Hallo mini Liebe <3
Die Nochricht schiebi scho es paar Täg use, aber jetzt isch glaubs de richtig Ziitpunkt.
Ha grad mega Müeh die richtige Wort zfinde, und wenn ihr alli live wörde vor mir stoh, müessti sicher brüele. Und nid wegem Entscheid, sondern weg euch.
Min GG und Ich werde def. nid next Jahr hürote. Also au nid öbernächst Jahr, dHochzit isch erst Mal uf Iis gleit. (scheiss Satz).

Aktuell staht au no i de Sterne obs es EUS na i de Zuelunft werd geh. Min GG (und ich willm jetzt nid Schuld i Schueh schiebe), aber min GG het einigi Zwiefel, und eifach e Läbenskrise. Ich möcht da nid gnauer ins Detail go, isch ja au egal.

Uf jede Fall isch das de Grund warumi die letzt Täg nid so gschribe ha, welli halt mini Energie för anders bruche.
Aktuell chunt grad so zemmli de schwersti Kampf vo mim bisher, sehr junge Läbe. Aber ich bin zueversichtlich das es guet chunt. Guet, und so wies mue.

Ich hami echt scho tieerisch uf euses Brüteträff gfreut. Han gwössi vo euch echt ins Herz gschlosse es bitz. Han mit zweine au via Whats app bitz engere Kontakt gha, die hani bsundrs ins Herz gschlosse.
Aber au euch anderi. Sisch so toll gsi emmer vo euch zläse. Und all euchi Gschichte, Plän und Vorstellige. Au weni ganz oft nüm drus cho bin, wer jetzt de komplizierti Papi het und wer Lavendel ufm Tisch will und wer scho sHochzitschleid kauft het und wer das zwei TZ männlichi het, well de eint Schwul isch?! Egal.

Au wenns kacke döhnt, aber ich bin froh isch die Krise jetzt cho, 11/2 Jahr vor de Hochziit und nid churz vordra oder sogar nocher.

Weni dörf lesi glich na mit, interessiert mi ja gliich was bi euch gaht :-(

Sooderle Mädels, passet ganz guet uf euch uf. Passet uf euch, und euchi Männer uf! Ich säg ja emmer:
"SGit 1 Grund warum sich so vell Päärli trennet oder scheide lönd, wells wenns Kompliziert wird, de Schwanz iziehnd."

Und no mi Läbensspruch (erfunde vo mir, oder i ha sGfühl i hane erfunde, zumindst de 2. Teil :-) )
C'est la vie het sGrosi gseit .... Und läbt höt no... :-)

Tschüssli mitenand :-) vell Freud bi de Planig und i wönsch euch vo herze e schöni und perfekti Traumhochziit :-)

• Zitieren

Cream_tangerine
Oh das tönt supi mit Illnau! Perfekt!
Checkliste hend mer keini gha, mer hend eus afoch die Froge wommer gha hend echli zrecht büschelet. Smeiste wird e im Gspröch denn scho erwähnt und er chends eu notiere!
Muesch de verzelle:-)

Chandini
I bin sprachlooos...
Tuet mer unendli leid! Und de Rescht schribi dir per Whatsi.
I wurd mi natürli sehr freue wenn mitlesisch und eus dini Meinig ab und zue teilsch.
Heb dir uf all Fäll fest Sorg und pass uf di uf! big Hug!!!

• Zitieren

nicht registriert

Chandini das sind ja ganz schlimmi Nachrichte... Es tuetmer unendlich leid für dich/eui. Wünsche dir ganz viel chraft, ich hoffe es klärt sich schnell bi eui und ihr chönd wieder i e gmeinsami Zuekunft luege. Hebder Sorg!

• Zitieren

Chandini, das tuet mer mega leid für eu! Wenn vo beidne Siite no Liebi da isch, kämpfed und züched Bilanz. Es lohnt sich. Mir sind sitt über 15 Johr zeme und hend menge Kampf mitenand, gegenand und mitenand gege Widrigkeite usgstande. Oft hani mi au gfroget öb sich das alles lohnt...

Wenn magsch chasch mer gern PN's schriibe, im FB mit mir chatte oder chasch mini Handynummere ha!

• Zitieren

Oh nei, chandini, es verschloht mir grad d'Sproch....

es tuet mir mega leid für Euch.. es isch guet, isch er so offe gsie und hets jetzt scho gseit. I hoff, Ihr findet e Wäg zämmä witterzgo und wünsch Eu ganz viel Chraft und Muet de für Euch richtigi Wäg zfinde

i würd mi au freue, wenn eus trotzdem treu bliebsch und dini Meinige dezue bitreisch. Würds aber au verstoh, wenns Dir im Moment zviel isch und du di lieber zruggziehsch

Fühl dich umarmt

• Zitieren

nicht registriert

Chandini, du weisch, du kasch di jederzyt per Whatsapp oder do im Forum mälde.
Hoff, dass dr wieder zuenander findet!

@Cream_tangerine Mir häns au so wie d Sakanas gmacht. Eifach paar Froge ufgschriebe, dass me die nid vergisst. Was mir no wichtig gsy isch: Probesitze uf de Stüehl!

@Sakanas Yay, so cool!! Freut mi für euch. Scho wieder öbis vo de Liste abghöklet

• Zitieren