nicht registriert

Schon wiider ich

Taeboyana: Nonig gschriibe? Das isch ja unglaublich wiiä siich diiä amigs Ziit lönd… Ich cha da amigs nöd verstoh, dass meh ned sofort zruggschribt. --> BRAUTZILLA!!
Ja wär würkli schad um dä DJ… Ich finds sehr sympathisch vo iihm zum sägä, dass siich d'Köste denn nöd lönd. Anderi hettet denn gsaiit, ok ii chume gliich. Giit ja Geld.
Ich hoffe sehr für diich, dass alles guät chunt!
Ich fiinde vom Text her, dä läscht meega suuper passend! Und vo dä Gstaltig find iich s'erste am pepigste

Malinchen: Du gumpisch dem nöd an Guurgle?! Ich het so en Hals uf dä Typ und würd en zerrisse, wenn dä mir über dä Weg lauft. Untersti Schublade isch ja das! Ich hoffe sehr, dass Dozentin gseht, dass er da machä muän und ned du!!
Danke für dä Tipp. Ich biin FAN vo däre Siite. Leiider giits pink-orange ned als Kombi Aber ii güggsle gliich alles andere au aah

Me: Wiiä isch das bii eune Bluämätreffe gsii. Hend iihr s'Foti zeiigt und gsaiit: "So wott ich's" oder hend iihr meh beschriibe und d'Floristin het den Vorschläg gmacht. Dii längst Ziit han ii gwisst was iich will, aber seb will ii jetzt nüm. Gar nöd so eiifach...

Usserdem han ii no was wichtigs vergesse gha vorher. Für alli Hugo-Liebhaberinne
Für dä Apéro nach dä Kiirche organisiieret mir dä Wyy selber. Mir hend denn bii dä Eltere vom GG feiin gesse und sii hend Hugo dezue gha. Und ii weiss nöd wiiä's gloffe isch, aber jetzt werdet sii für uns 50l Hugo für dä Apéro machä und defür giits denn keiin Wiiswyy I ha sooo Froiiid

• Zitieren

@squishy: mmm, mega cool! Hugo zum Apéro isch ja perfekt!!! Also i ha zum Bluemeträffe es paar Bilder mitgnoh mit Sache wo mir gfalle. Aber i ha sälber nid soooo ä klari Vorstellig gha und kennä mi mit Blueme äbä ou überhoupt nid us. Aber für mi isch z.B. wichtig gsi, dasi saisonali Pflanze wett. Und de het sie es riiiiiiese Buech füregnoh mit Bilder drinne und de het sie mir die zeigt wo jetz blühe und i ha chli chönne sägä was mir gfallt und sie het sälber ou Vorschläg gmacht und Bilder vo Dekos zeigt wo sie scho gmacht hei und de hei mir das so wie zämä entwicklet...

I hoffes ou dass d Dozentin das igseht... v.a. isch mir wichtig dass sie tschegget dasi nüt mit däm Plagiat z düe ha. Ha zum Glück no alli sms woni ihm ha gschribe er söll mir bitte die fertigi Arbeit schicke und cha belege, dass ers ersch paar Täg nachem Abgabetermin het gmacht. Somit hanis nid chönne überprüefe was er het gmacht... I bi würklech stinksauer uf dä! Da wärs mir no lieber wenn ers z spät hät abgäh.

Beniide di gad chli dass du die PH jetz hinter dir hesch! Loufts eigetlech guet im KG mit dinere Stellverträtig?

• Zitieren

nicht registriert

Tämi: Viiel Kraft und Froiid für dini Lebensveränderige

Malinchen: Ha gmerkt, dass ii dini Frag nonig beantwortet han. Züglä tüänd mir am 5. Juli aber wenn mir dert iiziiehnt, dass wüsset mir nonig Eventuell wohnet mir denn 1.5 Wuche bii GG's Eltere. Aber sii wüsset no nixx vo ihrem Glück Wenn's da ned wönd, denn wohnet mir denn halt scho in Pfunge...
Ich bin au unendlich froh, han ii endlich s'PH-Kapitel abgschlosse. s'Läscht Jahr got schnell verbii! Schwups-di-wups wiirsch du am unterrichte sii! Ich gniäss es meega, chönä mit dä Kind schaffe ohni dass ii muä Angst ha, dass ii bewertet wird. Ich cha eiifach usprobiiere und Afängerfehler machä, ohni schlechts gwisse Isch halt eiifach ä Sonderschuel, isch halt ganz anderst wiiä "echte" Kindsgi. Aber 7 vo 9 Kind siind eiifach sooooooo schnüggig.
Danke der Nachfrage
Suuper, demfall zeiig iich iihre eiifach da, wo ii mir bis jetzt überleiit han. Und sii sött denn s'Rosa in pink-orange verwandlä... Ich fürchtä miich nur, dass denn miin rosa Bändel vom Kleiid nüm zum Reste passt Werum chunt mir diiä Farbkombi au erst jetzt in Sinn?!

