Absolut praktisch...vorallem jetzt wo im Büro nöd so viel lauft. Mir sind ächli en "Saisonbetrieb" - also seg ich amel.. do lauft vom Jan-Mai relativ wenig und nohher renneds eim bis Endi Johr d'Buude i
Nei DJ oder Band etc. händ mir no nünt. I wött jetzt zerscht d'Chile und d'Obiglokalität fixe und dä chunt de rescht drum rum... I bi afoch echli am Idee + Adresse sammle.

• Zitieren

ja ich bin au zum glück en bürogummi ja das mit de 30'000 isch au mal so eifach imaginäri vorstellig überhaupt nonig uf agebot basierend aber hend au dänkt dass das hoffentlich lange sött!

mir sind jetzt gad a musiker dra isch mir halt auno wichtigs thema und datum-abhängig (womer mit blueme, chleid etc. nochli zuewarte chan)

• Zitieren

Wow Crivosa, Hammer Lokalität! Mega toll gemäss Homepage und da würds mir au meh als gfalle! Woooooowwwww. Bini gspanne de uf d'Föteli

Nei CHF 10'000 Budget isch nöd für alles. Die 10'000 sind afoch en Mindestumsatz im Restaurant wo mer müessti erreiche... findi aber scho recht viel und drum hani mir scho paar Gedanke gmacht und denk mis Budget wird eh höcher usfalle.

Mir hend afoch es Sparkonto uf beidi Näme bi üsere Huusbank (Raiffise) gmacht. Und dä Bankberoter hät jetzt s'Konto agleit und anegschriebe Sparkonto Hochzeit. Mega lieb
I tue dört afoch üse Sparbiitrag druf und wärde denn das Konto au de Gäscht agä für d'Wunschlischte.

Zuletzt bearbeitet am 03.02.15 13:42

• Zitieren

Jo isch wirklich de absolut Hammer Crivosa. Würd mir au sehr gfalle...
Und i finds cool dass ihr dört öpis sueched wo ihr eu verbunde fühled.

Mir hend ebe scho siit Johre es gmeinsams Lohnkonto und jede hät sis Sparkonto wi i denn amel eifach monatlich gfüettered han. Jetzt hämmer afoch quasi no es dritts Sparkonto gmacht uf beid Näme zämä.

I frög mi immer öb mer Budget wirklich chan irgendwie ihalte...

Mached ihr e Hochzytsversicherig? z.B. Zürich-Versicherig?

• Zitieren

I glaub i mache die, isch echt nöd so tüür. Obwohl sie isch vu de Konkurrenz

• Zitieren

Genau so han ich das au verstande Baguette. Nach Abschluss 1 Johr, also jo nöd z'früeh abschlüsse (chan mer jo online mache). i werd aber die Allgemeine Bedingige mol no gnau unter d'luupe nä...

• Zitieren