Anl�sse › Hochzeitstag › Bräute 2016 | Braut-Forum von HOCHZEIT.ch

Bräute 2016

1 .. 13 .. 24 25 26 27 28 .. 121 .. 214

am 03.02.2015

Re: Bräute 2016

Hi Vintagefan, coole Name
Du findsch bestimmt es tolls Chleid, schliessli isch jo Vintage voll in und mit Spitze sowieso. Wow!
Cupcakes... i machs Hobbymässig :-) also folgendi Lädeli findi echt super und han au scho dört probiert... (teilwiis).

http://www.littleshabby.com/

http://www.cupcake-affair.ch/

http://minhcakes.ch/

http://lelacupcakes.ch

Machsch e Candy-Bar? :-)

Zitieren

Vintagefan

am 03.02.2015

Re: Bräute 2016

Hey danke 1000 mal für dlinks ich klickmi da gad mal dure! ich bach die cupcakes äbe au sehr sehr gern und sie wärded au fein aber für schöni verzierig hani amel sälber kei geduld ;)

Zitieren

Sakanas

am 03.02.2015

Re: Bräute 2016

Jo und für so viel Gäscht wöttsch das jo au nöd selber mache. I mach sust eher Cake Pops - die findi handlicher. Jo lueg doch emol dure und losch dir Agebot zuestelle. Wo hürotet ihr denn und wenn?

Zitieren

Vintagefan

am 03.02.2015

Re: Bräute 2016

mer hend sdatum nonig ganz feschtleid entweder 6. oder 27. Auguscht 2016 und sind jetzt äbe gad no druf und dra mit locations azluege. Mer wettet nid in Züri selber drum gömmer jetzt mal in Horge go die neu lokalität Seeyu aluege und sind auscho in Pfäffikä/SZ ide luegete gsi, würd eus auno gfalle und no 2-3 anderi sache hemmer im hinterchopf... wettet chli mit see und landschaft äbe

Zitieren

Sakanas

am 03.02.2015

Re: Bräute 2016

Oh das tönt doch super Vintagefan. Hauptsach mir weiss ungefähr wenn... mir hend au 4. oder 11.6.2016 mol is Aug gfasst. Mir wend au richtig Zürisee hebe, afoch die ander Seesiite :-) oder halt bim Griifesee Git u viel schöni Örtli... teilwiis e Priis-Frog...
Was hender so für es Budget?

Zitieren

Vintagefan

am 03.02.2015

Re: Bräute 2016

Ja das mitem Budget isch sone sach.... mir sind wirklich irgendwie idere blau-öigige phase womer eifach zerscht mal mönd luege und meischtens au verschrecked wasmer für gwüssi sache zahlt wenns ums hürate gahd. Mer kläred jetzt mal paar sache ab und mached uf grund vode erschte offertene (vo sache wie location und bi mir s'chleid natürlich wo eus mega wichtig sind) en budget plan womer denn halt au klar lueged uf wasmer verzichte chönd (z.B. irgend en oldtimer oder kutsche oder so bruchts bi eus nid und chömmer guet wäglah), au d'Ring mönd bi eus nid riese grosses schniggschnagg si.

Wie isches bi euch denn?

Zitieren

Sakanas

am 03.02.2015

Re: Bräute 2016

Oh eus gohts ziemlich glich... I han letschti e Mail becho mit Mindestumsatz 10'000 und ha denkt i spinn.. Im Nochhinein hani müesse drüber schlofe und nozehle und es summiert sich u schnell... Yesses!
Mir hend üs bi de Bank es Hochzyts-Sparkonto igrichtet und i ha mir en Sparplan gmacht, dass mir CHF 30'000 uf de Siite hend bis nägscht Juni :-) Klar wird de Fortlaufend abbuecht und umbuecht, aber mir schaffed jo all no :-)

Hauptsach das würd üse Tag. Da isch doch swichtigschte. Mir vergliched eifach u viel, ha au xait mit Ring etc, i wohne nöch am Dütsche why not.