| Bräute 2014 |
|
|
1 .. 302 .. 601 602 603 604 605 .. 801 .. 997
|
malinchen  am 03.02.2014
Re: Bräute 2014
@LaMariee: Haha, das findi jetz no beruhigend, dass das bi öich ou scho vor cho isch.  I dänke mir chöi üs scho einige, aber mir löh so Sache aube wieder paar Täg la ruhie bevor mirs wieder asprächä... 
I ha nur fang es Föteli vom Umschlag. D Ilagecharte hani no nid schön usdruckt u d Texte si äbä ou no nid überau sicher. Dues mal ahänke, me gseht halt no nid so viel...
@me: Mir hei hüt ou fang d Domain reserviert für üsi Homepage. Hei üs für www.maluda.ch entschiede. Mir wärde im Kollegekreis Malin und Luda gnennt. So si mir uf maluda cho (so wie brangelina haha)...  Hei gfunde das isch churz und gloub scho no so igängig. Wahrschinlech bhalte mir d Homepage drum de ou gad no für ne Reise-Blog während üsnä Flittis und so... Jetz mues die Site de nur no fertig wärde dasi se när cha ufschalte. Dues öich de uf jedä Fall gad sägä wenn sie online isch!
|
|
|
Sue87  am 04.02.2014
Re: Bräute 2014
Pricana
aues guete zum GEBURI i demfall
Malinchen
ja das kenni ou....mi GG und i hei ou so Sache womer ner aube beidi für üs stillschweigend dänke me machts so und wemer de drüber rede merkemer dasmers gar nid glich meine
auso der Umschlag gseht ja scho mau Hammer us!!!! gfalltmer sehr!! und uf öii Homepage bini de ou gspannt
Me
Ha gad chli der "bstelleritis"ha gad uf ebay Bluemestreukörbli bstellt und ize suechi no nach passende möglichscht günschtige so stoffblueme woni ner wett a die Streukörbli mache. Evtl ner ou no gad es Bluemeband fürd Bluememeitli mache für id Haar mitde gliche Stoffblueme wie si am Körbli si. Wenn öper auso no tipps hätti für so schöni Stoffblueme wome die chönti choufe/bstelle de gern melde
guete Start i Tag wünschi!!
|
_janedoe  am 04.02.2014
Re: Bräute 2014
@Pricana
Alles Liebi und Gueti zum Geburi! (und gueti Besserig!)
@malinchen
Cooli Domain… … Bin immerno mega gspanne :D
Hey eui Iladige gsehnd de schön us! Gfallt mer mega guet.
@Sue
Etsy?
@me
Bi eus isch grad chli Stillstand. So chli ‚die Ruhe vor dem Sturm’ :D Mier hend ja immer gseit, dass eus s Zivile Hochziit überhaupt ned wichtig isch und dasmer da null wert druf legged und jetz merk ich immer meh, wies mier doch wichtig wird. Also doch ned eifach nume ‚unterschribe und wieder hei’ Wärded iher am Zivile au en Bluemestruss ha? Gönd iher zum Coiffeur und lönd eu frisiere? (die wos scho hinter sich hend, wie hend ihers gmacht?) Ich bi da total unsicher. Mini TZ hed mich eigentli welle frisiere und schminke aber jez muess sie bis am Mittag schaffe und ez weissi nöd wasi söll… :/
|
littlefoot am 04.02.2014
Re: Bräute 2014
hey mitenand
so cool het au welle deby si am samstig 
pricana: happy birthday to youuuu :) und gueti besserig.
