@lil.lian: han jetz grad gmerkt das mir no genau 70 täg bis zum standesamt und 73 täg bis zur "richtige" hochzyt händ...uiuiui wird grad nervös...

@sue: mega herzigi deko. händ ihr demfall limoncello-fläschli als gastgschänk? cooli idee!

@me: mir händ chlini böxli für d gäst. wüssed aber nonig was dritue. hät öper e idee? d mandle findi grundsätzlich mega herzig wills halt au e bestimmti botschaft vermittled, aber die händ ja fascht alli darum hetti gern no e anderi option. bin aso offe wür idee

• Zitieren

Weddingbee
Ja genau, i mache Limoncello bzw Zitronesirup
fürd Froue und mi GG macht Bier fürd Herre und für d Froue
wo Bier-Fan si unter üsne Gescht

Hmmm was mir no so würd i Sinn cho als Ersatz
fürd Mandle wäri M&M (evtl mitem Name), oder es git
so Bonbons wome cha la bedrucke oder ou Bonbons in Herzform, Chliini
Guetzli chönnt ou öpis si oder Seedballs(das hätti mau fasch wöue weni nid scho alli
Fläschli kouft hätt füre Limoncello) oder e Badezusatz/Badebombe emu fürd Froue...

Accessoires
Hätt mir öper e Tipp was zu mim Kleid würdi passe?
Kennt öper e gueti Site für Vintage-Schmuck?

• Zitieren

@sue: was häsch dänn überhaupt für es chleid? redsch du vom standesamt oder brutchleid? mir persönlich gfalled fascinators, und die netzlischleier und halt all das bluemezüügs mit spitze für d haar...me chan aber au uh vill usehole mitem makeup. det gfallt mir am beschte (je nachdem was für en typ mer isch), d auge ganz natürlich schminke und knallrote lippestift. grossartig.

• Zitieren

Hey mädels!

Haha, dir heit mega Gas gäh gester!

@Sport: I ha so es mittlers Sport-Programm: Gange mind. 2 mau is Fitness, 2-3 mau spieli Volleyball und am Weekend hani jetz düre Winter aubes no einisch Match gha. Die Zyt chani jetz mit süsch öpis fülle, wahrschinlech gani gli wieder ga Bike mit mire Beste. Yoga machi ou ab und zue, aber das zeui zu Relaxe u nid zu Sport. Duet aube scho mega guet, aber meh so zum chli abe cho... Finge sportlech bringts nid so viu, o wes scho nid unasträngend isch... Gruppefitness isch nid sooo mis ding, wöui eh scho 3 fixi Trainings ha bini froh weni ds andere chli flexibu cha plane...

I wär aber sooooofort drbi bimnä Trainings-Brut-Träff! Das wär ja Hammer, machsch es Doodle Taeboyana?

@sue: D Deko isch würkli mega härzig!!! Gfallt mir sehr guet...
Wägem Vintage-Schmuck würdi äuä eifach uf Etsy luege. Süsch wüssti gad nüt.

@jane: Mir gfallt d Frisur mitem Zöpfli sitlech ou fasch am bestä...

@nala: ja äbä, es chunnt eifach druf a wo me d Prioritäte setzt... Dr Brunch mit mine Mädels isch super gsi. Sit langem isch mal wieder eifach entspannti stimmig gsi, hei mega viu glachet und nur ganz churz übers Hochzyt gredet. Isch när würklech super gsi...

@me: I sött gad soooo viu Sache choufe, aber irgendwie röits mi Gäld uszgäh für öpis anders als z hochzyt.

• Zitieren