| Bräute 2016 |
|
|
1 .. 62 .. 122 123 124 125 126 .. 170 .. 214
|
chandini04  am 02.04.2015
Re: Bräute 2016
Mir zahlet genau 2000.- Euro. Sie isch ebe vom Dütsche. Und ihr?
Ouu das döhnt heftig de Film...
|
|
|
cream_tangerine am 02.04.2015
Re: Bräute 2016
Fotograf
Ich find au, de Fotograf isch öpis wo mer nöd söt spare. Schliesslich sind ja dFotis das, wo der nachher au nah blibet - usser natürli dErinnerige 
Sakanas
Was isch den das für en Film gsie?
|
Sakanas  am 02.04.2015
Re: Bräute 2016
Fotograf
Mir zahled 3900.- inkl Vorshooting. Isch gnueg aber da ischs eus wert.
Film
En Dütsche-Film gsi "Die Ungehorsame". Echt krass aber sThema hüslichi Gwalt perfekt ufgriffe. Sie isch komplett vom Maa igno und er verprügled sie weg jedem Scheiss... Am Schluss würgt er sie so fescht bis sie fast stirbt bis ihre Sohn igrifft. Am Schluss isch de Typ tot ...
I luege no gern so viel wo entweder enere wahre Gschicht entspreched oder es Alltagsthema ufgriffed wo alli weglueged.
Hend ihr en Lieblingsfilm?
|
chandini04 am 02.04.2015
Re: Bräute 2016
Jaaa Sakanas de Pris isch normal i weiss. Mir ischs eifach ztür gsi. Mir hend nid nur weg dem sie gno usem dütsche. Mi frönd isch ja vo de Grenze und sie isch us rhyfelde womer halt schaffe (sie eifach usem dütsche) und sie het eus mega gfalle, und de Nebeefekkt mit em guete Priis isch halt super.
Ja döhnt mega interessant. Ich lise gern settigi Büecher, wie du beschribsch.
Lieblingsfilm. Also min absoluuuti Lieblingsfilm iscj Armageddon. De hani mind. Scho 40 Mal gseh, wie au vell vell vell anderi Film. Ich luege die meiste Film mehr Mals. Armageddon liebi eifach wegm Ben Affleck *awwr* und wells ums Weltall gaht. Und wohne sErst Mal gseh ha beni mega Weltallfan gsi und ha welle Astronautin werde. Und jetzt ischs emmerna de Lieblingsfilm.
Schusch hani na wiiteri Lieblingsfilm zbs.
Harry Potter (hani all au scho mehr Mals gseh)
Bride wars
Dear John
Deja Vu
Ziemlich beste Freunde
Und ihr so?
|
cream_tangerine am 02.04.2015
Re: Bräute 2016
Lieblingsfilm
Da gits es paar, ich luege nämli meeega gern Film und bin au öper, wo gern Film meh als eimal lueget  Han au mega gern Film wo uf Wahrheit beruhed, bin eh sone Hültante, det ischs denn amigs gad nah schlimmer!
Zu mine liebste ghöred:
Nightmare Before Christmas
Billy Elliot
I am Sam
La Vita e bella
Pan's Labyrinth
Blind Side
Breakfast Club
Pulp Fiction
Amelie
Todo sobre mi madre
Dead Man's Shoes
Und die meiste Studio Ghibli Film
Oh es git nah sooo viel meh! Ich chönt nah ewig ufzähle!  Muss jetzt ufhöre, susch nerv ich euch nur 
Zuletzt bearbeitet am 02.04.15 22:19
|
Sakanas am 02.04.2015
Re: Bräute 2016
Fotograf
Oh i chan eu verstoooh. Doch super!
Bin scho mega gspanne wenn denn die erschte ere gross Tag hend und denn do echli brichted;-)
Büecher/Film
Armaggedon hani grad letschti wieder emol im TV xseh:-)
I ha nid en Lieblingsfilm, afoch spannend muess er si... Und kei Horror! Da hassi.
I lueg au gern no Staffle vonere Serie vo A-Z z.b Desperate Housewives...*lach*
Harty Potter hani glese, aber nid im kino gseh i weigere mii
Eppert vo eu 50 Shades of Grey glese/gseh? Wie finded ihr en? :-)
|
cream_tangerine am 02.04.2015
Re: Bräute 2016
Sakanas
Ja, Serie chönt ich au uuuf und ab luege! Bin immer nah Breaking Bad chli am nachtruure, aber froi mich mega, will Game of Thrones inere Wuche wieder afangt
50 Shades han i nöd glese und nöd gseh, det han ich mich gweigeret zum dBüecher lese  Also, das heisst, ich han die erste 3 Site glese und denn hets mer scho abglöscht, ich finde es isch seeehr schlecht gschriebe. Gschicht und so kenn ich nur am Rand, was mer halt so mitbechunt. Das wär mer nah glich, bin nöd prüd oder so, aber isch eifach nöd min Schribstil. Aber jedem das seine. Ich glaube, ich wirde au de Film nöd luege, obwohl de söt ja anschienend besser sie wie dBüecher
Hesch den du dBüecher glese oder de Film gseh?
|
chandini04 am 02.04.2015
Re: Bräute 2016
Jaa haha hane au gseh im Fernseh und e Wuche vorher hane weder Mal uf DVD dihei gluegt... Haha...
Nee Fifty hani weder gluegt na gläse. Sig gar nid so pornööös, eher Liebesgschicht...
Staffle hani o.c., gossip girl, charmed und 90210 au all gseh :-)
Horror magi au nümm so...
|
Sakanas am 02.04.2015
Re: Bräute 2016
Cream
Yes ha Büecher glese und au de Film gseh... Schwer zum sege was besser/schlechter isch. Find halt Büechee wie immer besser wells Kopfkino mitspilt, bi 50 Shades wiederholed sich halt dSzene all. De Film isch die Männlich-Bsetzig kacke... Er würkt wie 12i und nid wie en echte Maaa! :-)
I glaub im Herbst chunt en guete use mit de J.Lo. De Film heisst: The boy next door (irgendwie so...) liecht Psycho:-) dee mueni de wieder go
Luege.
|
|
Baguette nicht registriert am 02.04.2015
Re: Bräute 2016
Huhu Mädels 
Do isch jo scho mega viel gschriebe worde...Ich klink mi eifach do mol yh. Mag grad voll nid alles nocheläse...sorryyy
Chandini, Game of Thrones kanni au kum erwarte!!
Fifty Shades hani gläse und gluegt. D Büecher hani nid so guet gschriebe gfunde. Weder uf DE no uf EN und de Film isch ganz ok. Ich ha de Schnitt im Film so komisch gfunde. Zack und zack vo Szene zu Szene *lach* Finds eifach no spannend, dass sones "Tabuthema" ufgriffe und gsellschaftsfähig gmacht wird. Aber Sakanas, du hesch rächt. Ich hätt mr de Christian au chli männlicher vorgstellt
Ihr müend mol Monsieur Claude und seine Töchter luege. Do verdätschts euch. Isch e FR Film wos ume konservativi Familie goht mit 4 Töchtere. Die ersti hürotet e Jud, die zweiti e Chines und die dritti e Moslem. Und jedes mol verzwiefle d Eltere, wels kei katholische Franzos isch und hoffe, dass die vierti ein hürotet *lach*
Ha hüt d Muster vo Carinokarte beko. Ihr hän ächt nid übertriebe...Die gfalle uns beidne meega guet
|
|
|
1 .. 62 .. 122 123 124 125 126 .. 170 .. 214
|
Anmelden