lamariee: hammer chleid, udn du bisch wunderhübsch:)
sue: haha die chrankhet hani au grad...GG het d lampions für 40.- überhaupt nid tür gfunde, hani grad bstellt :) de hani d wimpelchetti und d satinbänder bstellt :) tönt herzig mit de chörbli :)
janedoe: ich hürate eh nur zivil aso .. :) und wenn du s bedürfnis hesch dich z schminke usw..de machs :)
malinchen: d farbe gfaleld mer mega guet vo de iladig ! bi etz nid ganz drus cho weg de diskussione aber ich weiss dass mi GG au scho lang weg de fotografin sett entscheide, er macht eifach nüt. :) aaargh .) de hemmer de halt keine und mönd uf eusi gäscht hoffe dass eine zwei begabt isch. mag mer da nüm zuesätzlichi graui haar aschaffe. ha scho gnueg :)
me: ha chli müeh, wett gern mal entscheide weg de schueh..aber weiss nid wirkli was ich will
|
lil.lian am 04.02.2014
Re: Bräute 2014
LaMariee
Ja ich gratuliere dier au nomol zum Chleid. So schööön häsch gad öbis gfunde :)
Mier chönd 6 Wuche frei neh :) Mier dänked so 5 bis 5 1/2 Wuche weg zgah und das mer den halt no e halbi Wuche diheime Ziit händ, bis mer wiedr müend go schaffe. Jez simer so chli am luege,wie lang dass mer uf em Festland Ziit brüchted, welli Nationalpärk mer möchted gseh und den welli Insle mier in Hawaii sölled aluege und wie lang mer in Hawaii möchted blibe.
Pricana
HAAAPPY BIRTHDAY TOOOO YOOOOU *sing* HAAAAPPY BIIIIRTHDAY… HAPPY BIRTHDAY :) HAAAPPY BIRTHDAY TO YOOOOUUUUU
Gratuliere dier au no ganz herzlich zum Geburtstag!!! Gnüss no din freie Tag!! Hoffe chasch glich no was mache, au wenn nöd so fit bisch..
Mier möchted so Mitti September gah und den bis nöd ganz Endi Oktober :)
Wenn gönd iher?
Malinchen
Hihi ja scho typiiisch Männer :) Händer eu scho chöne entscheide wer mitdörf cho und wer nöd?
Ah kuuuhl gsehd de Umschlag us :) Und eue Domain findi ja voll lässig. De Name hät was…  .
Janedoe
Chan der au nöd witer hälfe :-/
Hamer au scho Gedanke gmacht wie ich das söll mache wegem schminke, frisiere lah, etc.. Weiss es nonig :-/. Das wegem Bluemestruss, han eigendli nie eine wölle bim zivile, wär abr irgendwie glich no schön..
ME
De GG isch gester au no de Chef go fräge öb er jeze wüürkli chan die sechs Wuche frei neh. Und juhuuui er bechunts definitiv!! Bi ihm isch halt glich nie so klar, öb ers den bechunt oder nöd. Mier händ letzt Jahr scho so es gschiss gha und händ den nöd chöne id Ferie. Najaaaaa abr jez klappts. Er hät mer gester gad gschriebe nach em fräge, jez chömer bueche :)
Hät öber vo eu no chli Insider-Tipps zu de Westküste USA, Hawaii, Nationalpärk, wo mer umbedingt muen gsi si und gseh ha, etc? Han scho au die ville Threads im Forum dezue glese, abr vilicht hät öber vo eu glich no en Insider-Tipp .
Zuletzt bearbeitet am 04.02.14 10:02
|
Sue87 am 04.02.2014
Re: Bräute 2014
Janedoe
jaaaaaaaaa aber etsy het e million uswahl hilfeeeeeeeeeeeeeeeeeeee
Ziviles
auso ig ha mir und mire TZ am Vorabig vorem zivile selber es chlis Strüssli bunde us Schnittblueme also Dahlien. Mir us wiise und ihre us orange. isch imfau mega eifach gsi - ha so öpis no nie gmacht gha vorher
D Frisur hani selber gmacht und gschminkt ou.
littlefoot
für was bruchsch d Satinbänder??
|
Sue87 am 04.02.2014
Re: Bräute 2014
schminke / frisiere
nume no e chline Tipp megem Standesamt. machet öich d Frisur nume selber wender wüsset was für eini und die ou scho vorher paarmal heit güebt! i ha mini zöpflifrisur scho u viel gmacht gha selber aber bi ner so nervös gsi dasi vor töibi fasch de spiegel abegrisse hätti wüus mi so gnervt het wüus nid so isch cho wieni ha wöue schminke isch keis problem gsi aber haar würdi vorher paarmal üebe wasder weit
|
littlefoot am 04.02.2014
Re: Bräute 2014
lilian: so guet, chasch di freue ! wett au unbedingt mal d westküste mitem mobile bereise..aber erst wenn die chli mind. 5 isch :)
sue: gäll etsy isch der waaaaaaaaahnsinn :)
ich bruche sie zum mini töpf (weisch no villich, skurar vo ikea) und candybar gläser z dekoriere.
