Denn findsch es nid schlimm mit de 30min Fahrziit? Hend ihr en Transport für dGäscht denke oder selleds selber fahre?

• Zitieren

Üsi Obiglokalität isch öpe 20 Minute entfernt. I find e Fahrziit vo ca. 30 - 40 Minute total in Ornig. Git doch au für Gäst mol en Moment zum Dureschnuufe. Mir wärdet es Fahrzüg für di gladene Gäst organisiere. Die werdet ame zentrale Ort am Nomittag abgholt und zum Ort vo de freie Trauuig brocht und am Obig denn vo döt i üsi Obiglokation. D'Obiglokation liet denn bi üs sehr zentral, damit die wo hei wänd problemlos mit de ÖV chönd hei und die wo wiiter weg sind, allefalls halt im Hotel übernachtet.
D'Apérogäst münd selber luege, wes a di frei Trauuig chömed. Mir hend gseit mir findets doof, wenn di gladene Gäst münd mit de Auto cho, si sölleds au chöne gnüsse und nöd nochm zweite Glas Wii scho e schlechts Gwüsse ha wells no münd Autofahre.

• Zitieren

Aperogäste: Die lueget selber wies zu de Kile chömet, ich denk au das mer für sie is ned nötig no fahtzüüg organiesere den die söllet chöne hai wens wend.

Gäst: da bini nonig schlüssig ob mer was machet, das bi eus tradizion isch das Gäst vo dä Brut zu ihre hai gönd und mer zäme vo det us id Kile gaht. (Italie halt) da i de schwiiz weissi ned ob dfamilie vo Ihm zu ihm sine eltere hai gaht. Da ich trennt wot schalfe am abig vor de hochziit wird er sicher zu sine eltere gah und ich blib i eusere wohnig.
Ich find bis 40 min Autofahrt voll Ok, au wenns jetzt 50 min sind, wenn dlocation super isch, werdet au die 50 min Autofahrt gern uf sich neh Gäst.

• Zitieren

Bi üs is ebe so das de Ort wo di frei Trauuig stattfindet seeeehr abgläge isch, du muesch aso mitm Auto dört hi cho, ke Chance mit de ÖV und ebe üsi Obiglocation liet aber wieder so zentral, dass ebe di meiste nöd müsstet mitm Auto cho sondern bequem chöntet de ÖV benütze. Es het aber kei Parkplätz i de nöchi wome es Auto würkli guet chan stohl loh über e längeri Ziit, wells halt zmizt i de Stadt isch. Drum hend mir üs denn defür entschiede, dass mir für di gladene Gäst en Transport organisieret.

De Nochber vo mine Eltere het zum Glück es Transportunternehme. Ich ha en nonid gfröget, aber i bi sicher er würd das für üs zume guete Priis mache. Er isch au selber as Hochziit iiglade. Klar es wär den kei speziells Transportfahrzüg, aber da isch üs au nöd wichtig.

• Zitieren

Jo also mir lueged emol no, öb mir afoch de Transport vu de Obiglokalität zu de Chile und umgekehrt für d'Gäschte (die gladne) sölled organisiere. Aber sust spared mir üs das nämlich au und gönned üs en schöne alte Oldtimer und fertig *smile*

(i lieb alti Autos)

• Zitieren

@Baguette, oh das glaubi... nei so en Mischt...
Und es anders Standesamt chämti für euch nöd in Frog?

• Zitieren