@weddingbee: oh i finde das het Taeboyana jetz mega schön gseit... I weis nid obi no mal ds gliche Chleid würd alegä hüt wie denn. U i ha o scho dänkt woni die Fotos ha agluegt: "omg i bi denn sones Mütschli gsi! " Aber i lueges glich gärn a u i ha imfall sogar jedä Morge es Lache ufm Gsicht weni mitem Velo bim Standesamt näbä düre fahre - u das isch ds Bern im Normalfall ke schöne Ablick - i dänke es wird mir mit de Föteli genau glich gah... Geits dir de oft so we du Föteli vo dir vo früener aluegsch dass när nid zfriede bisch? Villecht dänksch das ja bim klassische Chleid när ou?

@Taeboyana: Ah de chasch du ja ar Jane gad ä Testbricht us erster Hand gäh... Also i bi sowieso dr Meinig dass me ou mit sehr eifache Kameras gueti Fotos cha mache wemä sich chli öpis überleit drbi und nid eifach ir Gägend umeknipst (auso i wott jetz da ou niemer beleidige oder so!!!) Oder resp. dasme äbä mängisch mitere eifache Kamera besseri Fotos macht aus miterä super tolle (tüüre) SLR wome drfür nid cha bediene u glich numä im Auto-Modus fotografiert...

• Zitieren

@weddingbee: mir isch Chleidig ou extrem wichtig und was ig a Chleider im Schrank ha (und glich immer no neui choufe), isch o nid unbedingt so normau aber i dänke me darf sech glich nid zfescht i öpis inesteigere und dr Fokus nume uf ds Chleid lege. I wett würklech a däm Tag eifach chönne es Strahle uf mim Gsicht ha und finde, das isch mindestens so wichtig.
Vielech hesch inzwüsche eifach o zviu Uswau mit dene 6 Chleidli? I meine i ha o mind. 3-4 im Schrank wo jedes würd schön usgseh... uf jede Fau würdi a dire Steu nid itz no es witers choufe, i gloub nid dass das dini Entscheidig würd eifacher mache . Weles würd de dim GG am beste gfaue?

• Zitieren

@jane: hihi, ja so wei du das schribsch würdi defintiv zure Systemkamera griiffe... Gang di am bestä mal ga lah berate. De chasch nämlech ou gad schnäll chli usprobiere und luege wie de tschlag chunnsch... Und genau wie du seisch chasch när wedä di fürne Kamera hesch entschiede no es Objektiv drzue choufe. Da hesch sicher när meh drvo ou für im Alltag, bringts ja ou nid jetz ä Kamera choufe fürd Flittis wode när nie meh chasch bruche...

@me: so, i gange jetz zu derä Floristin... Bi ja mal gspannt ob die mir cha hälfe. Häbet alli es schöns weekend!

• Zitieren

@all: ihr händ all sooooo rächt. nei ich chauf keis meh, versproche und taeboyana hät würkli s richtige gseit, s gaht ums glücklich sii. und d mode änderet halt. mein, mini tante hät im 90gi ghürate mit riiiiiese puffärmel, händsche und sooooooo vill glitzer und stickereie das mer vom morge eweg hät müesse e sonnebrülle alegge wills so bländet hät (übertriebig ahoi)

@jane: würkli arme weddingbee-GG. aber er hät mich jetz 7 jahr ertreit und au no entschiede no ganz vill wiiteri jahr mit mir zverbringe. glaub er isch abghertet ich hett ja gern en handtäschli-lift er seit er chauft mer eine wänn er euromillionär wird.

• Zitieren