| Bräute 2014 |
|
|
1 .. 291 .. 579 580 581 582 583 .. 790 .. 997
|
Pfingstrose  am 23.01.2014
Re: Bräute 2014
Hoffentlich gits es Schwiizer Final!!! 
|
|
|
Snicki  am 23.01.2014
Re: Bräute 2014
So, jetzt zum eigentliche Thema 
Littlefoot
Danke für de Link, gohne grad go schneugge
LaMarie
WAS? Blau/graui Hoor? Um Himmels Wille! Ui nei! Hesch denn öpis gseit? Super das die ander das no het chönne rette.
Janedoe
Ach du liebi Güeti ... Sorry, hab ich han glich müsse schmunzle. LoL! Ich glaub, es het no nie so gstumme wie jetzt, wer schön sein will, muss leiden! Aber hauptsach isch jo, dass de s’Schlussergebnis überzügt!
Schad wegem Hobbyschwager ...
Tennis
So guet! Mier wird er langsam sogar sympathisch, de Stan. Muess ehrlich zuegäh, isch nie so min Fall gsi, und falls es es schwiizer Final würd gäh, wäri also füre Federer. Aber ich mags am Stan vo Härze gönne. Er isch irgendwie menschlicher worde, äbe sympathischer. Sus luegt er immer so griessgrämig dri 
Chleid
Ich han de Termin hüt buechet füre Chleider-chauf. JUHUUU! Am 28.2 dörf ich mit 3 Fründinne go ussueche. Bin scho bim alüte nervös gsi :tongue: öb ächt das guet usechund? Hihihi
Coiffeur
Bin jo gestern bi ihre gsi. Sie het sich uh gfreut, und hend do scho es paar Ideen mitenand gwechslet. Han würklich es guets Gfühl, dass sie au weiss und verstoht was ich gärn möchti.
|
lil.lian  am 23.01.2014
Re: Bräute 2014
Snicki
Ah kuuhl häsch en Termin abgmacht  Wohi gasch go luege?
Me
Ich han jez äääändli mis Chleid gfunde 
Ich bin ja voll nöd sicher gsi und han den wölle no inen andere Lade gah. Bin den ja im Zoro gsi und han nix gfunde.. Und nachher hani mi no entschiede zum no ines anders Gschäft zgah. Bin den am Samstig no in Berömünster gsi go luege. Han dete echt ganz ganz e tolli Beraterin gha (relativ jung, aber würkli die best vo dene 5 Läde wo ich gsi bin). Han ihre chli gseit, was ich wet und sie isch voll uf mich igange und hät au grad erchennt was sie mier muen bringe und was nöd. Mier händ dene au öbis gfunde wo mer seeehr gfalle hät, han aber immer no mis andere Favorite-Chleid im Chopf gha. Und die zwei Chleider sind uu ähnlich.. Nachdem ich nomol drüber gschlafe han, han ich mich fürs andere Chleid entschiede, dass vo Beromünster isch mer den doch chli z'langwilig gsi.
Und hüt am 1 bini den nomol im Liluca gsi und han definitiv mis Chleid kauft. Es sind no vier Lüt mit mier mitcho  . Mis Mami isch extra nomol cho id Stadt, zwei Kollegine und d'Arbetskollegin hät au umbedingt wölle mitcho. Voll härzig.
Joah und jez bini voll glücklich <3. Es isch das Chleid mit em graue Gürtel wo ich mal verzellt han. Mier müssted den eifach en andere Gürtel dezue finde.. Aber das hät jez no chli Ziit .
|
littlefoot am 23.01.2014
Re: Bräute 2014
cooool lilian das froit m i. isch u es schöns chleid !
