| Bräute 2014 |
|
|
1 .. 257 .. 511 512 513 514 515 .. 756 .. 997
|
LaMariee  am 22.11.2013
Re: Bräute 2014
@Sue: ja isch iz üses Logo mir heis de ufdä Iladigskarte u ufdr Homepage.. U mau luege womrs de schüsch no druf tüä mir hei zMotto "Reise", drum passt das super
@Pfingstrose: würd de ou gärn es Biudli gseh vom Chleid
U wed iz no es Spändekonto hesch, würdis gloub wük näh
|
|
|
Sue87  am 22.11.2013
Re: Bräute 2014
Pfingstrose
Hättisch süsch de nöime e Poste im Budget wod chli chöntisch chürze für is Chleid?
Evlt. bruchtisch ja weniger Accessoires wüll ds Chleid selber scho mega viel hergit? Auso nume aus Idee aber mängisch merktme ja nöime (leider viel z selte) dasme ds viel budgetiert het und de chöntisch das für ads Kleid bruche?;O)
Das würdi auso o no abkläre und wend für sones tüürs kleid ner no ufpriis zahlsch fürne expressänderig de würdimers würkli nomal überlege?
Malinchen
Ou merci füre tipp de tueni ou öppe 3 stund irechne pro Termin und ha de hoffentlich z viel zit übrig – wett kei stress…;O)hesch scho e Idee mit was füremne Usflug du di GG wetsch überrasche?
Fanny
Ou ja dere Frag schlüssi mi gad a;O) ha o no kei schlaui Idee aber hoffe öper anders;O)
Snicki
Auso für am Abig für Serviette und Tischtüecher würdet ihr 3.- pro Person zahle? De scho stoffigi?
LaMariee
Gfalltmer sehr öies Logo;O) dafme go d Homepage gügsle??;O)
|
malinchen  am 22.11.2013
Re: Bräute 2014
@Fanny: De no offiziell härzlech willkomme!!!  Für das söu ds Forum ja ou da si, ou wenn du süsch nid so fliissig chasch mitschribä! Mir hei uf dr Homepage ä separati Site gmacht mit Infos zum Fest, det hets när verschiedeni Untersite und eini isch Dresscode... I dänke es isch so oder so guet wemä ä Hiiwiis macht, wöu vieli frage mi scho jetz was sie de äch söue alege u mache sich mega Gedanke... Mir heis so chli im witzige Sinn gschribe u hei nid so es "vordichtets" Sprüchli gnoh. Ha bidä Froue gschribe, dass üses HZ ä gueti Glägäheit bieti zum eis vo ihrne schönste Chleider im Schrank usfüehrä u ha ou no gschribe dass es zur Chille ufä rächt steil isch (wägä dä Schueh ) u bi de Männer hani när gschribe sie söue doch de Froue e Gfalle mache und sich ou entsprächend useputze. Mir stellä üs halt nid explizit ä Azug vor da mir eher sone Garte-party-Hochzyt hei. Aber finde das chasch scho gad direkt schribe...
@snicki: D Apéro-Deko isch bi üs ono es Problem... I hoffe i cha ä Bekannti für das engagiere wöu i ha unmüglech zyt das denn no z mache da mir scho am 11i Trouig hei. I wirde ihre uf jedä FAll ou öpis drfür zahle u mir isch eh wichtig, dasses überall glich usgseht (also Chille - Apéro - Abelocation).
Also i fänd das jetz no es guets Agebot, wenn i denä 300.- d Dienstleistig plus ds Material inbegriffe isch.  I wirde schlussändlech sicher ou so viel usgäh wenis sälber choufe...
|
Pfingstrose am 22.11.2013
Re: Bräute 2014
Sue: Mir hend gester nomal euses Budget aglueged und eigentlich gsehts ächt guet us. Mir sparred eus ja die 1000 CHF für de DJ will mer sin Cousin werdet fröge. Und das mit em Schmuck stimmt. Ich wird nemlich garnüt a Schmuck chaufe. Wird eifach mini Perleohrering woni vo minere Urgrossmuetter vererbt übercho han alegee (something old) und den mini Ring also de Verlobigsring und den de Ehering. Meh bruchi nöd. Ich gahn hüt glaub nachem Schaffe verbie und kläre die ganzi Sach nomal. Säge ich möchti eifach nöd am Schluss entosche sie über s Chleid nur will d Rächnig irgendwenn explodiert. Also ich möchte uf kein Fall en Expressänderig zahle. Das sägi klipp und klar. Den luegi wie sie sich verhalted und suscht würdi no anen andere Ort gah. Au wenni kei Lust han… 
LaMariee: Ich find dis Logo au meeega schön… Ächt öpis cools.