und villicht au d lampions, wil das amale wird chli en sach...wieder weg mine farbe, das findsch fast nid und bis ich da die richtig mischig zämehet...chunt au uh tür, die farbe sind nid günstig. de tuni eventuell nur mit de bänder dekoriere :)
heisst für die wo scho interesse bekundet händ, dass mini super coole LED lampions denn wiss blibe würded und denn nachem hochzit z verchaufe wäred sofern no ganz
Zuletzt bearbeitet am 04.02.14 10:24
|
LaMariee  am 04.02.2014
Re: Bräute 2014
@Pricana: HÄPPY BÖRSDAY too YOUUUUU!![/b]
Aues guete zum Geburtstag i hoffe du bisch ume gsung... gniess di Tag u fyr schön
Ja auso Turte gseh wük mega guet u schön us.. u sisi ou mega fein
[b]@Malinchen: dr Umschlag gseht ja scho mau mega schön us bi de gspannt wiäs inne usgseht...
coole Domain Name chame säch sicher guet merke fröiie mi scho wemr de dörfe ä Blick uf dHomepage wärfe
@Janedoe: has imfau chli ähnlech mitem Zivile... isch mir eigch niä so wichtig gsi... u iz hani eismau zDatum reserviert u ha immer meh zGfüu dasses äbe doch sehr wichtig isch.. gad für üs wo no dr Name wächsle, das isch de ab däm Tag angers..u isch haut scho ä grossi Veränderig..
@littlefoot: oh so lieb, merci viu mau
was hesch de für Ideene wägde Schuäh?
@lil.lian: merci isch ja mega cool 6 Wuche u toll het das iz bi dim GG ou klappet
auso ig würdi vo dä Nationalparks här sicher dr Bryce Canyon.. ha dä mega schön gfunge.. u dr Grand Canyon isch haut sehr idrücklech wäg sire riese grössi...
Me: Froue dir sit so toll merci viiiiu mau für diä liebe Kommentär zu mim Chleid ha mega fröiid
Frisur/Schminken Ziviles:i ha dänkt schminke tuäni mi säuber... u villech lani mr de vo mim Mami la löckli mache mitem Lockestab wägemen Sträussli hani mir no gar nid überleit
|
_janedoe am 04.02.2014
Re: Bräute 2014
@lil.lian
Chan dir leider null Tipps geh... (wett aber dini Frag nid ignoriere hehe)
@me
Danke für eui liebe Inputs. Vlt entscheidi das denn eifach total spontan... 
Juhuuu, ha gad d'Ringbox uf etsy bstellt!! Mini aller erst etsy Bstellig. Bi scho ganz fescht vorfreudig!
Denn hani gad chli en Dämpfer erlebt und merke, das ich zum Teil eifach viiiill z'offe bin und z'guetmüetig. Han a paarne im Forum ja gholfe, es Monogramm zmache... Han au jedem wo gern hed welle mini Homepage zeigt und jetzt hani leider müesse feststelle, das eini vo dene eusi Homepage praktisch komplett kopiert hed... de Ileitigstext, d'Hasegschicht, dAGBs, de Trauspruch, de Dresscode.... Klar, es chönnt mer egal sii... Und ich finds eigentli au absolut ok s'eine oder ander zkopiere aber gad die halb Homepage?! Und dKrönig vo dem ganze... Mini persönliche Wort a min GG richtet sie a ihre GG. 1 zu 1 kopiert. Mann ich bi soooo enttüscht wie mer fremdi Gedanke tued missbruche.
Zuletzt bearbeitet am 04.02.14 10:50
|
|
|
1 .. 302 .. 601 602 603 604 605 .. 801 .. 997
|
Anmelden