|
_janedoe  am 23.01.2014
Re: Bräute 2014
@Snicki
Mier hend amigs selber müesse lache ab de Schmerze Tatsächlich passt de Spruch hie perfekt ;D
Hehe komisch, ich bin scho immer Stan Sympathisantin gsi und mega viel hend immer gfunde, er seg immer so griesgrämig
@lil.lian
Gratuliere zu dem schöne Chleid!! Gits ez au e Foti mit dier dinne? hihi
@me
Ich bin soooo hohl. Hüt hani mier definitiv vorgno, endli die Aperoiladige fertig zbaschtle und zverschicke und voila, ich ha nöd gnueg Charte ikauft.  Ha die alli im 'Hochziitsschrank' iglageret gha und gmeint ich heb meh als gnueg aber nei. Ez verschiebt sich das wider uf morn oder sWeekend... Nerve mi grad ab mier selber... Und zu allem isch GG sooo greizt, er isch chli Kaffeesüchtig und raucht. Jetzt darfer aber beides nöd wegem bleaching und verliidet gaaar nüt... Bin grad froh heder hüt Nachtschicht Ah apropos... Am Mäntig Morge chaner mitem Chef vom Regionalchef go rede wege de Stell, bin scho voll gspannt und nervöööös
|
Pfingstrose am 23.01.2014
Re: Bräute 2014
Lilian: Oh so schön! Gratuliere! Isch ebe scho es super Gfühl wenn mer sis Chleid endlich hät! :) Gits es Foti oder chan mers im Internet aluege?
Schueh: Bin wieder mal bi dem Thema aglangt... Han mal paar usegsuecht wies mir gfalle würded... Garnöd so eifach. Also i de Schwiiz online gits überhaupt nüt i dene Farbe und dem Stil:
http://www.debenhams.com/webapp/wcs/stores/servlet/prod_10701_10001_56308+0750620229_-1?CMP=AFC-POLYVORE&awc=2194_1390486344_4b18422d9c25b474c0ef55ade7ebcc4d
http://www.polyvore.com/roberta_bow_peep_toe_flats/thing?id=39352562
http://www.modcloth.com/shop/shoes-flats/errand-essentials-flat-in-mint?SSAID=595441&utm_medium=affiliate&utm_source=sas&utm_campaign=595441&utm_content=417942&gate=false
http://www.pinterest.com/pin/523191681683024413/
Was meined ihr? Die letschte sind ganz klar mini Favorite find die soooo schön!!! Aber ja sie sind usverkauft. Schöne SCH***... Aber uf de Suechi nach söttige bini jetzt. Falls öpert vo eu sönigi mal gseht...
|
lil.lian am 23.01.2014
Re: Bräute 2014
Ville dank eu allne Joah ich schick eu allne es Föteli :) und bin würkli froh, dass i 100% sicher bin und mich au definitiv entschiede han :) Juhuui 
Pfingstrose
Ja s'Gfühl isch würkli de hammer!!
Mier gfallt vom erste Bild d'Farb sehr guet und vom Schueh her findi de zweiti am schönste. Das uf Pinterest chunt leider nöd..
|
_janedoe am 23.01.2014
Re: Bräute 2014
Pingstrose
Ich han dihei so mintfarbeni Schueh vo 5th Avenue, hend en mini Absatz mit goldige Details. Vo de Farb ischer zimli gnau wie dSchueh ufem 3. Bild. Finde uf google leider gad keis Bild... :/ ha d Schueh glaub nonie agha, vlt würdeds dier ja gah?
|
Snicki am 23.01.2014
Re: Bräute 2014
Ich au Föteli bitte
Bin übrigens grad schnell ide Migi gsi. Ich han jetzt d'Seife, und han noch so Strückli, Stängeli kauft, iwie sött das denn d'Seifi ifärbe
Han imfall ide Migi es paar würklich schöni Silikon-Forme gseh. Härzli hets, oder Blüemli, ooooder Hello Kitty Das sind alligs 6 sparati Förmli.
|
Pfingstrose am 23.01.2014
Re: Bräute 2014
Sorry wegem Pinterest Link han gmeint de chan mer au ufmache. Han es Bild aneghänkt... Danke für's Agebot Janedoe! Chöntisch mal es Foti mache? Am beste gfalled mir die woni jetzt aghänkt han. Die findi so schön!
|
|
|
1 .. 291 .. 579 580 581 582 583 .. 790 .. 997
|
Anmelden
