene und Fründe wüsse.

@FringillaVigo: I mein, es chas perfekte Früehligs-Summerwätter si, aber es cha ebe ou no Schneie... U mit am ne Chineoise wäri mir uf dr sichere Site, u de gits Härpfusalat drzue, dä cha me guet vorbereite...
Hihihi, serigi Disskusione hei mir ou scha gha... Wobi mir sinis einig, am Apero wärdes zimeli viu (ca. 100-150) aber am Obe wetti mr im chline Kreis fiire! Zum Apero wäri e chlini Band no cool (hei mau Kollege vo üs am ne Apero gha) aber am Obe wetti e DJ, isch haut vielsitiger...
Aber dFotis si bi üs ou no so nes Thema, i wettis Shooting vor dr Kirche, u er nit... Mau guuge, muess ne no überzüge.



nisliker  am 12.11.2012

Re: Bräute 2014

hey zeme

gester han ich mit mim gg über de fotograf gfredet.... :( ich möcht so gern schöni fotene und er findet das cha doch sin vater mache :( das isch doch nöd sgliche. und en fotograf chost eifach chli öpis... was findet ihr? bruchts eine?



Lus

nicht registriert

am 12.11.2012

Re: Bräute 2014

@nisliker
I würd uf au Fäu eine angagiere! Schliesslech söu si Vater ja ou öppis vom Hochzyt vom Sohn ha und nid nume die ganz Zyt "müesse" föttele. Und ja, i wett scho öpper wo gueti Erfahrige het mit Hochzyte fötele, isch ja schono aspruchsvoll.
Es git ja ou gueti, günschegi Fotografe. I würd mi mau chli umeluege.



Lula  am 12.11.2012

Re: Bräute 2014

Guete Morge

@nisliker: Meinsch es isch de für si Papi cool, wenn er nit "nume" aus Gascht cha cho, sondern gäng muess fötetele etc?!
I wott uf jede fau e Fotograf, wüu Fotos u Ringe si näbscht de Ringe das wo blibt. U mir si Fotis haut eifach mega wichtig, ou i Alltagssituatione. Bi gäng am Fötele...



nisliker  am 12.11.2012

Re: Bräute 2014

ja ich bi glicher meinig wie ihr. er findet ebe 1500.- für en fotograf scho tür. und das isch ja no nüd!! zum glück hani ja nochli ziit zum bearbeite :) und im notfal zahl ich en hald....



Lus

nicht registriert

am 12.11.2012

Re: Bräute 2014

ja fotografe si scho ehnder tüür, defür hesch es läbenslangs adänke
Mir hei d Wahl zwüsche eme Profifotograf für 2200.-- und ere hobbyfotografin mit eigentem Fotostudio für alles inkl. 1000.--.
drum, es rändiert sech scho chli z vergliche und umezluege! U e Fotograf weis ja scho am beschte, wiener wägem liecht etc. mues isteue. Nid dass di Schwigervater nid cha fötele, aber steu dr vor, es si aui föteli när nid sooo guet.... wär ja ou schad und de regsch di nume uf!



nisliker  am 12.11.2012

Re: Bräute 2014

bi voll euere meinig. ich finde das isch die errinnerig. ich mues unbedingt nomal mit ihm rede. und susch zahl ich de selber... aber ich möcht uf all fell en fotograf. ich denk scho das min schwigervater das chönd aber das wer ja kein verglich zume fotograf. ich möcht das mini gäst all de tag chönd gnüsse und nöd mues "schaffe"...



Lus

nicht registriert

am 12.11.2012

Re: Bräute 2014

I finde dini Istellig super, zieh das nume düre
U i gloube, di GG wird ders ou danke wener de die schöne Föteli nachem Hochzyt gseht!
U mer sötts nid unterschetze... es si nid eifach es paar Föteli zum mache so näbebi



nisliker  am 12.11.2012

Re: Bräute 2014

danke lus! ich bi froh gsehnd ihr das au so ;)



FringillaVigo  am 12.11.2012

Re: Bräute 2014

nisliker:
:( ich möcht so gern schöni fotene und er findet das cha doch sin vater mache :(

Bi üs isches genau glich, usser as mir Fründ gfunge het si TZ chönn das mache und mi Vater würd jo eh 100i vo Bilder mache, de heige mr de scho gnueg Aso erschtens es chunnt für mir eifach gar nid in Frag, as eine vo de "Hauptpersone" wie TZ, BJ oder Eltere hinger dr Kamera steit, die hei eh scho gnueg ztue und sette sälber uf de Bilder si und zwoitens fändi wenigschtens e chli HZ-Erfahrig vo Vorteil und nid nur e gueti Kamera (dr TZ macht zwar würklich cooli Fotos, aber het no nie es Event oder so dokumentiert, drum hani Angscht, asr de a vil nid dänkt etc). Aber ebe, das het bi üs scho riese Diskussione gä, vorallem au, wils ebe nid soo ne chline Budgetposchte isch.

Ig ha aber hie im Forum scho vil gläse as es au Fotografe git, wo 800.- bis 1000.- heusche, würd mau chlei umeluege und vilich e Hobby-Fotograf näh, wo au scho a Hochzite isch gsi. Dä de eifach fürd Trauig unds Apero bueche anstatt füre ganz Tag, de choschtets nüm so vil und vilich isch di GG de kompromissbereit?



  1 .. 3 4 5 6 7 .. 502 .. 997

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz