novia_mayo: I dänkä mir würdä scho vor allem d Deko so gstaltä... I chönnt mir zwar guet vorstellä vllt ou bim Apéro z.B. griechischi Spezialitätä z servierä oder griechischä Wy . Aber i möcht scho das mi GG im Azug chunnt u nid irä Toga...

• Zitieren

nicht registriert

retour zu de Chindä:
Bii mir isch es ebe so, dass am Papa sini 3 Gschwüsterti viil jünger sind und dementsprechend au mini Cousin/-e um einiges jünger als ich sind (zwisched 0-6). Mir hend ned gross Kontakt mit ihnä. Doch Tante und Unkle wott ich gliich iilade, will mir hend jo kaii schlechts Verhältnis, sondern eifach ned so intensiv. Aber ii kenn nöd mol alli Näme vo dä 6 Kind... Und ii find dii meiiste gad no gär jung für es Hochziit... Einzigs miin zuäkünfige Schwoger und sini Frau hend au eiis Chind (denn 3 jöhrig), aber ii denk genau sii werdets am meiiste verstoh, will’s es au so gmacht hend ;) I nimm au aah, dass de Obig ohni Sohn meh gnüssä chönt, will’s ned immer luägä müänd, dass ihm guät got und er schloofä chan und esse tuät, etc. Drum hend mir uns da so überlaiit. I hoff eiifach, bii miiner Verwandschaft chunt das aah... I ha au denkt, dass am Tag in dä Kirche und am Apéro willkomme sind, aber nimm ned aah, dass sii’s mitnehment, will sii jo kaii Ziit hend zum Kind denn zumene Babysitter z’bringä (sii wohnet ned soo nöch).
Eigentli wird ii jo Primarlehrerin und ha gern Chind umenand, ii glob drum denk ii so fest drüber no...

laprincipesa:
Mir hend so äs Hochziit an de SG-Hochziitsmess entdeckt und findets Agebot genial. Wii, Softdrinks und Bier sind unlimitiert im Priis inbegriffe und das findet mir so genial! Denn werdet mir siicher ned wege Trinkpriise überrascht. Aber weg dem bin ii no lang keiin Profi. Mir hend denkt, mir gönds am Samstig innere Wuche mol go aluägä. Anschiinend het s’Hochziit, wo miis Mama Trauzüging gsii isch, am gliiche Ort stattgfunde und sii chas uns nur empfehle =D

nisliker:
I find d’Farbwahl vo diiner Deko genial. I will au unbedingt öpis wo in Richtig pink got uf miim Tiisch. Miin GG het sich scho demit abgfundä, dass er pink-freak hürote wird :-P
Uf dä Foti, gseht aber d’Farb eher rot us. Tüscht da so stark?

Novia-mayo:
Woooow!!! Ä Traumkapelle!! Wo stot diä??

Sue87:
Willkomme im schönä Forum! Es veränderet diis Lebe total!

about me:
Ha hüt miin Muät zämä gnoh und probiert unserer „Traumkirche“ z’alüte. Leiider isch dä Pfarrer in dä Ski-Ferii und nimmt erst am Mäntig Telefons entgege. Völlig um sus scho ufgregt gsii.... Wiiter hend mir uns fest vorgnoh, unseri Traumlocation übernächst Wuchenend go aluägä und hoffet, dass mir sii mol provisorisch reserviere chönt. Und ii hoff, dass ii eu morn paar kuuli Fotis vo miim Klaiid gha schicke. Bii scho ganz ufgregt


So guute Nacht ihr lieben Mädels

• Zitieren

@Sue: Das gloubeni dr sofort, aber genau das machts ebe de gfährlich... u i befürchte es wird nit beser, je nächer zHochzyt chunnt.
Aber isch super, gits nomau e Berner Brut!
Wie wäris mit am ne Vereinshuus? Schütze, Hornusser? Oder es Waldhuus? Oder irgend es Gmeindshuus, oder so?

@malinchen: Läse beidi ou viu. Kenne ds Buech aber nit, tönt aber wunderschön u passt sicher zum Hochzyt!

@fishy: Stand drzue! Isch ou mau schön ohni Kind zfiire. Mir beidi liebe Kind ou, fiire aber ohni. dReaktione si gmischt, aber es isch ja üses Hochzyt, u somit ou üseri Entscheidig.
Inwiefern veränderet zForum Dis Läbe?

• Zitieren

malinchen: azug findi guet, das wär denn chli too much wenn din GG so würd erschiine ;)

fishy: die chile staht oberhalb vo de stadt zug. finds würkli super schön det obe, nur grüeni wisse und chriesi bäum rund ume

• Zitieren

@sue: ah de isches natürlich nüt ha i mire "Linksammlig" nomau gluegt, vilich isch jo öpis drbi: http://www.ischhof.ch/index.php?site=1, http://www.bowil.ch/web/freizeit/blockha...hli/default.htm oder in Burgdorf gits doch oh no das Siechehuus, wo me cha miete, oder nid? Ah odr d Sagi in Oberwil, das isch ganz e spezielli location, aber d Mieti sich eifach

• Zitieren

@squishy-fishy so gats mer au. i mim umfeld seged immer all no es gat ja no 11 mönet.... aber mer mues gwüssi sache hald früeh buche und bespreche. bi au froh das ich da guet drüber rede cha

• Zitieren