| Bräute 2016 |
|
|
1 .. 87 .. 172 173 174 175 176 .. 195 .. 214
|
Emely  am 20.08.2015
Re: Bräute 2016
Aso för Magnetli wärs de Link.
http://www.zazzle.ch/save+the+date+magne...92&pr=0-500
Ja esch chli kompliziert und es hed 1000igi. Ech han ez bim Thema Natur und Landschaft agwählt gha und 2, 3 gfunde womer gfalled. Wett halt so chli was mit Rose zum grad is Hochzitsthema und Farb izstiege :D
|
|
|
Sakanas  am 20.08.2015
Re: Bräute 2016
Mir hend au Save the Date verschickt... mir hend mit Strossechriede an Bode gmoled und sind dänn so higlege - wirklich amüsant worde 
Mir werded alles echli im Korall/Pfirsich/Brun-Ton halte :D
|
cream_tangerine am 20.08.2015
Re: Bräute 2016
Hallo zäme, da lauft ja mal wieder richtig epis!
Mini Muetter froit sich jetzt au ufs Hochzit! Wo mier ois verlobt hend isch das leider nanig so gsie und es het mich det sehr schwer troffe... Aber ebe, jetzt muss ich sie fasch chli zrug hebe  Hoffe es chunt bi oich so, wie'n ihr euch das wünsched!
Mier sind jetzt au am luege wege Iladigschärtli. Mim GG sin beste Kolleg isch Grafiker und macht die für ois, mier müend nur Idee liefere  Was mer nah bruched isch denn eh Druckerei wos ois chan drucke. Mier hend bi oisem Gschäft eh gschützti Werchstatt wo au Druckufträg macht, muss ez aber mal zersch luege was bi dene möglich isch...
STD's hend mier keini verschickt. Mim Schatz sini Familie wo us England chömed wüssed alli Bscheid und au mini engste Verwandte und Fründe.
I de negste Wuche wird ich denn afange für Chleider luege, ich froi mich scho soooo fest!!!! 
Bis jetzt hend mier fix:
Location (Zeremonie, Apero, Fest alles am gliche Ort)
Freie Theolog
Floristin
Fotografin
DJ
Band
Farbkonzept (violett-gelb)
Zuletzt bearbeitet am 20.08.15 18:14
|
Emely am 20.08.2015
Re: Bräute 2016
Oh Cool.
Ben grad voll usem Hüsli.
Han mim GG höt obe mini Idee zeigt woni höt gsammlet han und er esch begeisteret gsi.
Hend ez grad Eusi STD Magnetli zäme usgsuecht und Bstellt. Aso eis vo minere Voruswahl Aber zum Glöck hed eus Beidne s gliche am beste gfalle
Finds immer so spannend wenn weder was usgwählt und gmacht esch. mage chum meh warte, wenni denke dases no es Johr goht. 
Cream Tangerine wönsche der vell spass bim Chleider probiere ;)
Zuletzt bearbeitet am 20.08.15 21:05
|
|
Summer_2016 nicht registriert am 21.08.2015
Re: Bräute 2016
Hey Ladies
Ja danke händs na guet gha, aber isch jetzt au de recht Ziitpunkt gsi zum d'Reis beende, isch halt scho astrengend und irgendwenn sind beidi nur na greizt gsi, wär au schad gsi wän am Schluss na d'Beziehig id Hose wär weg dem. Ich han au na es medizinisches Problem becho, drum simer dän schlussendlich hei.
Oh Sakanas bi dir isch ja scho gli de Standesamttermin gäll? Scho ufgregt?
Ah die wo STD verschickt händ, händ ihr viel Rückmeldige becho?
|
Sakanas am 21.08.2015
Re: Bräute 2016
Hi Summer
Ja seg nünt am 19.9 schoo bald:-) morn hani Polteri
|
|
Summer_2016 nicht registriert am 22.08.2015
Re: Bräute 2016
Oh Sakanas bin scho gspannt uf din Polteri-Bricht! Gnüsses!
|
happybraut am 24.08.2015
Re: Bräute 2016
Ich bin au scho wiiter mit minere planig :D mir fehlet nur na d ring und mis kleid...:) sust hend mir eigendli quasi alles..:)
Zuletzt bearbeitet am 24.08.15 09:51
|
|
Summer_2016 nicht registriert am 24.08.2015
Re: Bräute 2016
Happybraut echt, sust scho alles fertig? Händ ihr grad afangs Jahr Termin?
Ich han na e Frag, vilicht weiss es öper vo eui, ich finds eifach nöd use, es git doch drü Arte vo Serviette Material, papier, stoff und ??? Es isch so öpis zwüschet drin, kei stoff aber au nöd so dünn wie Papier. Wet ebe dertig dän chaufe, bi euis i de Location gits nur wiisi Stoffserviette und tischtüecher, aber euises Motto isch ja blau-wiis, drum hani dänkt blaui Serviette wäret na öpis.
|
Locy am 24.08.2015
Re: Bräute 2016
Summer_2016:
Happybraut echt, sust scho alles fertig? Händ ihr grad afangs Jahr Termin?
Ich han na e Frag, vilicht weiss es öper vo eui, ich finds eifach nöd use, es git doch drü Arte vo Serviette Material, papier, stoff und ??? Es isch so öpis zwüschet drin, kei stoff aber au nöd so dünn wie Papier. Wet ebe dertig dän chaufe, bi euis i de Location gits nur wiisi Stoffserviette und tischtüecher, aber euises Motto isch ja blau-wiis, drum hani dänkt blaui Serviette wäret na öpis.
äähhm.. sind glaubs vlies serviette wo du meinsch :-)
|
|
|
1 .. 87 .. 172 173 174 175 176 .. 195 .. 214
|
Anmelden