|
Fanny87 am 22.11.2013
Re: Bräute 2014
@malinchen: Danke vielmol :-)! jo etz denki werdi denn vilicht scho chli meh chöne mitschriibe, wills bi üs etz au fäng zimli konkret worde isch.
da tönt mega guet so wiäs du gschribä häsch uf dä Homepage. appropos Homepage..dörfti evtl. uf eui mol echli go schnäugge? *liebguck* :-)
tönt jedefalls super so wiäs du gschribä häsch! danke etz scho :-)
|
LaMariee am 22.11.2013
Re: Bräute 2014
@Sue: dir dörft de gärn ga luege we si de fertig isch.. im momänt isches no chli ä "Bousteu" ;-)
@Pfingstrose: merci viu mau für zBiudli.. isch mega schön das Chleid.. oder villech scho gli DIS Chleid
Merci wägem Logo ha ou lang gnuä dranne bastlet 
|
malinchen am 22.11.2013
Re: Bräute 2014
@fanny: mir hei äbä no kei Domain reserviert, drum chani d Homepage no nid umezeige...  Aber i due dirs gärn zeige sobald mirs online hei! Cha dir süsch hüt Abe e Printscreen schicke vo dere Site we dir das öpis bringt?
@sue: Jaa, söu ja ou chline chillige Event si das Brutchleid-Shoppä... Jaa, i ha vori gad d Junior-Suite i däm Hotel buechet: http://www.booking.com/hotel/ch/tralala-...df4e925d;dcid=1 Es het sone Wy-Lounge u mir si ja beidi Wy-Trinker, de chöi mir gmüetlech det härä, am Nami chli dür Montreux schländere, öpis leckers ga Ässe u när chli Wy degustiere... u ds Zmorgebuffet tönt ou nid schlächt.
|
Snicki  am 22.11.2013
Re: Bräute 2014
Sue: nei dänke ned das die stoffigi hend, am Apero. Find ich jetzt au ned uuuumbedingt notwendig. Für am Obig natürlich scho, aber bin Apero, tüends au normali papiirigi.
Han letschtin ide Landi super papiirigi kauft. Die sind richtig dick gsi, und het sich schier agfühlt wie stoffigi. Für CHF 12.- für 10 Meter. Ich wür die gärn am Apero ha. Die chan ich ihre denn au es paar Täg/Wuche vorher verbi bringe, das wär keis Problem.
Mier gohts eher chli um d'Deko. Sie het gseit, ich chönn alles verbi bringe, und sie machts denn parat. Blueme würd ich glaub grad direkt loh lifere, wenn das goht. Viel bruchts jo ned für am Apero.
|
Fanny87 am 22.11.2013
Re: Bräute 2014
@malinchen: da wär natürli genial wenn du mir würsch en printscreen schicke :D :D :D! danke etz scho vielmol!!
@Pfingstrose: ich han mir grad letschti überleit..ich möcht eigentli nöd sooo viel usgeh fürs kleid..schliesslich hät mers jo nume ein tag ah. aber etz won ich din biitrag gläse han glaubi, das weni DAS traumkleid wür finde wärs mir glaub egal wiä tüür dases isch ;-)! bi gspannt wiä du dich entscheidsch!
|
Pfingstrose am 22.11.2013
Re: Bräute 2014
Malinchen: Mega cools Hotel und passt ja total zu eu mit em Wii… Din GG wird sich sicher au ‎sehr freue. Und de Zmorge findi allgemein immer öpis vom beste. Wen de nöd guet isch findis ‎immer mega doof. Haha! ‎
Fanny87: Haha, ja du seisches… Ich han mir au gseit wiso für es Chleid so viel Geld usgeh. Es ‎isch doch schad. Aber schad isches ja au wenn mer nöd das Chleid hät wo eim am beste staht. ‎Extrem doof hä… ‎
|
|
|
1 .. 257 .. 511 512 513 514 515 .. 756 .. 997
|
Anmelden
