Jo genau ich hürote im September zivil
Isch echli speziell, aber mir hend eus so entschiede. I verzells eu dänn... mis Chleidli fürs Zivile hani kauft :-) voll e schlichts, wött jo nöd zviel usgä bi Zalando für CHF 150.-

Summer_2016
Oh über en Stripper hetti au kei Froid. Sache verchaufe no eher, bin recht e offni Person, stoh aber au nöd gern im Vollmittelpunkt. I kümmere mich eigentli lieber um anderi als um mich Bin jo gspanne was mini TZ so vor hät. I fäns no cool, zämä so en Backkurs oder so öpis z'mache und dänn afoch fein esse und viellicht halt no so en Gäg :-) Moool luege...

Polterobig
I ha jetzt grad am TZ vo mim GG no gschriebe, i ha öpis u cools letschthin i de City gseh und dänkt das wär e Idee für min GG zum Polterobig/Nomitag. Ha denkt i schrieb em mol, er muess jo denn mol luege öb das in Frog chämt... Segway-Tour! :-)

I muess immer lache bi dene Polteröbig wo so abartig usartet. I wött kei sottige. Bin nöd so suuffroidig, bzw. i mag Alkohol eigentlich überhaupt nöd... mol e Gläsli Gsprützte-Wisse ok oder natürlich Hugo , aber so Schnäps und derig Waar... huff nei Danke! Aber zum Glück mini TZ jo au nöd...

• Zitieren

Das mit euem Rittermohl tönt ja voll lässig

also min GG isch jetzt scho paar mol i Usland ame Polteri gsi. Zahlt hends die wo mitgange sind jedes mol selber, aso Hotel und Flug und a de Täg selber denn je noch dem was no ahgfalle isch. Es het aber drum teilwiis au Lüüt geh wo abgseit hend und gseit hend si chömed nöd mit, wells ihne eifach ztüür gsi isch.. mit dem muess me denn halt rechne..
Er goht grad das Wuchenend anen Polteri wo de Brütigam überrascht wird, aso de weiss nüt devo und weiss au nid wohi und döt zahled ihm jetzt all wo gönd quasi de Flug und es Hotel, git denn defür nüt me ufs Hochziit

I loh minere TZ au frei Hand.. Ha gseit bi für alles zha ha aber au dureblicke loh das mir eifach wichtig isch das all debi sind und i vor allem am Obig denn ane gueti Party wet go dNacht duretanze.. Ich wird sicher irgend e schrägs Kostüm müese ahlegge und wani au no dureblicke loh ha dasi nöd so uf Verchaufezügs stoh und ich lieber susch öpis finanzier a dem Obig vo mim Geld.. aber falls glich wend dasi Züg verchauf machi natürli au das..

I dänk wenn öper öpis würkli gar nöd mache wet denn seit me das am gschidste im Vorus. Es git nüt schlimmers we wen sich Bruut unwohl fühlt a ihrem Polteri. Da merket denn meistens all wo de bi sind und denn chunt au kei gueti Stimmig uf. Aso segets lieber wener öpis gar nöd möchtet

Bi mim GG machi mir scho chli Sorge Ha em TZ scho dure geh dasi en denn eifach lebend zrugg wot und au mit allne Hoor und nöd verunstaltet Mine isch halt voll de Partytiger, de Pauseclown, de wo immer gueti Luune het und vor allem de wo jede aber au würkli jede Scheiss mit macht egal we schräg das es isch.. und ja er isch jetzt au scho ah ein zwei Polteris debi gsi wos eifach teilwiis understi Schublade zue und her gange isch.. Aber gell Manne und Alkohol do vergessets sich amig eifach und er isch ebe au so en Kandidat für das, ihm isch nix peinlich und er isch sich für nüt zschad haha .. Drum weissi nonid we sin Polterobig den usecho wird.. eher struub wahrschindli.. aber er findet das ebe läss

• Zitieren

au jo sakanas...zeigeee

jo aso I find au wenn si das organisieret zum weggoh den jo...wott ich nöd müese s ganze hotel etc. zahle...es isch jo nöd min dringende wunsch das im usland isch

ich denke aber es paar franke werded sicher di wichtigste lüüt usgeh und I denke es würed au di meiste mitcho...

do Ich halt inre gugge bin wird sicherlich so usecho das I scho chli en struube polteri ha wird... i mag scho biz trinke, irgendwo hets aber den au grenze...ich denk es wüssed ali das I e lustigi offeni bi und viel seich au mitmache...aber bi primitive sache oder echt doofe aleggene oder so wür I den glaub scho sauer werde und da denki wüsseds...
aber I werd wohl en kater ha am nägste tag

• Zitieren

nicht registriert

Ou ja Sakanas zeigsch euis dis Chleid

Oh je Polteri vo mim GG ich wets gar nöd wüsse. Am liebste ischmer sie gönd is Usland und er chunt erst hei wenn er usgnüechteret isch. Wet gar nöd wüsse wie übel die sich werdwt abschüsse. Bin ebe recht empfindlich bim Thema Alkohol, mis Mami isch Alkoholikerin, chan betrunkeno lüt gar nöd ab, scho gar nöd wäns min Schatz isch. Aber janu, hauptsach er ish aständignind wasi eifach gseit han isch das es meh als ei Wuche vor de Hochziit muess si. Er würd am liebste abig vorem Hochziit aber das isch definitiv e sch... idee

• Zitieren

Danke dir Sakanas

Hm aso d Whatsappgruppe findi guet...aber was meineder? sölled mer das mache wenn mer üs s erste mol troffe hend?
I denk den kenned mer üs ali biz besser und I vestohs wenn do nöd jede gad d Nr. wott usegeh...


Ich han vor am zivile es Chleid mit Pettycoat azlegge...han en violette ime edle glänzende stoff mit schwarze blueme...so do:

http://www.junox.ch/joomla/index.php/shop/product/view/15/92

do mer u fans sind vo de 50er johr (ich han halt au viel tattoos und so) findet mer de stil super...aber nöd für di chirchlich hochzit

• Zitieren

Ouu Summer ja klar do hesch natürli en ganz andere Hintergrund. Mis Mami hets z.B. au nöd gern wen mir betrunke sind, well ihre Paps aso min Grossvater isch au Alkoholiker gsi und si hend recht glitte als Chind.

Aber din GG de muess me glaub mol chli schüttlä Am Obig vorm Hochziit de Polteri, do magsch jo am nächste Tag im Läbä nie..

Drum hani gseit 4 Wuche vorher mindestens.. i muess den chli erholig ha nochane... well jo ich ghör ebe scho zu dene wo ab und zue (aso nöd oft aber zu bestimmte Ahläss oder wenns halt eifach wieder mol guet isch im Usgang) mol eis zwei über de Durscht trinket und den au guet parat isch I wird aso a mim Polteri definitiv nöd nüechtern hei cho und i wird de ganzi Sunntig bruche zum mi erholä

• Zitieren