| Bräute 2014 |
|
|
1 .. 318 .. 633 634 635 636 637 .. 817 .. 997
|
Broncos  am 20.02.2014
Re: Bräute 2014
Ouu und scho wieder es 20gi
Littlefoot: Haha, ich glaub bi mine Bastelkünst gseht mer sofort, was ich selber gmacht han und suscht gsehnis den als gaaaanz grosses kompliment, wennd lüt gfinded, dases "professionell" usgseht 
|
|
|
Pfingstrose  am 20.02.2014
Re: Bräute 2014
Guete Morge!!!
Janedoe: Nei ächt jetzt? Chönder kei Ferie zäme mache? Häsch du kei Chance öpis zverschiebe vo dine Ferie wenn dete eh no niemert frei hetti??? Hetich also gad e mega Krise gha. Din Avatar hät mich gad verwirrt. Han gester dänkt gha, ha wieder öpert neus wo mitschriebed! Hihi! Gseht aber sehr schön us und jetzt hani mi wieder dra gwöhnt. 
Broncos: Oh Marathon das wer also garnix für mich. Ich chan kei 5 Minute Jogge. Es isch Katastrophe… Ich bin zwar suscht nöd mega unsprotlich aber das chani eifach nöd. Hihi! Wer ja cool gsi! Es Bruutfitness!
Fotografin: Tja so es Thema, mir münd das zerst zäme no usjasse GG und ich. Ich möchte es First Look Shooting und er wett unbedingt nach em Standesamt. Aber mir werded eusi Fotografin ca. 12 Stund ha inkl. Vorbereitig und bis nach em Turteaschniede und Hochziitstanz. 
|
malinchen am 20.02.2014
Re: Bräute 2014
@littlefoot: wäge dr Fotografin: I weis gad nümme genau, was mir hei abgmacht. Aber sie wird ou scho bim alegä u so drbi si, we mi mi Papi chunnt cho abhole etc. U när am Abä so bis zur Torte oder so. Mir hei 1 semi-professionelli Fotografin und paar Hobbyfotografe unter üsnä Gäst, da wirds vom Abe de sowieso gnue föteli gäh... I finde ou, dass das ja de när nümme so spannend isch, Partyföteli chame ja guet säuber mache.  Oder villecht gschider ou nid all zu viel... haha
Wägem batsle chani mi dr broncos aschliesse (hihi)... I wirde das nid sägä oder so, mache ja ou vieles mit mine Mädels zämä (die si ja so mithilfs-wüetig) und de säge mir eifach, dass es ds OK mitem Brutpaar het gmacht, falls öper fragt. Und süsch isch für mi eifach d houptsach, dases so usgseht wie ig wott. Drum machis am liebstä gad sälber...
Und so d Gastgschänkli wo mir hei gmacht (Konfi) isch ja klar dass mirs sälber gmacht hei...
@me: i bi mängisch sone organisations-horst! Jetz hani die letschtä paar Täg wie blöd a dr homepage umebastlet und när isch mir z mits ir Nacht i Sinn cho, dasi bis hüt abä ja d Ilageblätter fürd Pocketfolds sött ha, dasis morn im Gschäft cha usdrucke! Drbi hani jetz de dr ganz Tag Vorläsige und aschliessend no Match, wirde sicher nid vor 11i dehei si... *grml*  Bi so doooooooof mängisch! Am Mäntig chömä mini Mädels und mis Mami cho häufe bastle und de müessä die fertig si, süsch muesi am Weekend no is Büro fahre.  I gloub ig weis mit was dasi ide nöchste Vorläsige wirde beschäftigt si.
|
lil.lian  am 20.02.2014
Re: Bräute 2014
Danke eu au no für d‘Rückmeldige wegem wege eusne Flitterwuche und Wünsch fürs Hochziit.. :)
Hami abr nonig entschiede 
Broncos
Joah über d‘Koordination hani mier au scho Gedanke gmacht.. Abr ich dänke, es wär nöd allzu schwierig, will all eigendli chli i de Nächi wohned..
Pfingstrose
Ja s’Agebot dönt no lässig.. Vorallem wenn nöd gad es Jahresabo wetsch abschlüsse.. Abr han sälber scho es Abo .
Saisleu
Aso mier gfalld die Kombi uf em zweite Bild mit türkis / violett mega guet!! Und au die zwei Dräht findi passed sehr guet zämä.
Abr ich verstahn di au mit em rosa.. Ich wet uuumbedingt rosa ha a minere Hochziit.. Oder machsch zersch ide Chile rosa und am Abig den d'Kombi türkis/ violett?
Janedoe
Ah schön häsch dis Bildli gändered . Mega herzige Bluemestruss!!
Mier händ d'Fotografin sicher vom 10.30 bis am 22.30. Am Abig chamer aber no vorstelle, dass sie au no e Stund später blibt..
Mier hürated ja bereits am 11.00 und den staht sie dänn dete bi de Chile. Mier gönd ja den nachher Richtig Luzern und fiired ime Hotel. Mier möched den unterwegs mit ihre no Föteli am See mache.. Und den dete im Hotelzimmer möchti den no es paar Vorbereitigsföteli mache.. Und ich möcht den eh au no d’Frisur wächsle (mini Coiffeuse isch ebe au debi) und vo dem her passds guet, zum no es paar Fotene mache vo de „Vorbereitig“.
