| Bräute 2016 |
|
|
1 .. 62 .. 121 122 123 124 125 .. 170 .. 214
|
cream_tangerine  am 01.04.2015
Re: Bräute 2016
Hoppla, gad wieder paar Site verpasst!
Homepage
Mached mier keini, da mier zfuul für so Sache bin  Au bruched miers nöd unbedingt, denn han ichs au gad us em Budget gstriche 
Silenzia
Ohhh, das isch aber en Seich! Han ich aber leider au scho vo andere Locations ghört, vor allem au vo es paar beliebtere.  Schloss Griefesee zum Bispiel git dDate au ersch im Oktober use fürs nögschte Jahr. Ich finde, dass isch mega spat, vor allem gad i de hütige Zit, wo mer alles andere susch mega früeh muss bueche und organisiere. Ich hoffe aber, dass oiche Plan B oich nah viel meh passt und ihr so nah zfriedener sind 
Chandini
Ja, weg Gschenk/Geld ah TZ und so sind mier ois nani so sicher, was mier mached. Also für so Überraschige und so wo's Geld brüchtet, mit dem müsstets denn glaubs eifach uf ois zuecho, damit mier chönd luege ebs drinlit. Ich han das jetzt gar nöd budgetiert und han dorum det ned so viel spatzig, will ich lieber bi anderne Pünkt nach chli unsicher bin, ebs denn nöd türer werded. Ich wirde mini Bridemaids und de Rest vo mine Poltermädels am Polterabig ufs Esse ilade. Au han ich plant allne es Accessoire zchaufe für dHochzit, will sie ihre Chleider selber werded zahle. Make-up und Haar weiss ich nanig wie ichs gnau mach. Evtl. mached miers eifach gegesitig - mini best Fründin isch da sehr begabt. Wenn ichs vonere Coiffeuse bzw. Kosmetikerin mach, denn zahl ich ihne das wahrschinli denn au.
|
|
|
crivosa am 02.04.2015
Re: Bräute 2016
Guete Morge
Do mer jo zwei männlichi Trauzüge hend, hend mer bi Dawanda (mega cooli Shop in Shop siite im Internet) so cooli Manschettechnöpf gfunde wo Trau / Zeuge druffstoht...findet mer mega cool und hend mer ez bstellt für si. Isch au nöd tüür...
Mer denked wenn si speziell was organisiered den werded si s Geld dur Familie etc. scho anekriege und I denke für Spiel und Darbütige bruchts ez nöd esooo viel....me hend aso so nix budgetiert...
Natürli werded mer mit ene drüber rede und wenns e spezielli Idee hend den werded mir das sicher überneh.
|
silenzia  am 02.04.2015
Re: Bräute 2016
chandini04:
Silenzia, ich wörd e deftige Plan B ha. Oktober isch ergendwie knapp fendi. Ich finds weni ehrlich bi au bitz unprofessionell. Wenn doch e Verastalter för Hochziite bisch, weisch dass dLüt gnue früeh mönd plane. Es gaht ja nid nur um dLocation. Sondern muesch au de Fotograf, Musik ect ha und das muesch ja au vorher ha...
Mir hend gescht beschlosse, mir mached mal bi Plan A und B en Termin öb das wo mir wön überhaupt goht. Sus chömmer denn gad alles über de Huufe rüehre. Mir gedenked im September '16 z hürote, theoretisch wär Oktober da scho früeh gnueg.
Es isch ebe kei reine Verastaltigsort für Hochziite und si mached zerscht ihres Eventprogramm und denn gebeds d Termine frei.
Es goht jo eifach um Trauig und Apéro, s Fescht isch ame andere Ort planet. D Fotografin isch scho reserviert wölli unbedingt die möcht.
|
Sakanas  am 02.04.2015
Re: Bräute 2016
chandini04
Jo isch wirklich e schöni Beerdigung gsi, wenn mer das so chan sege. Sehr sehr berüehrend!
Aber de Himmel hät jetzt en guete Mensch me. Es hät gnau gester bi de Urnebiisetzig 30min d'Sunne gschunne am Grab - wie wenns es Zeiche gsi isch.
TZ-Gschenk
I weiss es nöd... amel sicher Blueme wenns wend und sust emol luege....
Viellicht de TZ s'Chleid... i weiss es aber wirklich nöd.
|
lostheaven am 02.04.2015
Re: Bräute 2016
TZ Gschenk und Geld für anderi Sache
Also ich ha denkt ich wird minere TZ und minere Tätschmeisterin dFrisur und es Make-up zahle und falls die zwei no gern es Blüemli hettet denn au no säb. Und susch werdet mir die drü sicher mol zum Esse iilade nochm Hochziit oder mit ihne susch öpis cools mache als Dankeschön.
Bim TZ vo mim GG weissi no gar nid wie was wo mir ihm chöntet schenke.
Betreffend Geld. Mir werdet üsne sege, dass sie sölled mit üs Rücksproch neh wenns öpis ah Geld vo üs bruchet. Ha scho ein zwei Wünsch wo si sölled organisiere, zB. es Gäschtebuech und so und ja das münds natürli nöd usm eigete Sack zahle da dörfets üs den ahgeh was kostet het. Usser si wends üs natürli denn schenke 
|
Sakanas am 02.04.2015
Re: Bräute 2016
Oh jetzt hät grad üse Fotograf gschriebe. Üses Datum isch gfixed Yeeeessss!
Wo würded ihr es Vorshooting mache? Mir hend sonen chline "Pass" wo quasi ZH-Oberland mit em Toggeburg verbindet und mer sind früehner halt immer dört drüber gfahre mit de Töff wo mer eus kenneglernt hend... wär no e witzigi Idee oder?
|
chandini04 am 02.04.2015
Re: Bräute 2016
Sakanas, das passt doch wenn ehr e Verbindig hend zu dem Ort.
Findi guet.
Gratuliere zur Zuesag vom Fotograf :-) wielang wird e fotografiere bi euch?
|
Sakanas am 02.04.2015
Re: Bräute 2016
Chandini04
Jo also er het entweder 10h-Reportage oder 14h. I glaub mir wähled di gross, well mer Fotene liebed und findet dass isch eppis wo eim bliebt.
|
chandini04 am 02.04.2015
Re: Bräute 2016
Ja voll, mir hend au 12h und mag au gaaanz vell Fotis ha. Ab Chleid azieh bis bsoffe :-)
|
Sakanas am 02.04.2015
Re: Bräute 2016
Chandini
Genauuuuuu! Wieviel zahled ihr?
Me
Uff ha mir de Zischtigsfilm vu Sat 1 ufgno & jetzt gluegt. Echt krass! Goht um hüslichi Gwalt :-(
|
|
|
1 .. 62 .. 121 122 123 124 125 .. 170 .. 214
|
Anmelden
