Jo so isch es.. problematisch wirds halt, wenn de Maa wirklich wenig verdient
und oft halt muess go schaffe und d'Chind no het etc... Drum Ladies, i legg eu das as Herz, mached e Lebensversicheriiiiig. Oder lönds miteme Versicherigsberoter eues Vertraue denn prüefe.

Silenzia
Yepppi hoooo! Das tönt guet!

• Zitieren

Jep Sakanas du hesch absolut recht mit dem was vorne wegm Erbe gschribe hesch. Genau so laufts. Miteme Ehe-Erbvertrag oder au Testament chame denn em Ehegatte sogar nomeh zue cho loh. Sprich me chönti no dChind uf de Pflichtteil setze, oder au dEltere, den chunt de Ehegatte no meh über. Wenn zudem viel Errungeschaft ume isch und fast kei Eigeguet chame em Ehegatte au no de ganz Vorschlag zuecho loh, denn chunt er fast alles über.

Ich seg amig so lang kei grosses Vermöge, wie es Huus etc. ume isch, spielts nöd würkli en Rugel. Wenns aber mol e Huus git oder au e grosses Konto wos würkli einiges ah Geld ume het würdi das uf jede Fall reglä, selbst wenn no kei Chind do sind. Ebe i dem me z.B. dEltere uf de Pflichtteil setzt und di frei Quote denn em Ehegatte zuecho loht. Das chame ganz eifach miteme churze Testament mache (Hand gschribe, mit Datum versehe und unterzeichnet).

Wenns denn Chind git lohnt sich meistens en Ehe- Erbvertrag. Und das mit de Lebensversicherig würdi spötestens au denn ahpacke, wenn es erste Chind ufm Weg isch. De Ehegatte und au Kind hend natürlich es ahrecht uf Witte- und Weiserente allerdings isch das amig nöd en Huufe.

• Zitieren

Hallihallo zäme

I hoffe, es geit euch allne guet?

Location
Juhuii, ha jetz oh grad dr erst Termin gmacht für ä Location ga aazluege
I wirde jetz denn oh versueche, paar Termine meh abzmache oder mal verschidnigi Offertene aafordere...

Bi üs isch z Problem chli das d Date vo de Zeremonielokal für d Ziviltrouig ersch im September ufgschalte werde...das geit no eewigs... und d location hanget natürlich scho chli vo dem ab...

abr ga luege und lah offeriere chame ja glich....

Danke füre Tipp mitem Probesitze, da wäri sicher nid druf cho abr isch würklech no wichtig

I bi di Locations wo dir chli dervo heti gschribe ga aaluge, kenne si gaar nid da ig ja nid vo "eure" region bi abr gseht würk alles schön us

Schöns Tägli us Bern

• Zitieren

Joo am beste isch es halt scho, wenn me sich im vorhinein guet drüberd informiert und mitenand besprecht, wie dass mers wett mache. I find halt immer, möglichst viel regle, bevors Striit git und vellecht au zunere Fachperson gah. Isch zwar chli unromantisch, aber wenns um Geld gaht chönd Mänsche wörkli fies werde... Es betrifft ja denn ned nur Scheidig sondern au Unfall/Todesfall...

• Zitieren

Jasi14
Oh jo chasch di freue uf d'Location. So coool. Muesch de verzelle

crivosa
Da isch doch super wenn ihr eu so hend chöne entscheide. Findi au guet.
Mir hend eigentlich folgendes gmacht:
- glueged gfallts eus
- wie chönt mer Tisch so stelle (rund, eckig, etc, wirklich ganz grob).
- wie lang chönt mer fiire bzw wenn isch Polizeistund
- Parkplätz, chostepflichtig oder überhaupt kei oder wie auch immer?
- Isch es naturschutzgebiet (füürwerk, Laterne etc.)
- Gits e Bankett-Broschüre mit Menüvorschläge etc? (falls jo, eini mitnä).
- Cha mer e Grobofferte erstelle lo?
- Reserviere, provisorisch möglich? oder gad def. reserviere

Am beschte machsch dir nöd z'viel Gedanke und lohsch d'Idrück würke. I denk mit Menü und Deko isch z'früeh.. du gsehsch jo was sie so hend bzw. wie de ruum würkt. Mach unbedingt paar Bilder!! :-)


Brüütetreff
I lueg dassi am Weekend es Doodle chan mache. Sorry für d'Verspöötig :D

• Zitieren

nicht registriert

Huhu Mädels

@Jasi14 Bi scho gspannt! Eigentlich bini bi allne gspannt, wie d Besichtigunge wärde, nur hani überhaupt kei Überblick meh, wär wenn öbis goht go aluege *lach*

@crivosa So cool! Mir sin au ufd Location ko, wel mr Fottene vo Bekannte gseh hän :-)
Mir häns so ziemlich genau wie d Sakanas gmacht. Plus bi ich no d Toilette go abchecke Wel bi de erste Location, wo mr sin go aluege hani ufd Toilette müesse und denne hani scho dänggt ka: OK, die Location kriegt e fette Minuspunkt
Und uns sin no Übernachtigsmöglichkeite wichtig gsy, wels e knappi Stund Autofahrt isch.
Menü hän mr denne nach de Besichtigung usgsuecht und wäge de Deko luege mr erst ändi Joor.

• Zitieren