@nala
Eusi Lischte isch au uuuunendlich lang will mier mega Musik und Konzertjunkies sind.... Aber ja, so langsam müemmer eus entscheide :D
Min GG isch ebe mega Fan vo Silbermond und ich bi eigentli diejenig gsi wo d Musik gar ned hed möge.. De heder mich eifach mal anes Konzert gschleppt und das isch hammermässig gsi :)
Wieso muesch zum Arzt?

@Broncos
Luschtig, mier hetted au Applaus Applaus uf de Lischte gah aber ez ersetzt dure Philipp Poisel.

Mit eusem Uszugslied bin ich ehrlichgseit nümm so happy. Damals wo das Lied usecho isch hani zum GG gseit dass das mal sUszuglied a de Hochziit wird falls mier hürated. Will GG kennt de Campino flüchtig, de Bezug zu Düsseldorf isch wider da und de Refrain isch halt super aber findes inzwüsche irgendwie abglutscht. es isch so uf und abgspielt worde dasis nümm mag lose :/

• Zitieren

@jogge: haha, ja stimmt lillian... Laufband chani ou nid verstah, de würdi de no eher ga jogge. V.a findi amigs luschtig die Mädels wo det ufm Laufband so chli spaziere, nid mal is Schwize chöme (wahrschindli dass d Schminki nid verlauft) und sich när so mega sportlich gäbä.

@Nala: Wägem Konto gsehnis glich wie d Lillian, i möcht ds Gäld wenn müglech ou nid bar becho (müessä ja när eh alles ga izahle...). Üsi TZ hei für üs es Gschänk-Konto eröffnet wo mir uf dr HP und uf dr Iladig hei agäh. Die wo wei chöi ou Izahligsschiine bstelle bide TZ... I findes äbä ou nid so cool wemä es Hushaltskonot oder so agit, wöu die meiste ds Gäld ja vorem HZ überwiise gsehsch ja när scho wär wie viel schänkt. Isch ja när ou nid luschtig wenns kei Überraschig meh isch.

@jane: Mir hei d Lieder für Trauig ou scho ziemlech binenand:
Izug GG: Jet - Are you gonna be my girl
Izug ig: the pointer sisters - so excitet
Nachem Gottesdienst: the pogues - love u till the end
Nachem Ja-Wort: cristal fighters - you & i
Uszug: The lumineers - ho hey

Ja da hesch rächt wägem Tage wie dieser, mir geits chli so mitem ho hey... Mir so ou mega Musigfreaks und GG entdeckt nöii Trends immer mega schnäll. När ischs immer so schad wes när so kommerz wird... Aber mir hei när gseit mir nämes glich wöu für üs bedütets öpis und de isch ja egal wenn das 100'000 anderi ou scho a ihrem HZ gha hei.

• Zitieren

Songs
Mier händ eus überhaupt nonig entschiede..
Abr lose all mal eui Lieder ah .

Broncos
Ja das mit em Intevall stimmt scho. Aber ich han s'Gfühl uf em LB magi vill weniger renne wie verusse..

Konto
Joah das gsehni ebe au so wie d'Malinchen. Wenns den uf es normals Privatkonto vo eus izahled, wod immer bruchsch, findi chli blöd :-/.
Ich dänk am beste dömer eifach es neus Privatkonto mit eusne Näme mache und den nach de Hochziit s'Geld uf eusi beide Kontene izahle und den wieder uflöse. Susch zahlemer nur unnötig Kontogebühre..

Zuletzt bearbeitet am 21.02.14 14:01

• Zitieren

@lillian: Ja mir maches när ou so. Resp. üsä TZ löst ds Konto när uf und duets bim saldiere de gad uf üses Sparkonto lah überträge. De isch gad alles zämä...

@sunds: Mir hei d Lieder no nid mitem Pfarrer besproche, das mache mir de we mir ihn Träffe, so im April isch das mal planet (also 2 Mönet vorhär ca.)...

• Zitieren