• Zitieren

@malinchen: Ui nei aso dä Kolleg isch ja dr Letscht, i würd tobe! Schliifts däm ga Plagiat inetue??! Da muesch di würklech wehre, dass du nüt mit däm ztüe hesch. Söu är das uslöffle...
Ja genau dr Farfallina womer denn ar Wymäss hei kouft Finde dä so fein und bi äbe nid so Prosecco-Fan!
So schön mit de Getränk wo d Eutere übernähme, mani euch mega gönne!

@squishy: Ou yum, Hugo!!! I liebes... nähmi auso o. Finde im Fau orange-pink e cooli Kombi (obwoui ja bekanntlecherwis nid uf pink stah), so summerlech. Passt sicher perfekt zu euchem Fescht! Hesch mau scho chli uf Pinterest nach dene Farbe und wedding oder so gsuecht? Da findsch aube no viu so Farb-Boards und aus Mögleche. Ha dert ou Sache für üsi Farbe gfunde und mir hei ja ou sehr e ungwöhnlechi Kombi!
Das tönt toll mit dire Steuverträtig, so schön!
Wäg de Blueme ha igs ähnlech gmacht wie dmalinchen. Ha mehreri Biuder mitgnoh und sie het när bim einte vo sich us gfunge, das sig genau dr Stil wo ihre Lade machi, und glücklecherwis isches ou mi Favorit gsi Aber d Farb mues si ou ändere, ufem Biudli wärer pink gsi
Ja weisch, das isch d Hotelchefin und die sitzt öpe nid gad au Tag am PC... hoffe aber scho, dassi gli Bscheid bechume unds nid no es riese Drama drus git. Aber i säge mir, wenni itz no ga ga Terror mache, chani när eh kes Verständnis oder Entgägecho vo ihne erwarte, drum versuechi mi i Geduud (wooo-zah! ) statt aus no schlimmer mache.

@Tämi (i übernime das vor Squishy weni darf ): Hui, was hesch de aus für spannendi Veränderige? Hoffe aus ganz positivi!

@lil.lian: I ha ade Füess eigentlech immer nume Farb, aber da ig roti Schueh (übrigens isches super gsi mit dene ztanze, heimer ämu nach ere Stund nid wehta!), fändis de fasch schöner mit French. Usserdäm hani das süsch nie und isch ou schwierig säuber zmache. Jogge isch scho nid gad ds Beste für d Ästhetik vo de Füess Ha ou so komischi Drucksteue obe uf paar Zäie... Aber i luege de, dassi am Tag vorem HZ cha ga und de nümm ga ga jogge

• Zitieren

@squishy: ah das isch sicher ä spannendi Herusforderig idr Sonderschuel... Uf das fröii mi ou scho mega, ändlech mal allei vorere Klass stah ohni no Dozente oder Prakti-LP's im Rügge ds ha. Wünsche dir i däm Fall witerhin viel Fröid und gueti Erfahrige mit dine Versuchskaninchen.

@Lillian: Ja klar, das machi gärn... I weis ungefähr wonis ha, mues sicher nid lang sueche.

@Tämi: uiiii, du machsch es spannend!!!!

@Taeboyana: I liebä dr Farfallina ou mega... dä isch inzwüschä scho zumnä feschtä Mitglied vo üsnä Mädels-Äbe avanciert. Dä wird sicher super acho bi dä Gäst und scho nume d Etikettä passt ja super zumnä Hochzyt!

@me: Ha gad mit dr Dozentin telefoniert und sie isch mega verständnisvoll gsi. Jetz hani mit ihre chönne abmache, dass igs eifach cha lah druf a cho ob ers erledigt und wenn er nix macht duet sie ihn usschliesse und für mi eifach dr Räst vor Arbeit benote wie wenn sie vollständig wär so. Ufnä Wäg duets mir Leid für ihn, abgseh vo däm hei mir üs eigetlech guet verstande. Aber das isch jetz doch z viel... Er duet ja mit däm ou mi Ruef schädige. Und dass me Quelle zitiert sött inzwüsche würklech nüt Nöis meh si.

• Zitieren

nicht registriert

Das iisch doch molben shopping tag gsii
De Keler iisch jetzt pumpe voll mit Möbel

Usserdem hani en suuuuper Wetterbricht gfunde:
http://m.accuweather.com/de/ch/zurich/31...forecast/316622
Wünsche eu es super duper Wuchenend <3

• Zitieren