littlefoot: Das tönt doch au guet, und wemer z zweite chan ga isch doch d Motivation au grad grösser

Teaboyana: Jaaa mit tops denn müemer aber langsam gas gä, ned das den scho z viel Hochzyte düre sind

• Zitieren

Hey Mädels, iher hend ja grad chli Gas geh!

@Taeboyana
Tönt wirkli extrem intensiv das April Weekend aber cooool :)

@Pfingstrose
S’Konzert isch suuuper gsi, muess aber sägä, dases bi wiitem nöd es Konzert gsi isch, woni muess sägä, das vergissi niemeh. Aber trotzdem, er heds am Schluss de doch no recht usegrisse und s isch e richtig coole Abig gsi.
Ich bi sicher scho a 50 Konzert gsi. Ich liebes :)
Haha merci fürs nervös mache mitem Countdown. 60 Täg? OMG

@malinchen
Wirkli e doofi Sach wegem Mami vom GG. Weiss gar ned was rate will in erster (und einziger Linie) muesses für eu stimme.

@littlefoot
Konzertbricht hani obe bi de Pfingstrose gschribe ;) d’Chischtli tueni nächst Wuche gern mal fotigrafiere, fallsis vergisse, eifach wider nahfrage!
Tönt chli komisch mit dem ganze ZSA Züüg aber es isch halt typisch Bürokratie…

@nala
Oh neii, schad wege Afrika! Aber Seychelle sind ja sicher au de Hammer. Done doofi, dass sie eifach z Budget überschriitet.. Und de no um insgesamt 2000.-… ich mein so 3-400 wär ja no normal.
Hey nei das isch ja echt ned normal. De Dresscode laht ez aso echt extrem viel Freiheite. Verstahni aso au ned, wieso dasmer da muess umeschissere. Mier erlebed momentan voll s Gegeteil. Mier schriibed und verzelled d’Lüüt ständig, dass sie grad es mega tolls Chleid gfunde hend für d Hochziit und dass sie sich uh freued. Ein Kolleg vom GG hed au gfunde, er chäm denn sicher nöd useputzt und denn hed GG gseit, mier hebed ja de Dresscode und die ‚aständige‘ (haha) Gäst halted sich drah und wenn er sich denn unbedingt underdressed will vorcho. Nur zu. Findes so denäbe wie sich einigi Gäst respektlos verhalted! TUed mer uh leid für di!

@Me
Sorry dasi jez die letschte Siite überspringe. Bin grad chli überforderet :D Ich han defür nume gueti Nachrichte (hihi Pfingstrose, guet so?)
Aso zerscht nomal zu dere stylehäppchen Hochziit. Mini TZ isch die geilscht. Ich ha ihre doch gseit, sie söllmer de Kontakt zu dere Bruut herstelle. Am Abig schickt sie mier dere ihre vollständig Name, ihri Homepage, FB und Nummere :D Aso sone Hochziit isch für eus absolut nöd machbar. Die hend es Budget vo 80‘000.- gha (HAHA!!)

Hüt hani de Termin zum Probefrisiere gha. Mini Schwöschter hed bi mier gschlafe wills Konzert gester bis am 11i gange isch und denn hemmer hüt morge grad zeme uf Schwyz chönne fahre (sie wohnt dett). De hed sie spontan gfunde, sie chönn doch mitcho zum Coiffeur und mich chli beurteile. Ich hänk eu grad mal es Bild a. Mier hend zwei Variante usprobiert – offe und halbhochgsteckt. Mier gfallt die offnig Variante besser. Ufem Bild isch alles nume halbfertig. Bi de Hochziitsfrisur würd sie denn dHaar unne nomal richtig schön locke.. Aber irgendwie hed die hochgsteckt ebe au sin Reiz. Ach ich weiss nid. D’Coiffeusin hed de grad mini Schwöschter au no Probefrisiert und au sie weiss etz scho, was es bi ihre wird geh.
Am Hochziitstag selber muessi 3 () Stunde bim Coiffeur rechne, will d’Locke i mine Haar eifach nöd hebed und sies mehrmals muess durelocke, aso zerscht nass und unter dTrockehuube und denn nomal trocke.
Denn hemmer no es Probemakeup gmacht. Schrecklich :D Us Spass hemmer mier d Lippe knallrot agmalet. Ich träge wirkli nie Lippestift und mini Schwöschter heds denn voll schön gfunde und drum bini de ganz Tag so umegloffe. Aso ich will uf gar kein Fall roti Lippe, ha mi glaub no nie so unwohl gfühlt

Aso ich wär jetzt sehr dankbar um Meinige! :)

Zuletzt bearbeitet am 18.03.14 16:53

• Zitieren

janedoe: haha s letscht foti so cool :)
mir gfallt grundsätzlich offe scho. aber pfingstrose hets guet gseit: dzöpfli müssted si wie bi de hochgsteckti. du häsch schöni haar findi. ah locke hebed nid so ? denn würd sich aber die hochgsteckti villicht besser eigne, wil me nid die ganze haar müsst locke. oder ?
je nach dem wie lang dass d locke hebed, aso wenn eh weisch dass sie nach 3 std nüm lockig sind...würdis uestecke.
haha und ich ha locke (schick der gad en pn) und machs grad...
aber angeblich chame d locke glich no mache mit de keratin. hoffentlich
ich han ja au 3 stund für haar und makeup, omg.

80'000.- ? was hend denn die so wunderbars gha wo mir nid chented ha ? location und so ?

Zuletzt bearbeitet am 18.03.14 17:14

• Zitieren

Heeeey dir Liebe!

Ufffff ha ir letschti meeega viel los gha und
Ha ize gad etlichi Siite nume chönne überflüge...sorry auso für aues
Woni verpasst ha...:-/

Janedoe
Mir gfalle Zöpfli vom 1. Foti mega aber
Würdi d Haar ner unde so chli zämestecke!
Hesch mega schöni Haar...

Nala und Malinchen
Tuetmer leid was dir unmüglichs erlebt heit
A Reaktione.... Machtmi aube gad hässig weni so öpis
Lise.... Da muessme eifach fescht ade guete Reaktione fescht häbe..!?
Drücke euch!!

Me
Bi üs isch im Moment gad aktuell d Tischdeko
gneuer z entscheide und am SA heimer Hochzitsvorbereitigs-Sitzig!
Ner heimer mau Offerte agfordertet für Blueme ide Kirche aber no nüt ghört bis
ize. Ner hani ganz viu Bridesmaid Dresses online bstellt wo mini Ladies am Samschtig
de gad chöi aprobiere:)

• Zitieren