ich han ez grad bi einere oberschenkelschoner bstellt.

• Zitieren

Übrigens isch eus de absoluti Supergau passiert:
Euse Tätschmeischter lüütet am Suntig a und seit: "Du, de x und dy (es Päärli) sind ned au zum Ässe iglade oder?" Sie hend enand ame Fäscht troffe und gseit, sie gsehnd enand ja am Hochziit und de heged die gseit, sie voll überrascht gsi, dass sie au zum Ässe iglade sind.
Ja denn bin ich a min Laptop und ohje - ich han dene de falsch Text is Ilageblatt kopiert. Mischt! Oberpeinlich!
Normalerwiis wär ich jetzt die wo seit: "Hänu, dumm gloffe. De chömed die halt au as Ässe. Sie sind ned die ängscht Fründe. Aber mir möged sie guet und uslade duet mr eifach niemer!" Mis grosse Problem: sReschti womer ässed isch ned sooo gross. Es isch ein grosse Ruum wo i 2 Teil ufteilt isch. Im einte Teil sitzed die Erwachsene und det hets kein einzige Platz meh frei und mir sitze scho au a de Stirnsiite vom Tisch. Im andere Teil sind dChind mit de Nanny. Det hettis scho no Platz für 2, aber wenn ich ame Hochziit det müsst sitze chämt ich mir voll fehl am Platz vor...
Also hämmer hüt müsse bi dem Päärli go lüüte und de Fehler ufkläre und erkläre... Mann ich wär am liebschte im Bode versunke. Es isch nur er ume gsi, aber er hets rächt locker gno. Ich glaub er het uu Mitleid gha mit mir, wills mir so niened rächt gsi isch...
Uff... Devor simmer no go de Wii ussueche mit mim Mami zäme und jetzt hämmers denn öppe:
Bruutchleid und Azug sind jewiils bim Schniider und werded apasst, dRing sind bi de Goldschmiedin, passed und jetzt werded i mim no dSteinli gsetzt; Blueme und Ässe sind usgsuecht wie au dMusig bi de Trauig und so...
Jetzt fehled nur no die "chlini" Details, aber es ruckt sowas vo nöcher.

Nume no 40 mal schlafe... (Ich han e App wo für mich dTäg zellt wo no sind ;) )

Wie laufts bi eu so? Lauft alles wie gschmiert oder sind eu au scho Panne passiert?

• Zitieren

Es isch so ruhig i eusem Thread... Sinder all im Vorbereitigsstress?
Also ich bin hüt mis Bruutchleid nomal go aprobiere. dLängi stimmt jetzt, obe ume muss sie nomal biz ineh...
Und denn sind eusi Ehering fertig :) Ich freu mi so...:

Puuh... Jetzt am Samstig hani no min Polterabig und denn i 3,5 Wuche bini scho verhüratet...



Ich wett so 10 Tag vorher nomal allne alüte/es Mail schribe so zum nahfröge, ob no alles i.o. isch und nix vergässe gange isch (aso Apero, Fotograf, Ässe, ...). Finded ir das übertribe Bridezilla-mässig?

• Zitieren

Hallo.....

Ui ganzodergarned, das isch ja dumm gloffe mit dene Gäscht wo ihr für de Apéro iglade hend und de falsch Text übercho hend.... Ja, stimmt isch wenig gloffe im Thread. Ich ha wahnsinnig viel müesse schaffe, jetzt hani Ferie und ich mach mi halbe verruckt mit de Frisur. Ich weiss eifach nid was i wett......

Ich / mir lütet au allne na a vorem Hochzig, mir wend sicher si, dass alles klappt, Transport, Apéro, usw....

D'Ring müend mir na go graviere lah. Mir gfalled dini / eui (@ganzodergarned).

Wow scho i drü Wuche isch de grossi Tag. Bi üs gahts na länger, und ich träum etz scho fasch jedi Nacht vom Tag.

Falls irgendwer na en Tipp het für d'Frisur: nimm alli Tipps gern entgege.

Ich ha en schulterlange Bob. Ha e Brülle, Haarasatz höch (hohi Stirn) de Nacke muess unbedingt frei si, damit mer min Neckholderverschluss gseht. Ich wird es Haarband träge. Ohrring sött mer au gseh...... Ich ha soviel Idee wo mir gfalled...... Aber kei Ahnig was ich will.

LG a alli

• Zitieren