| Bräute 2016 |
|
|
1 .. 7 .. 11 12 13 14 15 .. 115 .. 214
|
lostheaven  am 15.01.2015
Re: Bräute 2016
cream_tangerine i wellem Priissegment bewegt sich denn de Wolfgang Weigand so ca.?
I wär u gern in Züri ad Mess, aber leider hemmer genau das Wuchenend gar kei Ziit gha, so schaad, jänu...
Bi Fotografe bini jetzt grad am umefroge was die so chostet, im Moment bi dene womer allefalls no Vitamin B hend, Trauzügin kennt zwei sehr gueti Fotografe. Die hend i de Regel halt en rechte Priis, aber villicht chömtets üs jo chli entgege  bi mol gspannt
Lüüüt i bi grad voll ufgregt. I weiss es isch no chli früe fürs Kleid, aber bi hüt bi üs am einzigste Brutmodegschäft verbi gloffe, wos do git und ha en Traum vome Kleid gseh im Schaufenster und es beste sie hend 20% ufs ganze Sortiment bis Endi Januar. Hani grad müese schnell mini Mädels kontaktiere und jetzt goni am Zistigobig go luege. Oh man oh man, bi grad voll nervös 
|
|
|
Sakanas  am 15.01.2015
Re: Bräute 2016
Oh das tönt ja super. verzell wie gsehts us?! fotii?
Mit wem gosch sChleid go uslese? I ha denk i nimm denn Trauzügin mit, Mami und Schwiegermami:-)
Eini a de Mess het gseit de beschti Zytpunkt seg Januar do heged vil scho die neu Kollektion aber uf de "alte" Kollektion heg mer defür Rabatt... Hihi!
Mir gfalled Neckholderchleider mega guet, bin denn gspanne... Träge ebe nid grad 36i:-/
Jo die Fotografe sind eher tüür aber defür het mer was devo:-) und mer chans immer wieder füre ne und aluege da isch scho was cools!
|
|
Summer_2016 nicht registriert am 16.01.2015
Re: Bräute 2016
Lostheaven wümsche die ganz ganz viel Spass bim aprobiere ich han ja mis au scho, es hängt sogar scho bi mine eltere im schrank und ich bin immer na ganz verliebt und froh hani nöd länger gwartet mit ussueche 
Sarkanas: machder kei Sorge weg de chleidergrössi! Es hochziitschleid isch ganz anderst gfertiget als es normals chleid und es git soviel verschiedeni schnitt. Ich han au nöd grössi 36, viel oberwiiti und breiti hüfte und bin chli. Ich han jetzt eis wo d'corsage bis zu de hüfte abegaht und ich gsehn so schlank us im chleid hans selber fast nöd chöne glaube wonis gseh han. Und d.corsage isch so fest dasmer kei einzigs speckrölleli duregseht aber glich isches u bequem
|
Sakanas am 16.01.2015
Re: Bräute 2016
Merci Summer fürs Muetmache... I han das au scho vo mehrere Egge ghört und hoff de es isch eso. Mach mi aber nid verruckt und go denn im Juni emol go luege mit mine Liebschte. Bis denn chani ja no versueche echli abzspecke:-)
Hesch demfall es Trägerloses-Kleid? Mir gfalled Corsage au mega. Und die kaschiered wirkli recht.
|
cream_tangerine am 16.01.2015
Re: Bräute 2016
@lostheaven Ich chans dier ehrlich gseit nani sege. Ich wird mich melde, nah eusem erste Gspröch, wenn ichs denn weiss. Mini Chefin isch au vo ihm traut worde und weiss eifach vo ihre, dass er im Gegesatz zu andere günstig seg. Leider isch sie gad i de Ferie, chan sie gad ned fröge wie viel sie zahlt hend 
Voll cool, dass du scho es Chleid gseh hesch
Ich wet bim Chleid richtig Vintage gah. So chli Hippie mässig fallend, aber ich liebe Spitze! Han au scho es paar Chleider gseh, wo ich schön find. So DAS Traumchleid isch aber nano debi gsie!
Zum Aprobiere und poste nimm ich mini Mama, mimi Schwöster (isch Trauzügin) und mini 3 Bridemaids mit, froie mich scho mega
|
chandini04 am 16.01.2015
Re: Bräute 2016
Wie handhabet ihr das denn mit em fotoshooting.
Vor de Trauig (de gseht ER dich schl im Chleid)
Nach de Trauig (was macheder so lang mit de Gäst?)
Oder amene andere Tag (2x style ect.)
???
Ich gang mis Chleid erst imene Johr go ussueche, danke för de tipp das im Januar günstiger sind also die "alt" Kollektion...