Zuletzt bearbeitet am 20.02.14 09:12
|
_janedoe  am 20.02.2014
Re: Bräute 2014
littlefoot
Mier wend ja einiges selber baschtle aber ich erwähn das glaub ned wirkli... Ich glaube d'Lüüt fraged denn scho nah.. und bi eus wüssed eh en Huufe, das mier vieles selber wend mache...
Broncos
Dankeee :)
Gell, mier gfalled ebe d Föteli mit em Chleid am Bügel, de Schueh schön anegstellt, Bilder vom Schminke und so meeega guet und die bringed mier definitiv ned so professionell ane wie en glernti... Aber am Abig Bilder mache vonere Party find ich ez ned sooo schwer :D
Verstah jetzt grad no nöd, wieso dass sies ned so ne gueti Idee findet, aber das stellt sich ja denn no use
Oh freue mi uf d Exel Tabelle :)
Pfingstrose
Jez verwechslid eus die liebe Mitbrüüt sicher nümme wege de Bilder ;)
Haha ich ha ned welle mini Panik da ineschribe aber eigentli gahtsmer genau so. Innerlich schiebi Krise. Ich chan evtl scho no chli was schiebe aber es muess ja denn au no passe... Und das bi ihm und mier dLöcher genau am gliche Ort sind wos würd gah glaubi ebe ned wirkli, bzw ich mach mier ned allzu grossi Hoffnige.... Cha mi ja denn immerno freue wenns de glich andersch chunnt.
lil.lian
Danke. Han au uh freud am Struss gha, das hends echt schön gmacht, au mit dem Spitzeband. Das hani ned mal bstellt
Ah voll cool chönders so vereine :)
Fotografin
Um weli Ziit hend iher denn de Hochziitstanz und s'Torteaschniide? Bzw für wieviel Stunde bueched iher d Fotografin? Im Resti bi de Grobplanig sind mier druf cho, dasmer de letscht ganz so am 10ni hend... dTorte werdemer erst so um Mitternacht aschniide denki und de Hochziitstanz irgendwenn dezwüsche. Eus würds finanziell kille, wennmer sie so lang müessted bueche... Dörfi frage was iher so zahled für dFotografe? (Gern au per PN)
|
lil.lian am 20.02.2014
Re: Bräute 2014
Uiii han vorher au nöd würkli aktualisiert..
Malinchen
Ouu nei voll doof wege de Iladig :-/ Hoffe es klapped den doch no zum usdrucke..
Janedoe
Mier händ planed Desserbuffet und Turte um die 10ni und den nach em Dessertbuffed den de Hochziitstanz..
Mier möchted au no es paar Tanzbilder und den chan d'Fotografin den gah .
Ich han scho ghört, dass es nöd so optimal isch Turte am 12i serviere zlah.. Will wenn vorher scho chli Party häsch, gids e Unterbrechig wege de Turte und den chunt Party nüm so uf.. Drum hämer eus entschiede Turte mit em Desserbuffed serviere zlah..
|
_janedoe am 20.02.2014
Re: Bräute 2014
lil.lian
Ahhh kein dumme Gedanke... Stimmt eigentli. Und mier chönnted sie ja guet is Candybuffet integriere :)
|
Broncos am 20.02.2014
Re: Bräute 2014
Pingstrose: Haha, ich han mal gseh, dases so Brut-Bootcamps git, das wär ja lustig... Es Forum-Brut-Bootcamp
Malinchen: Ou du armi... Ich chan suscht hüt Abig für dich go spiele, den hesch chli meh zit :tounge... Eifach guet ufpasse, dass der jetzt im Stress ned no en blöde Schribfehler passiert und den muesch nachher doch alles nomal mache
lil.lian: ich finds immer no super, dass du d Frisur wächslisch, das würi au grad mache, aber han leider ned grad so e Coiffeur ume
Janedoe: Bi üs isch d Hochzytsturte s Dessert. Und drum schnided mir si au den nach em Hauptgang a. Han ebe vo es paar Lüt ghört, wo den uu viil vode Turte hend müesse wegrüere, will d Lüt gar nüm hend möge esse, wills vorher scho Dessert gesse hend, das fändi den uu schad.
|
lil.lian am 20.02.2014
Re: Bräute 2014
janedoe
Ich bin immer voll verwiirt wenni dis Bild aluege Mein immer es seg öber anderscht.. hihi
Joah mit em Candybuffet chasch natürli au guet integriere..
Und wenns mit em Dessert duesch serviere, cha mer sich halt au entscheide, entweder eifach Dessert oder doch eifach es Stuck Turte..
Broncos
Ja genau  Und den chani mi für zwei Frisure entscheide
Zuletzt bearbeitet am 20.02.14 09:55
|
Broncos am 20.02.2014
Re: Bräute 2014
Sue, Janedoe, Sasi
Ich chan leider kei Word als PN schicke, chönd ihr mir schnell üchi Mailadresse per PN schicke? Denn schicki üch d Liste...
|
|
|
1 .. 318 .. 633 634 635 636 637 .. 817 .. 997
|
Anmelden
