| Bräute 2016 |
|
|
1 .. 76 .. 149 150 151 152 153 .. 184 .. 214
|
Sakanas  am 27.04.2015
Re: Bräute 2016
crivosa,
oh i suech au so herzil mit Wöschchlämmerli... bi Dawanda? Mueni grad emol go luege... 
Jo aber no eher Stecknödeli wie Magnet, die hebed imfall u schlecht. Bi mol amene Hochzit gsi und ständig sind die am Bode glege ....
|
|
|
crivosa  am 27.04.2015
Re: Bräute 2016
Lueg das wäri de Link:
http://de.dawanda.com/product/62247951-1...Hochzeitsbutton
|
Sakanas am 27.04.2015
Re: Bräute 2016
Oh merci Crivosa, die gsend supi us. Mir gfalled so öpis wie i de Bilag au. Findi no echli natürlicher und Wöschchlämmerli chönti jo selber hiliime mit Heissliim.
|
lostheaven am 27.04.2015
Re: Bräute 2016
Aso mir hend am letschte Hochziit schlechti Erfahrige gmacht mit dene Wöschchlämmerli, het uu viel geh wo kaputt gange sind.. isch denn schaad gsi..
Besseri Erfahrige hani mit ultrastarche Magnet gmacht. Git spezielli Magnet wo sehr starch sind und mit dene hets guet bi allne ghebet gha.. I tendier drum eher uf so Magnet.
|
Sakanas am 27.04.2015
Re: Bräute 2016
Hehe luschtig mit dene Sache :) I denk am beschte würded halt scho die fiine Nödeli/Sicherheitsnödeli hebe. Muess emol luege wies dä usgseht... bzw. i teschtes dänn.
d'Magnet hebed sicher, müend afoch wirklich gueti si.
|
Locy am 27.04.2015
Re: Bräute 2016
Namenschärtli
sust wär viellicht au no easy so Ettikette z'chlebe. Die cha me jo au schön gstalte 
|
Zug am 28.04.2015
Re: Bräute 2016
Hallo zäme, meld mi au wieder emol rasch,aber chan nümme of alles Antworte...
Aber mer händ wieder en Chile gfunde, dank de Tipps vo eu hämer jetzt Waldchile im Jonenthal, esch de hammer da si schön Gelege esch inere Waldliechtig. Jetzt müemer nor no de ama Sunntig id Mess öp eus de Pfarrer au grad wörd passe
Sakanas danke för de Doodel. I werde mich nöchst wuche iträge, da i jetzt den Abflüge of Mallorca ond mitem Gschäft en Chrüzfahrt mache bis am samschtig 
Ah jo min Atrag hani au öbercho  er hät mir Augeverbunde ond esch in Wald gfahre wo da fescht gsi esch womer eus kenneglehrt händ, hät ofem Natel euses lied lo laufe ond min Lieblings Wii mitgno zum ahstosse. Eifach perfekt
Weg de namenstäfeli, muemer bi de Magnetische ned ufpasse weg dene lüt wone Herzschrittmacher händ?
So mis Taxi chund  wönsch eu allne en gueti wuche ond freu mi scho ofs treffe
|
Sakanas am 28.04.2015
Re: Bräute 2016
Zug
Jooo das tönt jo mega romantisch und so e herzigi Idee vo dim GG
Namenstäfeli
Da isch no en guete Hiiwiis weg de Magnet. Da wüssti nöd emol...
Aber wär zum abkläre, well i ha scho öpert wo en Herzschrittmacher hät.
|
crivosa am 30.04.2015
Re: Bräute 2016
Guete Morge Mädels...wie gohts eu?
Huch also richtig schlimm bi mer...ich bin sooo nervös und freue mi soooo das mer morn I üsi Location gönd...er sind vemuetli di einzige wo mi vestönd au wenns no sooo lang goht bis zur Hochzit...aber bin amigs froh wenis do ine chan loswerde 
|
Sakanas am 30.04.2015
Re: Bräute 2016
Oh jo Crivosa i chan di verstooo.... Bin au immer hibbelig
Gnüsseds und verzellsch eus denn.
Sust gohts ganz guet, mir hend jo morn freiiiii Bin echt froh drum. Im Gschäft bruchts aktuell echli viel Nerv.
|
|
|
1 .. 76 .. 149 150 151 152 153 .. 184 .. 214
|
Anmelden
