@losthaeven
I werde dört emol alüte und luege... z'vil usgä wötti wirklich nöd, aber sie müend mir trotzdem gfalle und bitzli öpis ussergwöhnlichs dörfs also au si.
I wär zwar en Baschtler und machs au gern, aber mir fehlts grad a de Idee

@Zug
Wow da isch e cooli Idee mit de Reagenzgläsli, lueg emol wasi gfunde ha uf Google, da würd denn zu eu passe.. (farblich halt echli bunter, aber mit Orange drin)

www.cloud9design.de/karten/hochzeitskart...ungskarten.html

Yes mir hend üs für en Fotograf entschiede, hoff er hät denn am 11.6 no Zyt bzw. es buecht mir niemert dezwisched... Mir wüssed afoch no nöd wieviel Stund mir en sölled nä...

• Zitieren

Sakanas
jo dete beni ebe au scho gsi, aber da esch mir eifach zviel farb dinne
vielicht bstelli gläsli öber mis gschäft ond de hanis au echli gönstiger

oh hätsch mir ned per PN mol de Fotograf, mer hürote jo erscht am 27.08. aso schnapen der ned weg ond i fend echt kei schlaue wo mer passt ond wod chasch zahle
jo da mit de stunde esch sone sach, da mer bim ziviele föllig vergesse händ paarfötteli zmache send mer fötteli dasmol ziemlich wichtig. darum hät ich ihn ger vom vorbereite här bis öpe am zwölfi. mer händ eus aber grenze gsetzt ned meh als 3'000 fr. uszgeh ond da esch ziemlich schwirig...

• Zitieren

Mir hend mol prov. e Fotografin reserviert. Aber da ich die mit Vitamin B übercho ha und die üs en Fründschaftspriis macht, bringt eu das vermuetli etzt grad nüt .

Weg de Ziite hani mol dure geh 1h fürs Zivile am Vortag und ca. 7h a de freie Trauuig wo folgendes beinhaltet: Paarshooting vorher, denn Trauuig, Apéro und no churz id Obiglocation mitcho zum döt eifach schnell Fotografiere wies usgseht und so. I dänk für am Obig werdemer no öper vo de Gäst bitte, wo chli Hobbymässig fötelet ihre Foti mitzneh und no di wichtigstä Sache churz festhebe, so Torte ahschnide usw.

• Zitieren

Sakanas, Photobooth find i mega!! Ich kenne die scho vo andere Verastaltige und han es paar a de Hochzitmess in Züri gseh. Fänds cool eini zha und denn sGästebuech denebed zlege, damit dGäst grad Föteli chönd inechläbe und öpis dezue schribe

photokiste.ch han ich a de Hochzitsmess die beste gfunde, die sind au mega offe und fründlich gsie!

• Zitieren

Sarkanas molmol ebe mit Fründschaftspriis für üs

I find Fotobooth au cool. Mir sind mol ame Hochziit gsi do hend Trauzüge es Fotibuech gmacht mit allne Gäst aso au Aperogäst. Wäred em Apero bisch gholt worde, meistens zweite (grad Paarwiis) mengisch au meh Persone, und denn hesch so Szene müese "nohspiele" fürs Foti, vom Kennelerne bis zur Hochziit. Min GG und ich hend miteme Dritte Trauig nohgstellt, öper het denn das gfötelet. Denn hets e Gästebuech gha, hesch müese "Dini" Siite go sueche und uf di einti Siite is Foti spöter iiklebet worde und uf di ander Siite hesch chöne dini Wünsch em Bruutpaar mit uf de Weg geh. Ha das e meeeega Idee gfunde!

• Zitieren

photobooth fendi cool. Wers günstiger well, sell sich so PolaroidKamera bsorge (git sicher im Fröndeschreis 1-2 Lüt wo so eini hend.) und de muemer sich halt Film chaufe (die sind Eher tür, aber sicher günstiger als die ganz Photobooth).
Und die Schnauz sache und Deko womer cha brucbe chamer super eas selber bastle.
Hemmer ame 30. Geburri gmacht und isch super acho :-)

• Zitieren