| Bräute 2014 |
|
|
1 .. 321 .. 639 640 641 642 643 .. 820 .. 997
|
sunds  am 21.02.2014
Re: Bräute 2014
Also ich fang mol am Afang a 
Ich (24) bi ursprünglich us BL bi aber wäge mim GG (28) ins AG züglet. Kenneglernt hämmer uns vor ca 10 Johr und zämme simmer sit 5 Johr. Dr Atrag hani am 7.12.2013 becho und sit denne simmer eigentlich am plane. D ziliv Trauuig isch am 9.10.14 und die kirchlichi am 11.10.14.
Was scho erledigt isch:
- Termin ufem STA isch reserviert
- Apéro nach STA isch organisiert
- Kleid isch kauft
- Kirche reserviert
- Apero für nach dr Kirche isch organisiert
- Festlokation isch buecht
- Car isch buecht
Als nägschts sind jetzt d Iladige dra wo mer aber no müend bastle.
|
|
|
malinchen  am 21.02.2014
Re: Bräute 2014
@marlene: Härzlech willkomme und Gratulation zur Schwangerschaft!  Das bechömet dir sicher härä! So wies tönt machet dir eher es familiärs und lockers Fest, da findet dir sicher no Abieter... Wägem Chleid, i gloub ou da gits vieli Variante! I bi zwar nid Schwanger aber ha trotzdäm eher es schlichts Chleid gsuecht, oft hei sie mi när gfragt obi de Schwanger sig, wöu sich die Schnitte bsunders guet eignä, da sie bim Buuch locker gschnitte si. De spiuts o ke Roue ob di Buch de paar cm meh oder weniger Umfang het bis denn... d Längi chöi sie ja de guet ersch ei Wuche vorhär apasse dases unge schön fallt.
@sunds: ou dir härzlech Willkomme! Bi natürlech ou gwunderig...
@broncos: Das wird sicher es waaaaaaahnsinns Gfüehl si!!!  I bewundere alli wo so öpis mache! I chönnt das nie, bi leider überhoupt nid dr Läufer-Typ, i wirde immer agressiv bim Jogge, haha...
|
Pfingstrose am 21.02.2014
Re: Bräute 2014
Malinchen: Fully AGREE! Ich wird au agressiv bim Jogge! Isch eifach überhaupt nix für mich!
sunds: Welli Lokation händ ihr? Eini im AG? Mir hürated in Meisterschwande i de Seerose. Und wohned au im AG. Welli Chile und ZSA hend ihr?
|
sunds am 21.02.2014
Re: Bräute 2014
@Pfingstrose
Mir wärde uns in dr Kirche Frick trauue loh und denn im Schloss Böttstein fiire.
D Ziviltrauuig wird in Wohlen im Strohmuseum si.
|
Pfingstrose am 21.02.2014
Re: Bräute 2014
Sunds: Ganz e schöns Zivilstandesamt! Und au s Schloss und d Chille natürlich!!!  Was händ ihr für es Budget?
|
sunds am 21.02.2014
Re: Bräute 2014
@Pfingstrose
Wägem Budget weissi ehrtlich gseit nid. Mir händ uns eifach überlegt was mer wänd und luege und vergliche jetzt mol d Priise vo de Abieter. Mir zahle für d Kirche nüt do mi GG dörte ufgwachse isch. Mini Eltere übernähme s Ässe im Restaurant.
|
malinchen am 21.02.2014
Re: Bräute 2014
@Pfingstrose: yay, ändlech öper wos ou so geit!!! Aui luege mi immer komisch a weni das verzelle... Närvt mi scho die ganz Zyt dass Jogge jetz wieder voll Trendsportart isch und ig agluegt wirde als würdi jedä Tag im McDo ässe nur wöui nid Jogge... 
@sunds: ah cool, das tönt ja super bi öich! Und hesch scho Ideeä für Deko u so? Und wie bastlet ihr d Iladige?
|
sunds am 21.02.2014
Re: Bräute 2014
@malinchen
Was mer genau für Deko mache weissi noni aber si wird uf jede Fall wiss/grüen si. Für d Iladige wärdemer Embossingstämpel bruche, isch aber no schwierig z erkläre wie si nochär sötte usgseh 
|
Pfingstrose am 21.02.2014
Re: Bräute 2014
Malinchen: Haha!!! S doofe isch ebe ich dänke immer gseht ächt guet us wenn öpert anderst Jogged und den chafi mir amigs wieder mal neus Sportzeugs und dänke jetzt gahni au go Jogge. Nur nach zwei Minute dänki - ISCH E VERD*** SCHISS IDEE GSI. Ich bin kein Jogger... Ich lache immer Kollegin us und säge sie het sicher es Rüäbli, wie de Bugs Bunny, vor em Töggel das sie das überhaupt macht. Es isch eifach so langwilig!
Sunds: Ah den sind ja scho zwei betrachtlichi Budgetpöste wo wegfalled.  Was hesch für es Chleid?
|
sunds am 21.02.2014
Re: Bräute 2014
@Pfingstrose
Mis Kleid isch trägerlos und e Art Meerjungfraukleid aber nid ganz so extrem, nach de Hüfte wirds wider breiter und drüber hets no 2 Schichte Tüll damits nid so ganz fest nach Meerjungfrau usgseht. (Sorry isch chli schwierig zum beschriebe )
Zuletzt bearbeitet am 21.02.14 11:57
|
|
|
1 .. 321 .. 639 640 641 642 643 .. 820 .. 997
|
Anmelden
