| Bräute 2016 |
|
|
1 .. 68 .. 133 134 135 136 137 .. 176 .. 214
|
lillymaus  am 13.04.2015
Re: Bräute 2016
Heej mitenand!
So, ich han min schaffi-Marathon etz au ma überstande, mag chum meh laufe vom dem immer umerenne und fründlich lächle und widerspängschti tierli hebe 
han aber ehrlichxeid au ned so luscht gha gross was mitm hochziit z plane da mich das mit mim vater irgendwie gad chi blockiert!
ihr hend ja flissig gschribe
ich freu mi au ufs bruuttreff, den chömer endlich ma richtig hysterisch nur übers hürate rede ohni das öpper d auge rollt! 
crivosa:
ich kenn s pflaschter leider gar nöd....ich ha de ring und bin mega z friede demit aber wenn det s glich hormon dinn isch wie bim pflaschter chunds ja denn ufs gliche use...
weg de haar würdich mer etz au nani de chopf zerbreche, es cha guet ma 3 mönet oder meh ga bis hormonglichwgwicht wieder stimmt denn chund das sicher!!!
und wenn nöd, e super gueti kollegin vo mir isch coiffeuse und wükli sehr engagiert fals mal hilf bruchsch!
drucke dume das es wieder gued chund!
ich bin aso letscht dunschtig au schnell im depot xi und es isch meega lässig öppis fürs hochziit chaufe! han das "wedding-this way" schild kauft...und die Mr & Mrs -Kartonufsteller...und so herzigi bändeli!
denn hemmer am samschtig im jumbo so mega herzigi stei-härzli ame lange ständer mitme cherzli i de mitti kauft womer denn am afang vom Gang zum "Altar" wend uf beid siite stelle...ich tuen eu susch dihei es föteli mache ich glaub das chönd na was si für die eint oder ander!!
macht öpper vo eu d tischdeko und alles selber oder länd ihr das all vo profis mache?
gnüssed s wetter!
lillymaus
|
|
|
Sakanas  am 13.04.2015
Re: Bräute 2016
Tischdeko
Mir werded en Teil selber mache und en Teil (also vorallem d'Blueme) vom Profi
Tischkärtli und Gaschtgschänkli, was bi eus au bitz zur Deko ghört, mached mir selber und baschtled dänn echli.
lillymaus
gell Depot hät echt cooli Sache
|
lillymaus am 13.04.2015
Re: Bräute 2016
sakanas
jaa die hend mega tolli sache...vor allem chunsch i sone euphorie und wetsch eich alles ha!!
oke, döfi mal fröge wie viel das das choscht so blueme und so mache lah?
würd mi mega wunder neh
|
Sakanas am 13.04.2015
Re: Bräute 2016
lillymaus
mir hend no keis Agebot... I han no kei Offertene igholt... ha denkt bin eher z'früeh dra mit dem wenni 1 Johr vorher scho chum 
|
lillymaus am 13.04.2015
Re: Bräute 2016
haha ok ja gued, da hesch leider recht! 
|
silenzia  am 13.04.2015
Re: Bräute 2016
lillymaus:
han aber ehrlichxeid au ned so luscht gha gross was mitm hochziit z plane da mich das mit mim vater irgendwie gad chi blockiert!
Was isch mit dim Vater gsi? Hans gad nüme im Chopf...
I wird alles vode Tischdeko selber mache. Plant hani mit Lavendel im Topf, das chamer guet vorbereite und denn eifach histelle. So i dem Stil:
Eifach d Topf werdi us Beton selber giesse. D Tischchärtli werded au d Gastgschenkli si, i mach Badeschoggi mit Lavendel und denn so iipackt wie e Schoggitafle, mit Spitzebändli verziert und denn de Name gad druff.
