http://fanfaronada.eu/?lang=en_us

• Zitieren

Sakanas
www.wissebach.ch Isch irgendwie glaubs eifach en private Hof oder so - ich weiss es nöd mal gnau Aber dFotis hend so schööön usgseh und det obe hesch halt au mega tolli Ussicht Aber sie hend au scho Hochzite gha det.
Sinds gad ufe mit de Prise bi ois im Bächlihof, kei Ahnig Ja, es chunt so wahrschinli eh nöd in Frag, au wenns mega schön wär!

chandini04
Im Triibhuus in Steimuur chöntsch au nah sEsse und Fest mache, sie hend so wie's usgseht au es eignigs Catering - oder zumindest es Partner Catering.
Trauuig und Apero chönd mier ois det definitiv vorstelle, bim Esse chunts denn nah bizli uf de Pris druf ah, will mier ja eigentlich hend wele mit eme Budget vo 20'000 durecho Aber wenn alles perfekt passt, zahled mier natürli gern es bizli meh. Sie hend ebe anschienend au Platz für Band am Abig, was für ois sehr wichtig isch. Und mer chan verlängere bis am 03:00 Uhr, das fänd i au mega toll!

crivosa
Ja, die Juckerfarm isch vor allem da ume eh mega bekannt, mier hend eigentlich mit happige Prise grechnet, aber es isch glich immer chli eh Enttüschig, wills halt so schön isch Aber mier finded sicher nah öpis bessers zumene bessere Pris, da bin ich jetzt optimistisch

Mega cool mit em Busfahrer! Vitamin B isch immer am beste Mier werded au bi es paar Pünkt uf Fründe etc zruggriffe, denn chan mer amigs au nah Geld spare

Silenzia
Oh wow! Soooo schön! Die Site het allgemein nah paar Chleider wo mier würded gfalle

• Zitieren

Schiffländle isch würkli au sehr schön!

Mier gönd nah de 'Charrewäg' go aluege, isch au en Hof in Illnau-Effretike, gseht aber biz chli us... Aber mier gsehnds ja denn, ebs passt.

Denn gönd mer doch au nah id Moschti go luege und is Hotel Hasestrick, das isch au in Wernetshuuse - oder det umenand, ich weiss amigs nöd wie die Dörfli det heissed

De Traumgarte in Thalwil wär au meega schön, aber det zahlsch nur scho fürd Mieti 5000 Franke ohni Catering etc... Und denn gäbts nah sBluemeland Meier, aber det het letscht Jahr mini Gruppeleitig ghürate, das fänd i irgendwie chli komisch, vor allem will mier wahrschinli scho vom gliche Zeremonieleiter traut werded

• Zitieren

Hejh Cream, ev. findsch hie no öppis?

http://www.raumsuche.ch/partyraum/zuerich

• Zitieren

cream_tangerine:

---

Für's Fest hend mier ois sogar scho überleit, eb mier wend eh grossi Waldhütte miete und denn mit eme Catering Service schaffe. Chunt erstens günstigers, mer chan oft ohni druf zahle bis id Morgestunde feste und ich find so Waldhütte meistens mega gmüetlich

• Zitieren

Ja, s'Giardino Verde gseht mega schön us! Aber die sind sicher au recht tür? Weisch du das?

Mier sind ebe au recht heikel mit Wi und Bier, dorum wär sonen Caterer super! Englischi Bier chönted mier über mim Fründ sin Arbeitgeber günstig ha und a de Hochzitsmess hend mier feini und günstigi Wi probiert, wo mier evtl hend wele ha. Ich muss nöd 40 Franke für eh Fläsche Wi zahle, wenn ich für 17 Franke au en guete bechum

• Zitieren