Bin au a de Mäss in Zug gsi, mir hets gfalle.. Aber stimmt scho sie sind scho bitz nervig. Vorallem het mi sone Pfarrer fast wahnsinnig gmacht. Hanem gseit mir hend e frei Zeremonie ohni Religon/Glaube. De heter e rieeeese Diskusion mit mir agfange...
|
|
Summer_2016 nicht registriert am 16.01.2015
Re: Bräute 2016
Ui zum glück hät euis de Pfarrer nöd agsproche, de wär bi mim schatz a de ganz falsche Adresse gsi
Mir machets shooting am gliiche tag aber eifach vor de Trauuig etc. usem eifache Grund das mir das nachli wänd gnüsse, isch ja so bitz de einzig moment a dem tag womer würklich nur für euis sind. Nachher sind immer soviel lüt ume, aber so hämer de first look moment für euis, chönd au mal na paar wort mitenand rede. Freu mich scho u fest uf das
|
cream_tangerine am 16.01.2015
Re: Bräute 2016
@chandini04 Also mier macheds Shooting nach de Zeremonie. Mier hend denkt, mier werded zerst am Apero debi si und ois denn churz verabschiede. I dere Zit chönd Gäst entweder nah schwätze und zämehöckle. Mier hend jetzt nah keis Programm, aber werded ois nah öpis chlises überlegge. Min Papa isch imene Oldtimer Club und es isch so chli Tradition bi ihne, dass all mit ihrne Oldtimer a de Hochzite vo de 'Chind' uftauchet. Ich glaub mier nutzed denn das, dass dGäst chönd die aluege, inehocke und evtl eh Rundi treihe.
Mier mached das so, will miin Schatz mich uf kein Fall wet gseh vor de Zeremonie. In England isch es nah mega wit verbreitet, dass es halt Unglück bringt. Erstens isch es das und zweitens isch ihm eifach de Moment mega wichtig, dass er mich halt serst mal xeht, wenn ich inne laufe  Ich find das au nah eh schöni Idee.
Mier hend ois aber auch scho überleit, eb mier sShooting eifach sölled am nögschte Tag nah mache. Aber ich weiss ned, eb ich denn gad scho wieder Lust han zum mich style lah
|
lostheaven am 16.01.2015
Re: Bräute 2016
Leider hani ke Föteli gmacht vor luuter bi es Huen ich weiss.. i freu mi jetzt mega uf de Ziistig.. obwohl ich cha jo nöd sege öbs denn würkli das Chleid isch.. es het eifach meeega usgseh a de Chleiderpuppe im Schaufenster, öb mir da denn würkli stoht? Kein Plan ha jo nonie so es Kleid ahgha bin also gspannt.. wenns nüt wird isch au nöd tragisch, mir hend ja zum Glück no viel Ziit  es wär so es Schulterfreis A-Linie Kleid .. wär so das wo ich mir am meiste chönti vorstelle.. mitcho tüend mis Mami, mini Trauzügin und üsi Tätschmeisterin.
En guete Ziitpunkt für Chleider isch glaub sowieso zwüschet September und Januar.. denn isch de Usverchauf vo de "alte" Kollektion und me cha villicht no es einte oder ander Schnäppli mache und so langsam chunt denn au di neu Kollektion ine.
summer denn bini jo froh bini nid di einzig
danke cream_tangerine das wär super lieb wenn mir das denn chöntisch sege.
Fotoshooting: mir werdet es Shooting vor de Trauuig ha. gern würis ame Ort mache wo de Fotograf denn so üsen first Moment cha iifange. aber üs chunts total nöd drufa öb mir de vorher hend oder erst a de freie Trauuig und so hemmer denkt laufts sicher ohni stress ab, mir münd nöd überlege wa mir mit de Gäst machet und münd nochane nöd dem Shooting nohstudiere. am Fest selber gits jo denn au no öpe es Foti mit de Verwandte usw.
|
Sakanas am 16.01.2015
Re: Bräute 2016
Also ich denk mir mached dFotene au vor de Trauig. Macht nünt wenn mich min GG halt scho vorher gseht. Mir isch es wichtig dass mir noher bim Apero mit de Gäscht chend schwätze und au mol es Foti mit de Gäscht chönd mache. Denki mol:-)
Negscht Wuche gömmer go skifahre und noher gots denn los mit Chile und Location besichtige... juppi du. Mir mached i de Ferie dGäschtelischte und emol luege was und wer do alles drufchunt :-)
|
|
|
1 .. 7 .. 11 12 13 14 15 .. 115 .. 214
|
Anmelden
