| Bräute 2016 |
|
|
1 .. 58 .. 113 114 115 116 117 .. 166 .. 214
|
chandini04  am 26.03.2015
Re: Bräute 2016
Hallo Zäme...
Walking ATM isch mis neue Lieblingswort. Lustig chunts us Asie und dasis na nie däne i de USA ghört ha...?! :-)
I find Gastgschänk au bitz unnötig. Well sie krieget ja wörki gnue zahlt. Abr warschins machemers glich de eifach die M&M's. Weli die echt geil findee :-)
|
|
|
|
Baguette nicht registriert am 26.03.2015
Re: Bräute 2016
Huhuu Zämme! :-)
Haha Summer...Schön wärs, wenn mr könnte Gäld usspucke *lach*
Ich ha nomol usgrächnet und mir sin jetzt bi ca. 18'000.00 und das, wel mir weder Brutkleid no Ahzug müen zahle.
Mir hän uns au scho Gedangge gmacht wäge de Gastgschängg. Mi GG findets erstunlicherwys no cool und würd gärn öbis ha. Ich ha jetzt au scho mega viel Idee ka...Im Momänt fändi so Minzpastille in so Aluböxli mega cool. Die könnti übers Gschäft binere Wärbefirma bstelle :-)
|
|
Summer_2016 nicht registriert am 26.03.2015
Re: Bräute 2016
Es läpperet sich scho mega öpis zäme. Halt au all die chline Sache aummieret sich dän schnell, drum findis au so doof weg de Fahrspese. Wän na 10 ander so chlini Sache chömet dän sinds au scho wieder paar hundert Franke. S'zivile hani nanig mal is budget mot ufgno, min GG wet ja jetzt det au na übernachte mit de TZ. Amel chönd sich euisi TZ nöd beklage sie chämet zwenig über :)
Ladies ab hüt wirds für mich na schwieriger zum aktiv mitschriibe da, mir verlönd Asie und gönd wiiter nach Australie, heisst na meh ziitverschiebig! :( aber ich tuen natürlich glich fliessig mitläse :)
|
chandini04 am 27.03.2015
Re: Bräute 2016
Ja Summer du hesch recht, mir fallet au die chliine Sache uf wo de emmer chostet...
E guete Flug wönschi und gnüsset Australie. :-)
|
Sabsy_87 am 27.03.2015
Re: Bräute 2016
Hey Summer, wünsch Dir au en guete Flug und viel spass in Australie. gniesses in volle Züg 
|
Sakanas  am 27.03.2015
Re: Bräute 2016
Summer_2016
Ganz en tolle Flug und viel Spass in Australie! Gnüsseds!
Chlinigkeite
Die Sache läppered sich echt mega
Aber mir packed das und das wird üse grossi Tag. Bin echt gspanne :-)
Ring
Hend ihr eu scho überleit ob ihr en Ring wend oder eas anders? Wenn Ring was für ein oder wie de eppe muess usgseh und wieviel
Ihr wend zahle? Min Vater seit en Ring darf mer quasi nid als Hochziitschoste aluege sondern als Vermögensalag 
|
crivosa am 27.03.2015
Re: Bräute 2016
Hey jo summer en guete Flug
aso mer hend zerscht gar kei neui ring welle well mer en fründschaftsring ahend und ich jo ez au no en velobigsring, wo ich au werd abhalte...
min schatz het ez aber gmerkt das es für en glich wichtig wär und drum werdemer chaufe...
me hend en shop im internet vo DE gseh ( trauringstudio berlin) wo mer vemuetli eine bstelle werded, me hend denkt meh as 1000.- für d ring gits nöd...und det hets viel paarpriese wo under 1000.- sind...
es git also quasi en hochwertigere fründschaftsring
vemuetli werded mer do a de hochzitsmess echli umeluege wie di einzelne materialie so würked und üs den aber eine im internet chaufe...es isch eifach viel ztüür I de CH...für üs jedefalls...
für en ring wo vilich mol velürsch oder wo der zchli wird oder wie au immer...go tusigi vo franke usgseh isch für üs eifach nöd s wichtigst
|
|
Baguette nicht registriert am 27.03.2015
Re: Bräute 2016
Summer, ich wünsch dr au e guete Flug und viel Spass in Australie! Wird sicher super
Ring
Mir wän unbedingt Ehering ha. Aber ich wird en am gliche Finger wie mi Verlobigsring trage, welis nid mag, wenni an beidne Händ öbis ha :-) Mir hän uns es Budget gsetzt vo max. 2'000.00. Är will sowieso e ganz schlichte und ich hätt scho gärn 2-3 kleini Steinli druff  Aber es muess nid sy!
|
Sakanas am 27.03.2015
Re: Bräute 2016
Ring
Mir werded eus au Ring leischte. Mir gfalled die vo MEISTER so guet. I muess emol luege welle Juwelier WIR-Geld nimmt und sust fahri de halt is Dütsch dert sind viel günstiger.
I werd en aber au am gliche Finger wie jetzt de Verlobigsring (trägi links) aha well i rechts da nid gern ha und zuedem dickerii Finger
|
Sarjona am 27.03.2015
Re: Bräute 2016
Hallo zusammen!
Ich melde mich auch wieder mal zu Wort. Wir haben unsere Eheringe bereits gekauft. Wir waren im Januar auf der Hochzeitsmesse in Bern und haben uns dort ein paar Ringe angesehen. Wir haben zwar provisorisch Ringe bestellt, um vom Messe-Rabatt profitieren zu können, haben uns dann schliesslich aber für ein anderes Angebot entschieden.
Ich werde den Ehering auch zusammen mit dem Verlobungsring tragen. Eigentlich wollte ich auch einen schlichten. Er hat dann aber doch Steinchen bekommen, weil er so besser zu meinem Verlobungsring passt... Glücklicherweise hat‘s meinem Verlobten so viel besser gefallen, so war es keine schwere Entscheidung... Bezahlt haben wir insgesamt 2370 CHF (vorgenommen hatten wir uns 2000 CHF). Da wir die Ringe ein Leben lang tragen möchten, waren sie uns schon wichtig, deshalb wolten wir dort auch nicht unbedingt sparen. Wir waren übrigens bei der Acredo-Trauring-Lounge in Wädenswil, kann ich sehr empfehlen.
Wünsche öich aune es schöns Wuchenänd! 
|
|
|
1 .. 58 .. 113 114 115 116 117 .. 166 .. 214
|
Anmelden