Aso so ischs mal planet, da änderet sicher no 100 Mal bises so wiit isch 
Zuletzt bearbeitet am 13.04.15 12:42
|
Jasi14 am 13.04.2015
Re: Bräute 2016
Brütetreff: Sakansas ha dir ä PN gmacht - danke 
Tischdeko
I ha eig oh vor ä chli öppis selber z mache, bi abr leider nid so begabt im Bastle  denke aber mini Kolleginne werde mr da sicher chli helfe
Mis Grosi het oh ä grosse Garte, wirde si de mal frage ob me evtl ä Teil vode Blueme selber chönnt pflanze, denke so chönnti zimmli Geld spare abr äbä, mal luege was überhoubt möglich wär...
|
Sakanas am 13.04.2015
Re: Bräute 2016
Jasi14
Danke für PN =) Ha di grad uf d'Lischte gsetzt... Bald hämmer glaub alli Date zämä.
|
Brucolino am 13.04.2015
Re: Bräute 2016
Hallo mitenand, ich has au mal wieder zum schriibe gschafft.
bin gad en Monet in Florenz am italienisch lerne gsi und jetzt wieder dihei mich am iiläbä.. obwohlmer leider schneller wieder im alltagstrott isch als eim lieb isch 
Wow ier sind ja alli voll fliessig
Mier hend jetzt definitiv dLocation für de Apèro und s Fescht bueched (isch die gliich, eifach unterschiedlichi Rüüm. Sprich: Apèro dusse bi shcönem Wetter und rest dinne)
Chile und Pfarrer hemmer au. Fotografin hani gad hüt en Offerte becho woni nid vill gäg de Priis cha sägä. Jetzt muesi nurno min Schatz devo überzüüge
Musig isch no so es Thema.. bi eifach nid bereit mega vill Gäld usgäh, fpr 2-3 Lieder wo öper ide Chile singt.. hend ier en Tipp?
und am Abig das selbe.. ha ezt mal en Kolleg agfragt wo DJ isch öber das wür welle mache. Ich triff mich denn mal mit ihm.. mal gucken, er isch so en House DJ, kei Ahnig öber lushct hed Hochziitsmusig ufzlege
@ Crivosa: Ich han au s Pflaster a Wiehnachte abgsetzt will ich mim Körper wet Ziit gäh sich wieder znormalisiere bevor mier mit de Kinderplanig startet. und ich reg mich nur uf.. 
Ich ha meega fettigi Huut (vorallem Gsicht obere Rügge), chliini Pickeli woni sushct nie gha ha, denn hani wieder Schmärzä bide Mens und letzt Monet hani 3 (!!!) Wuche dMens gha!? und das mitem Haarusfall känni.. mini Coiffeusin hed gseid: waas hesch du gmacht.. dini schöne dicke Haar sind wäg..
Aber so wie ich mich bis jetzt informiert han, sött sich das iipendle.. je nach Frau gaht das i paar Mönet oder halt es halbs Jahr oder es Jahr.. mier chönd also no hoffe
soo.. wünsch üch es schöns Täglii
ah ja.. bi froh sind ier au scho am Dekosache chaufe. mich lueged alli blöd aa weni sägä, dasi jezt scho wet chaufe. Aber da mier im Mai 2016 hüüratet, muessi fast jetzt. Nächstjahr um die Ziit (wo alli wieder Hochziitsdeko hend) bini scho zspat dra.. also jetzt oder ich muess Herbstdeko mache
|
Sakanas am 13.04.2015
Re: Bräute 2016
Brucolino
Hellow:-) hesch au Lust am Bruuttreff debi zsii? Chentsch mir sust dini Mail & de Wohnort emol per PN durelo! Mer machet denn e Doodle-Umfrooog.
Wuhehe Ladies, am 26.9 gangi is Bruutmodegschäft:-)
Ha grad de Termin chöne fixe! Yeppppi!
|
|
|
1 .. 68 .. 133 134 135 136 137 .. 176 .. 214
|
Anmelden
